ਅਮਿਤਾਭ ਬੱਚਨ ਨੇ ਹਾਲ ਹੀ ‘ਚ ਦੱਸਿਆ ਹੈ ਕਿ ਉਨ੍ਹਾਂ ਨੇ ਆਪਣੇ ਬੇਟੇ ਦੀ ਆਉਣ ਵਾਲੀ ਸਪੋਰਟਸ ਡਰਾਮਾ ਫਿਲਮ ‘ਘੂਮਰ’ ਦੇਖੀ ਅਤੇ ਇਸ ਦੌਰਾਨ ਉਹ ਦੋ ਵਾਰ ਰੋਏ। ਇਸ ਫਿਲਮ ‘ਚ ਅਭਿਸ਼ੇਕ ਬੱਚਨ, ਸੈਯਾਮੀ ਖੇਰ ਅਤੇ ਸ਼ਬਾਨਾ ਆਜ਼ਮੀ ਮੁੱਖ ਭੂਮਿਕਾਵਾਂ ‘ਚ ਹਨ। ਅਮਿਤਾਭ ਬੱਚਨ ਨੇ ਆਪਣੇ ਬਲਾਗ ‘ਚ ਫਿਲਮ ‘ਤੇ ਆਪਣੀ ਰਾਏ ਦਿੱਤੀ ਹੈ। ਫਿਲਮ ਦੇ ਨਿਰਦੇਸ਼ਕ ਆਰ ਬਾਲਕੀ ਹਨ।
ਅਮਿਤਾਭ ਬੱਚਨ ਨੇ ਆਪਣੇ ਬਲਾਗ ‘ਚ ਲਿਖਿਆ- ” ਮੈਂ ਘੂਮਰ ਫਿਲਮ ਦੇਖੀ, ਉਹ ਵੀ ਲਗਾਤਾਰ ਦੋ ਵਾਰ। ਐਤਵਾਰ ਦੁਪਹਿਰ ਨੂੰ ਅਤੇ ਫਿਰ ਰਾਤ ਨੂੰ। ਮੈਂ ਇਸ ਫਿਲਮ ਬਾਰੇ ਕੁਝ ਵੀ ਕਹਿਣ ਦੀ ਸਥਿਤੀ ਵਿੱਚ ਨਹੀਂ ਹਾਂ। ਫਿਲਮ ਦੇ ਪਹਿਲੇ ਫਰੇਮ ਨੇ ਮੇਰੀਆਂ ਅੱਖਾਂ ਵਿੱਚ ਹੰਝੂ ਲਿਆ ਦਿੱਤੇ ਅਤੇ ਜਦੋਂ ਫਿਰ ਅਜਿਹੀ ਕਿਸੇ ਚੀਜ ‘ਚ ਤੁਹਾਡੇ ਆਪਣੇ ਬੱਚੇ ਹੋਣ, ਤਾਂ ਹੰਝੂ ਨਹੀਂ ਰੁਕਦੇ। “
ਅਮਿਤਾਭ ਬੱਚਨ ਨੇ ਫਿਲਮ ਦੇ ਇੱਕ ਨੂੰ ਵੀ ਦੁਹਰਾਇਆ। ਉਨ੍ਹਾਂ ਲਿਖਿਆ – ਫਿਲਮ ਦਾ ਸਭ ਤੋਂ ਸ਼ਾਨਦਾਰ ਡਾਇਲਾਗ ਸੀ – “ਮੈਂ ਜਾਣਦਾ ਹਾਂ ਕਿ ਹਾਰਨ ਵਾਲਾ ਕੀ ਮਹਿਸੂਸ ਕਰਦਾ ਹੈ, ਪਰ ਮੈਂ ਇਹ ਦੇਖਣਾ ਚਾਹੁੰਦਾ ਹਾਂ ਕਿ ਇੱਕ ਜੇਤੂ ਕਿਵੇਂ ਅਤੇ ਕੀ ਮਹਿਸੂਸ ਕਰਦਾ ਹੈ। ਉਨ੍ਹਾਂ ਲਿਖਿਆ ਕਿ ਅਸੀਂ ਸਾਰਿਆਂ ਨੇ ਆਪਣੀ ਜ਼ਿੰਦਗੀ ਦੇ ਕਿਸੇ ਨਾ ਕਿਸੇ ਮੋੜ ‘ਤੇ ਇਹ ਭਾਵਨਾ ਜ਼ਰੂਰ ਮਹਿਸੂਸ ਕੀਤੀ ਹੋਵੇਗੀ।”
ਦੱਸ ਦਈਏ ਕਿ ਹਾਲ ਹੀ ਵਿੱਚ ‘ਘੂਮਰ’ ਨੂੰ ਮੈਲਬੌਰਨ ਦੇ ਇੰਡੀਅਨ ਫਿਲਮ ਫੈਸਟੀਵਲ ਵਿੱਚ ਦਿਖਾਇਆ ਗਿਆ ਸੀ। ਸਕ੍ਰੀਨਿੰਗ ਤੋਂ ਬਾਅਦ ਫਿਲਮ ਨੂੰ ਖੂਬ ਸਲਾਹਿਆ ਗਿਆ। ਇਹ ਫਿਲਮ 18 ਅਗਸਤ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਅਭਿਸ਼ੇਕ ਇੱਕ ਕੋਚ ਦੀ ਭੂਮਿਕਾ ਨਿਭਾਅ ਰਹੇ ਹਨ ਜਿਸਦੀ ਜ਼ਿੰਦਗੀ ਸਯਾਮੀ ਖੇਰ ਨਾਲ ਮਿਲਣ ਤੋਂ ਬਾਅਦ ਬਦਲ ਜਾਂਦੀ ਹੈ।