ਹੋਲੀ ਦਾ ਤਿਉਹਾਰ ਰੰਗਾਂ ਨਾਲ ਮਨਾਇਆ ਜਾਂਦਾ ਹੈ। ਹੋਲੀ ਦੇਸ਼ ਭਰ ਵਿੱਚ 7 ਮਾਰਚ ਅਤੇ 8 ਮਾਰਚ, 2023 ਨੂੰ ਮਨਾਈ ਜਾ ਰਹੀ ਹੈ। ਜਦੋਂ ਤਿਉਹਾਰਾਂ ਦੀ ਗੱਲ ਆਉਂਦੀ ਹੈ, ਤਾਂ ਮਸ਼ਹੂਰ ਹਸਤੀਆਂ ਕਿਵੇਂ ਪਿੱਛੇ ਰਹਿ ਸਕਦੀਆਂ ਹਨ? ਟੀਵੀ ਅਦਾਕਾਰਾ ਦੇਵੋਲੀਨਾ ਭੱਟਾਚਾਰਜੀ ਵੀ ਹੋਲੀ ਮਨਾਉਂਦੀ ਨਜ਼ਰ ਆਈ। ਇਸ ਸਾਲ ਉਸ ਲਈ ਹੋਲੀ ਬਹੁਤ ਖਾਸ ਹੈ, ਕਿਉਂਕਿ ਉਹ ਵਿਆਹ ਤੋਂ ਬਾਅਦ ਪਹਿਲੀ ਵਾਰ ਇਸ ਨੂੰ ਮਨਾ ਰਹੀ ਹੈ। ਦੇਵੋਲੀਨਾ ਭੱਟਾਚਾਰਜੀ ਨੇ ਹੋਲੀ ਦੇ ਜਸ਼ਨ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ, ਜੋ ਉਸ ਦੇ ਹੋਲੀ ਤੋਂ ਪਹਿਲਾਂ ਦੇ ਫੋਟੋਸ਼ੂਟ ਦੀ ਹੈ। ਵੀਡੀਓ ਵਿੱਚ, ਉਹ ਅਤੇ ਉਸਦੇ ਪਤੀ ਸ਼ਾਹਨਵਾਜ਼ ਸ਼ੇਖ ਰੰਗਾਂ ਵਿੱਚ ਰੰਗੇ ਹੋਏ ਹਨ। ਉਹ ਆਪਣੇ ਪਤੀ ਨਾਲ ਰੋਮਾਂਸ ਕਰਦੀ ਵੀ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਅਦਾਕਾਰਾ ਨੇ ਸਫੇਦ ਰੰਗ ਦਾ ਕੁੜਤਾ ਪਾਇਆ ਹੋਇਆ ਹੈ , ਜੋ ਪੂਰੀ ਤਰ੍ਹਾਂ ਵੱਖ-ਵੱਖ ਰੰਗਾਂ ਨਾਲ ਭਰਿਆ ਹੋਇਆ ਸੀ।
ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਪਤੀ ਸਫੇਦ ਕਮੀਜ਼ ਅਤੇ ਡੈਨਿਮ ਪੈਂਟ ‘ਚ ਨਜ਼ਰ ਆ ਰਹੇ ਹਨ। ਵੀਡੀਓ ਸ਼ੇਅਰ ਕਰਦੇ ਹੋਏ ‘ਸਾਥ ਨਿਭਾਨਾ ਸਾਥੀਆ’ ਦੀ ‘ਗੋਪੀ ਬਹੂ’ ਉਰਫ ਦੇਵੋਲੀਨਾ ਨੇ ਪ੍ਰਸ਼ੰਸਕਾਂ ਨੂੰ ਖੁਲਾਸਾ ਕੀਤਾ ਕਿ ਉਹ ਆਪਣੇ ਪਤੀ ਨਾਲ ਪ੍ਰੀ-ਵੈਡਿੰਗ ਫੋਟੋਸ਼ੂਟ ਨਹੀਂ ਕਰਵਾ ਸਕੀ, ਪਰ ਹੁਣ ਮੈਂ ਪੂਰੇ ਤਿਉਹਾਰ ਦਾ ਆਨੰਦ ਲਵਾਂਗੀ। ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ, ”ਕੀ ਹੋਇਆ ਜੇਕਰ ਮੈਂ ਪ੍ਰੀ-ਵੈਡਿੰਗ ਸ਼ੂਟ ਨਹੀਂ ਕਰਵਾ ਸਕੀ ਤਾਂ ਹੁਣ ਕਰਾਂਗੀ । ਹੈਪੀ ਹੋਲੀ।” ਦੇਵੋਲੀਨਾ ਭੱਟਾਚਾਰਜੀ ਨੇ 14 ਦਸੰਬਰ 2022 ਨੂੰ ਜਿਮ ਟ੍ਰੇਨਰ ਸ਼ਾਹਨਵਾਜ਼ ਸ਼ੇਖ ਨਾਲ ਕੋਰਟ ਮੈਰਿਜ ਕੀਤੀ ਸੀ। ਉਸ ਨੇ ਅਚਾਨਕ ਵਿਆਹ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਵਿਆਹ ਤੋਂ ਪਹਿਲਾਂ ਦੇਵੋਲੀਨਾ ਨੇ ਸ਼ਾਹਨਵਾਜ਼ ਨੂੰ ਕਰੀਬ 3 ਸਾਲ ਤੱਕ ਡੇਟ ਕੀਤਾ ਸੀ। ਵਿਆਹ ਤੋਂ ਬਾਅਦ ਅਦਾਕਾਰਾ ਹਰ ਤਿਉਹਾਰ ਨੂੰ ਖਾਸ ਤਰੀਕੇ ਨਾਲ ਮਨਾ ਰਹੀ ਹੈ।
