ਮਸ਼ਹੂਰ ਟੀ ਵੀ ਅਦਾਕਾਰਾ ਅਤੇ ਬਾਲੀਵੁੱਡ ‘ਚ ਵੀ ਆਪਣੀ ਪਛਾਣ ਬਣਾ ਚੁੱਕੀ ਅੰਕਿਤਾ ਲੋਖੰਡੇ ਨੇ ਕੁਝ ਦਿਨ ਪਹਿਲਾਂ ਵਿੱਕੀ ਜੈਨ ਨਾਲ ਸੱਤ ਫੇਰੇ ਲਏ ਅਤੇ ਸਦਾ ਲਈ ਇੱਕ ਦੂਜੇ ਦੇ ਹੋ ਗਏ। ਵਿਆਹ ਤੋਂ ਬਾਅਦ ਅੰਕਿਤਾ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ ਅਤੇ ਉਹ ਲਗਾਤਾਰ ਆਪਣੇ ਵਿਆਹ ਨਾਲ ਜੁੜੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੀ ਹੈ। ਜਿਸ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਤਾਜ਼ਾ ਤਸਵੀਰਾਂ ‘ਚ ਅੰਕਿਤਾ ਲਾਲ ਸੁਨਹਿਰੀ ਰੰਗ ਦੀ ਬਨਾਰਸੀ ਭਾਰੀ ਸਾੜ੍ਹੀ ਪਹਿਨੀ ਅਤੇ ਮਾਂਗ’ਚ ਸਿੰਦੂਰ ਸਜਾਏ ਆਪਣੇ ਪਤੀ ਨਾਲ ਬੇਹੱਦ ਖ਼ੁਸ਼ ਨਜ਼ਰ ਆਈ।
ਪ੍ਰਸ਼ੰਸਕਾਂ ਨੇ ਵੀ ਇਸ ਜੋੜੀ ਦੀ ਤਾਰੀਫ ਕਰਨ ‘ਚ ਕੋਈ ਕਸਰ ਨਹੀਂ ਛੱਡੀ। ਅੰਕਿਤਾ ਲੋਖੰਡੇ ਨੇ ਆਪਣੀਆਂ ਨਵੀਆਂ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀਆਂ ਹਨ। ਇਸ ‘ਚ ਅੰਕਿਤਾ ਭਾਰੀ ਜਿਊਲਰੀ ਅਤੇ ਭਾਰੀ ਸਾੜ੍ਹੀ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਬਾਲਾ ਮੋਗਰੇ ਦੇ ਗਜਰੇ ‘ਚ ਮੱਥੇ ‘ਤੇ ਲਾਲ ਬਿੰਦੀ ਬੰਨ੍ਹੀ ਅਤੇ ਸਿੰਦੂਰ ਨਾਲ ਸਜੀ ਹੋਈ ਮਾਂਗ ਅੰਕਿਤਾ ਤੇ ਖ਼ੂਬ ਖਿਲ ਰਹੀ ਹੈ। ਅੰਕਿਤਾ ਲੋਖੰਡੇ ਆਪਣੇ ਪਤੀ ਦੀਆਂ ਬਾਂਹ `ਚ ਬਾਂਹ ਪਾਏ ਨਜ਼ਰ ਆ ਰਹੀ ਹੈ। ਅੰਕਿਤਾ ਲੋਖੰਡੇ ਨੇ ਆਪਣੇ ਰਿਸੈਪਸ਼ਨ ਦੀਆਂ ਖੂਬਸੂਰਤ ਫੋਟੋਆਂ ਸ਼ੇਅਰ ਕਰਦੇ ਹੋਏ ਬਹੁਤ ਹੀ ਖੂਬਸੂਰਤ ਕੈਪਸ਼ਨ ਵੀ ਲਿਖਿਆ ਹੈ।
ਅੰਕਿਤਾ ਨੇ ਲਿਖਿਆ, ‘ਮਰਦ ਅਤੇ ਪਤਨੀ ਤੋਂ ਵਧੀਆ ਕੋਈ ਕੰਬੀਨੇਸ਼ਨ ਨਹੀਂ ਹੈ’। ਅੰਕਿਤਾ ਲੋਖੰਡੇ ਦੀਆਂ ਇਨ੍ਹਾਂ ਤਸਵੀਰਾਂ ‘ਤੇ ਪ੍ਰਸ਼ੰਸਕ ਉਨ੍ਹਾਂ ਦੀ ਖੂਬ ਤਾਰੀਫ ਕਰਨ ਦੇ ਨਾਲ-ਨਾਲ ਅਦਾਕਾਰਾ ਦੁਆਰਾ ਲਿਖੇ ਕੈਪਸ਼ਨ ਦੀ ਵੀ ਤਾਰੀਫ ਕਰ ਰਹੇ ਹਨ। ਇਕ ਨੇ ਲਿਖਿਆ, ‘ਵਾਹ! ਇਹ ਕੈਪਸ਼ਨ Man & Wife ਨੇ ਮੇਰਾ ਦਿਲ ਲੁੱਟ ਲਿਆ’। ਪ੍ਰਸ਼ੰਸਕਾਂ ਵੱਲੋਂ ਇਨ੍ਹਾਂ ਤਸਵੀਰਾਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਵੱਡੀ ਗਿਣਤੀ ‘ਚ ਇਸ ਪੋਸਟ ਉੱਤੇ ਲਾਈਕਸ ਅਤੇ ਕਮੈਂਟ ਆ ਚੁੱਕੇ ਹਨ।
