ਮਸ਼ਹੂਰ ਟੀਵੀ ਸੀਰੀਅਲ ‘ਬਾਲਿਕਾ ਵਧੂ’ ਫੇਮ Neha Marda ਨੇ ਅੱਜ ਸਵੇਰੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਨੇਹਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਆਪਣੇ ਪਤੀ ਨਾਲ ਬੇਬੀ ਬੰਪ ਨੂੰ ਫਲਾਂਟ ਕਰਦੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਫੈਨਜ਼ ਅਤੇ ਸੈਲੇਬਸ ਨੇਹਾ ਮਾਰਦਾ ਨੂੰ ਵਧਾਈਆਂ ਦੇ ਰਹੇ ਹਨ। ਨੇਹਾ ਮਾਰਦਾ ਨੇ ਤਸਵੀਰ ਦੇ ਨਾਲ ਪੋਸਟ ‘ਚ ਲਿਖਿਆ, ‘ਸ਼੍ਰੀ ਸ਼ਿਵੇ ਨਮਸ੍ਤੁਭਯਮ। ਅਖ਼ੀਰ ਰੱਬ ਮੇਰੇ ਅੰਦਰ ਆ ਗਿਆ। ਬੇਬੀ ਸਾਲ 2023 ਵਿੱਚ ਆਉਣ ਵਾਲਾ ਹੈ। ਤਸਵੀਰ ‘ਚ ਨੇਹਾ ਲਾਲ ਰੰਗ ਦੀ ਬੈਕਲੇਸ ਡਰੈੱਸ ‘ਚ ਨਜ਼ਰ ਆ ਰਹੀ ਹੈ। ਨੇਹਾ ਮਾਰਦਾ ਨੇ ਸਾਲ 2012 ‘ਚ ਪਟਨਾ ਸਥਿਤ ਬਿਜ਼ਨੈੱਸਮੈਨ ਆਯੂਸ਼ਮਾਨ ਅਗਰਵਾਲ ਨਾਲ ਵਿਆਹ ਕਰਵਾਇਆ ਸੀ। ਵਿਆਹ ਦੇ 10 ਸਾਲ ਬਾਅਦ ਨੇਹਾ ਦੇ ਘਰ ‘ਚ ਰੌਣਕਾਂ ਗੂੰਜਣ ਵਾਲੀਆਂ ਹਨ। ਪਿਛਲੇ ਕਈ ਦਿਨਾਂ ਤੋਂ ਨੇਹਾ ਦੇ ਪ੍ਰੈਗਨੈਂਸੀ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਸਨ।
ਹਾਲਾਂਕਿ ਇਨ੍ਹਾਂ ਖਬਰਾਂ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਨੇਹਾ ਨੇ ਕਿਹਾ ਸੀ ਕਿ ਇਹ ਅਫਵਾਹ ਹੈ। 23 ਸਤੰਬਰ 1985 ਨੂੰ ਕੋਲਕਾਤਾ ਦੇ ਇੱਕ ਮਾਰਵਾੜੀ ਪਰਿਵਾਰ ਵਿੱਚ ਜਨਮੀ ਨੇਹਾ ਮਾਰਦਾ ਸੋਨੀ ਟੀਵੀ ਦੀ ‘ਬੂਗੀ ਵੂਗੀ’ ਵਿੱਚ ਇੱਕ ਪ੍ਰਤੀਯੋਗੀ ਦੇ ਰੂਪ ਵਿੱਚ ਆਈ ਅਤੇ 2004 ਵਿੱਚ ਵਿਜੇਤਾ ਬਣੀ। ਨੇਹਾ ਮਰਦਾ ਨੂੰ ‘ਬਾਲਿਕਾ ਵਧੂ’ ‘ਚ ‘ਗਹਿਣਾ ‘ ਦਾ ਕਿਰਦਾਰ ਨਿਭਾ ਕੇ ਪਛਾਣ ਮਿਲੀ ਸੀ। ਬਾਲਿਕਾ ਵਧੂ ਤੋਂ ਇਲਾਵਾ ਨੇਹਾ ਮਰਦਾ ਨੇ ‘ਡੋਲੀ ਅਰਮਾਨੋ ਕੀ’, ‘ਏਕ ਹਜ਼ਾਰਾਂ ਮੈਂ ਮੇਰੀ ਬਹਨਾ ਹੈ’ ਅਤੇ ‘ਦੇਵੋਂ ਕੇ ਦੇਵ ਮਹਾਦੇਵ’ ਵਰਗੇ ਸੀਰੀਅਲਾਂ ‘ਚ ਕੰਮ ਕੀਤਾ ਹੈ। ਨੇਹਾ ਮਰਦਾ ਦੇ ਟੀਵੀ ਸੀਰੀਅਲਾਂ ‘ਚ ਭਾਵੇਂ ਹੀ ਸਧਾਰਨ ਅਵਤਾਰ ਹੋਵੇ ਪਰ ਅਸਲ ‘ਚ ਨੇਹਾ ਬੇਹੱਦ ਗਲੈਮਰਸ ਹੈ। ਨੇਹਾ ਮਾਰਦਾ ਨੂੰ ਇੰਸਟਾਗ੍ਰਾਮ ‘ਤੇ 784k ਲੋਕ ਫਾਲੋ ਕਰਦੇ ਹਨ ਜਿਨ੍ਹਾਂ ਨਾਲ ਉਹ ਅਕਸਰ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ।
