ਕਾਮੇਡੀਅਨ ਅਤੇ ਅਦਾਕਾਰ ਕਪਿਲ ਸ਼ਰਮਾ ਅੱਜ 40 ਸਾਲ ਦੇ ਹੋ ਗਏ ਹਨ। ਹਾਲ ਹੀ ‘ਚ ਕਪਿਲ ਨੂੰ ਨੈੱਟਫਲਿਕਸ ਲਈ ਸਟੈਂਡ ਅੱਪ ਕਾਮੇਡੀ ਕਰਦੇ ਦੇਖਿਆ ਗਿਆ। ਇਸ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ। ਕਪਿਲ ਦੀ ਕਾਮਿਕ ਟਾਈਮਿੰਗ ਸ਼ਾਨਦਾਰ ਹੈ। ਕਪਿਲ ਸ਼ਰਮਾ ਦੀ ਲੋਕਪ੍ਰਿਅਤਾ ਭਾਵੇਂ ਅੱਜ ਵੀ ਬੁਲੰਦੀਆਂ ‘ਤੇ ਹੈ ਪਰ ਕਿਸੇ ਸਮੇਂ ਉਨ੍ਹਾਂ ਨੂੰ ਕਾਫੀ ਸੰਘਰਸ਼ ਵੀ ਕਰਨਾ ਪਿਆ ਹੈ। ਅੱਜ ਉਨ੍ਹਾਂ ਕੋਲ ਸਭ ਕੁਝ ਹੈ, ਦੌਲਤ ਅਤੇ ਪ੍ਰਸਿੱਧੀ। ਕਪਿਲ ਸ਼ਰਮਾ ਕਰੋੜਾਂ ਰੁਪਏ ਦੇ ਮਾਲਕ ਹਨ।
ਇੱਕ ਰਿਪੋਰਟ ਮੁਤਾਬਕ ਕਪਿਲ ਸ਼ਰਮਾ ਇਸ ਸਮੇਂ 282 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਜਾਇਦਾਦ ਦੇ ਮਾਲਕ ਹਨ। ਉਹ ਆਪਣੇ ਕਾਮੇਡੀ ਸ਼ੋਅਜ਼ ਤੋਂ ਕਾਫੀ ਕਮਾਈ ਕਰਦੇ ਹਨ। ਕਪਿਲ ਇੱਕ ਸ਼ੋਅ ਲਈ ਲਗਭਗ 40 ਲੱਖ ਤੋਂ 90 ਲੱਖ ਰੁਪਏ ਚਾਰਜ ਕਰਦੇ ਹਨ। ਟੀਵੀ ਦੇ ਨਾਲ-ਨਾਲ ਉਹ ਫਿਲਮਾਂ ਵਿੱਚ ਵੀ ਹੱਥ ਅਜ਼ਮਾ ਚੁੱਕੇ ਹਨ। ਇਸ ਤੋਂ ਇਲਾਵਾ ਕਪਿਲ ਕੋਲ ਕਈ ਲਗਜ਼ਰੀ ਕਾਰਾਂ ਦਾ ਵੀ ਕਲੈਕਸ਼ਨ ਹੈ। ਕਪਿਲ ਸ਼ਰਮਾ ਕੋਲ ਆਪਣੀ ਵੈਨਿਟੀ ਵੈਨ ਹੈ। ਇਸ ਦੀ ਕੀਮਤ ਕਰੀਬ 5.5 ਕਰੋੜ ਰੁਪਏ ਹੈ। ਉਸ ਕੋਲ ਰਾਇਲ ਐਨਫੀਲਡ ਬੁਲੇਟ 500 ਵੀ ਹੈ। ਇਸ ਤੋਂ ਇਲਾਵਾ ਕਪਿਲ ਸ਼ਰਮਾ ਕੋਲ ਇੱਕ ਮਰਸੀਡੀਜ਼ ਬੈਂਜ਼ S350 ਕਾਰ ਹੈ, ਜਿਸ ਦੀ ਕੀਮਤ 1.40 ਕਰੋੜ ਰੁਪਏ ਤੋਂ ਵੱਧ ਹੈ।
ਉਸ ਕੋਲ ਇੱਕ ਰੇਂਜ ਰੋਵਰ ਈਵੋਕ ਅਤੇ ਇੱਕ ਵੋਲਵੋ XC90 ਕਾਰ ਵੀ ਹੈ। ਜੇਕਰ ਕਪਿਲ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੇ ਕਰੜੇ ਸੰਘਰਸ਼ ਅਤੇ ਸਫ਼ਲਤਾ ਦੀ ਕਹਾਣੀ ਬਹੁਤ ਹੀ ਦਿਲਚਸਪ ਹੈ। ਕਾਮਯਾਬੀ ਨੂੰ ਹਾਸਲ ਕਰਨ ਲਈ ਉਨ੍ਹਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ, ਇਥੋਂ ਤੱਕ ਕੀ ਉਨ੍ਹਾਂ ਨੂੰ ਦੁਪੱਟੇ ਵੀ ਵੇਚਣੇ ਪਏ। ਇੱਕ ਵਾਰ ਜੇਬ ਖ਼ਰਚ ਕੱਢਣ ਲਈ ਕਪਿਲ ਨੂੰ ਟੈਲੀਫੋਨ ਬੂਥ ‘ਤੇ ਵੀ ਕੰਮ ਕਰਨਾ ਪੈਂਦਾ ਸੀ। ਇਸ ਗੱਲ ਦਾ ਖੁਲਾਸਾ ਉਨ੍ਹਾਂ ਨੇ ਖੁਦ ਇੱਕ ਇੰਟਰਵਿਊ ‘ਚ ਕੀਤਾ ਹੈ।
