ਟੀਵੀ ਦਾ ਰਿਆਲਿਟੀ ਸ਼ੋਅ Bigg boss 16 ਹਰ ਵਾਰ ਸੁਰਖੀਆਂ ’ਚ ਰਹਿੰਦਾ ਹੈ। ਬਿੱਗ ਬੌਸ ਦੇ ਘਰ ’ਚ ਹਰ ਰੋਜ਼ ਇੱਕ ਤੋਂ ਇੱਕ ਡਰਾਮੇ ਦੇਖਣ ਨੂੰ ਮਿਲ ਰਹੇ ਹਨ। ਕਈ ਵਾਰ ਤਾਂ ਕੁੱਝ ਅਜਿਹਾ ਹੋ ਜਾਂਦਾ ਹੈ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਵੀ ਕਾਫ਼ੀ ਹੈਰਾਨ ਹੋ ਜਾਂਦੇ ਹਨ। ਇਸ ਵਾਰ ਵੀ ਨਾਮਜ਼ਦਗੀਆਂ ਦੌਰਾਨ ਅਜਿਹਾ ਹੀ ਹੰਗਾਮਾ ਦੇਖਣ ਨੂੰ ਮਿਲਿਆ ਜਦੋਂ ਟੀਨਾ ਦੇ ਕਰੀਬੀ ਦੋਸਤ ਐਮਸੀ ਸਟੈਨ ਨੇ ਉਸ ਨੂੰ ਨਾਮਜ਼ਦ ਕੀਤਾ, ਜਿਸ ਤੋਂ ਬਾਅਦ ਦੋਵਾਂ ਵਿਚਾਲੇ ਜ਼ਬਰਦਸਤ ਲੜਾਈ ਹੋਈ। ਇਸ ਦੇ ਨਾਲ ਹੀ ਘਰ ਦਾ ਰਾਸ਼ਨ ਬਚਾਉਣ ਦੇ ਮਾਮਲੇ ’ਚ ਸੁੰਬਲ ਨਾਲ ਕੁੱਝ ਅਜਿਹਾ ਹੋ ਗਿਆ ਹੈ ਕਿ ਉਹ ਰੋ-ਰੋ ਕੇ ਪਰੇਸ਼ਾਨ ਹੋ ਗਈ ਹੈ।
ਬਿੱਗ ਬੌਸ ਨੇ ਘਰ ’ਚ ਦੋ ਨਵੇਂ ਮਹਿਮਾਨ ਭੇਜੇ ਹਨ, ਜੋ ਕੰਟੈਸਟੈਂਟਸ ਤੋਂ ਕੁੱਝ ਵੀ ਲੈ ਸਕਦੇ ਹਨ ਤੇ ਕੰਟੈਸਟੈਂਟਸ ਕੁੱਝ ਵੀ ਨਹੀਂ ਕਰ ਸਕਦੇ , ਕਿਉਂਕਿ ਉਨ੍ਹਾਂ ਨੇ ਆਪਣਾ ਘਰ ਦਾ ਰਾਸ਼ਨ ਬਚਾਉਣਾ ਹੈ। ਸ਼ੋਅ ਦੇ ਆਉਣ ਵਾਲੇ ਐਪੀਸੋਡ ’ਚ ਦੋ ਨਵੇਂ ਮਹਿਮਮਾਨ ਨਜ਼ਰ ਆਉਣਗੇ, ਇੱਕ ਲੜਕਾ ਤੇ ਕ ਲੜਕੀ। ਘਰ ’ਚ ਦਾਖਲ ਹੋਣ ਤੋਂ ਬਾਅਦ ਉਹ ਸ਼ਾਲੀਨ ਭਨੋਟ ਨੂੰ ਸ਼ਿਕਾਰ ਬਣਾਉਂਦੇ ਹਨ ਤੇ ਉਨ੍ਹਾਂ ਦਾ ਚਿਕਨ ਲੈ ਲੈਂਦੇ ਹਨ। ਇਸ ਦੇ ਨਾਲ ਹੀ ਉਹ ਦੋਵੇਂ ਸੁੰਬੁਲ ਦੀ ਚਿੱਠੀ ਪੜ੍ਹਨੀ ਸ਼ੂਰੁ ਕਰ ਦਿੰਦੇ ਹਨ, ਜੋ ਉਸ ਦੇ ਪਿਤਾ ਨੇ ਭੇਜੀ ਸੀ। ਉਹ ਦੋਵੇਂ ਘਰ ਦੇ ਰਾਸ਼ਨ ਦੇ ਬਦਲੇ ਸੁੰਬੁਲ ਦੀ ਚਿੱਠੀ ਲੈ ਲੈਂਦੇ ਹਨ। ਜਿਸ ਤੋਂ ਬਾਅਦ ਸੁੰਬੁਲ ਬਹੁਤ ਪਰੇਸ਼ਾਨ ਹੋ ਜਾਂਦੀ ਹੈ।
