ਮੁਕੇਸ਼ ਅੰਬਾਨੀ ਦੇ ਛੋਟੇ ਬੇਟੇ ਅਨੰਤ ਅੰਬਾਨੀ ਦੇ ਵਿਆਹ ਤੋਂ ਪਹਿਲਾਂ ਦੇ ਜਸ਼ਨਾਂ ਵਿੱਚ ਹਿੱਸਾ ਲੈਣ ਲਈ ਪੌਪ ਸਟਾਰ ਰਿਹਾਨਾ ਵੀ ਜਾਮਨਗਰ ਪਹੁੰਚ ਚੁੱਕੀ ਹੈ। ਉਹ ਪ੍ਰੀ-ਵੈਡਿੰਗ ਸੈਰੇਮਨੀ ‘ਚ ਪਰਫਾਰਮ ਕਰੇਗੀ।
ਇਸਤੋਂ ਇਲਾਵਾ ਸਲਮਾਨ ਖਾਨ ਨੂੰ ਵੀ ਜਾਮਨਗਰ ਏਅਰਪੋਰਟ ‘ਤੇ ਦੇਖਿਆ ਗਿਆ। ਅਦਾਕਾਰ ਕੈਜ਼ੂਅਲ ਲੁੱਕ ‘ਚ ਨਜ਼ਰ ਆਏ। ਰਣਬੀਰ ਕਪੂਰ ਨੂੰ ਮੁੰਬਈ ਏਅਰਪੋਰਟ ‘ਤੇ ਕੈਜ਼ੂਅਲ ਲੁੱਕ ‘ਚ ਜੈਕੇਟ ਪਹਿਨ ਕੇ ਦੇਖਿਆ ਗਿਆ। ਅਭਿਨੇਤਾ ਆਪਣੇ ਪਰਿਵਾਰ ਨਾਲ ਜਾਮਨਗਰ ਲਈ ਰਵਾਨਾ ਹੋ ਗਏ ਹਨ। ਮਾਂ ਨੀਤੂ ਕਪੂਰ ਨੂੰ ਵੀ ਏਅਰਪੋਰਟ ‘ਤੇ ਦੇਖਿਆ ਗਿਆ। ਅਰਜੁਨ ਕਪੂਰ ਵੀ ਜਾਮਨਗਰ ਲਈ ਰਵਾਨਾ ਹੋ ਗਏ।
ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀਆਂ ਤਿਆਰੀਆਂ ਹੋ ਚੁੱਕੀਆਂ ਹਨ। ਇਸ ਪ੍ਰੋਗਰਾਮ ਵਿੱਚ ਕਈ ਕਲਾਕਾਰ ਅਤੇ ਗਾਇਕ ਪਰਫਾਰਮ ਕਰਨਗੇ। ਜਾਹਨਵੀ ਕਪੂਰ, ਮਾਨੁਸ਼ੀ ਛਿੱਲਰ, ਅਭਿਸ਼ੇਕ ਬੱਚਨ, ਫੈਸ਼ਨ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ, ਪੰਜਾਬੀ ਗਾਇਕ ਬੀ ਪ੍ਰਾਕ ਅਤੇ ਊਧਵ ਠਾਕਰੇ ਦੇ ਬੇਟੇ ਤੇਜਸ ਠਾਕਰੇ ਪਹਿਲਾਂ ਹੀ ਜਾਮਨਗਰ ਪਹੁੰਚ ਚੁੱਕੇ ਹਨ।
ਜ਼ਿਕਰਯੋਗ ਹੈ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀ ਗੈਸਟ ਲਿਸਟ ‘ਚ ਅਮਿਤਾਭ ਬੱਚਨ ਦਾ ਪੂਰਾ ਪਰਿਵਾਰ ਸ਼ਾਮਲ ਹੈ। ਇਨ੍ਹਾਂ ਤੋਂ ਇਲਾਵਾ ਦੀਪਿਕਾ ਪਾਦੂਕੋਣ, ਰਣਵੀਰ ਸਿੰਘ ਅਤੇ ਸੈਫ ਅਲੀ ਖਾਨ ਵੀ ਆਪਣੇ ਪਰਿਵਾਰਾਂ ਨਾਲ ਇਸ ਸਮਾਰੋਹ ‘ਚ ਸ਼ਿਰਕਤ ਕਰਨਗੇ।
ਮਹਿਮਾਨਾਂ ਦੀ ਸੂਚੀ ‘ਚ ਮਾਧੁਰੀ ਦੀਕਸ਼ਿਤ, ਕਰਨ ਜੌਹਰ, ਕੈਟਰੀਨਾ ਕੈਫ, ਵਿੱਕੀ ਕੌਸ਼ਲ, ਸ਼ਾਹਰੁਖ ਖਾਨ, ਅਜੇ ਦੇਵਗਨ, ਕਾਜੋਲ ਦੇ ਨਾਂ ਵੀ ਦਰਜ ਹਨ। ਦੱਸ ਦਈਏ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਵਿਆਹ 12 ਜੁਲਾਈ ਨੂੰ ਮੁੰਬਈ ਵਿੱਚ ਹੋਵੇਗਾ। ਵਿਆਹ ਤੋਂ ਪਹਿਲਾਂ ਦੋਵਾਂ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਾ ਸ਼ਾਨਦਾਰ ਜਸ਼ਨ ਹੋਣ ਵਾਲਾ ਹੈ।
