ਅਦਾਕਾਰ ਅਤੇ ਗਾਇਕ ਦਿਲਜੀਤ ਦੋਸਾਂਝ ਸੰਨੀ ਦਿਓਲ ਦੀ ਫਿਲਮ ‘ਬਾਰਡਰ 2’ ਦਾ ਹਿੱਸਾ ਬਣ ਚੁੱਕੇ ਹਨ। ਹਾਲ ਹੀ ‘ਚ ਵਰੁਣ ਧਵਨ ਨੇ ਸੰਨੀ ਦਿਓਲ ਦੀ ਫਿਲਮ ‘ਚ ਐਂਟਰੀ ਕੀਤੀ ਸੀ। ਹੁਣ ਦਿਲਜੀਤ ਦੋਸਾਂਝ ਵੀ ‘ਬਾਰਡਰ 2’ ‘ਚ ਐਂਟਰੀ ਕਰ ਚੁੱਕੇ ਹਨ। ਜਿਸ ਦਾ ਅਧਿਕਾਰਤ ਐਲਾਨ ਸੰਨੀ ਦਿਓਲ ਅਤੇ ਖੁਦ ਗਾਇਕ ਨੇ ਵੀ ਕੀਤਾ ਹੈ।
ਦਿਲਜੀਤ ਦੋਸਾਂਝ ਨੇ ਇੱਕ ਪੋਸਟ ਅਤੇ ਵੀਡੀਓ ਸ਼ੇਅਰ ਕਰਕੇ ਪੁਸ਼ਟੀ ਕੀਤੀ ਹੈ ਕਿ ਉਹ ‘ਬਾਰਡਰ 2’ ਕਰਨ ਜਾ ਰਹੇ ਹਨ। ਉਹ ਇਸ ਹਿੱਟ ਸੀਕੁਅਲ ਦਾ ਹਿੱਸਾ ਬਣਨ ਲਈ ਬਹੁਤ ਉਤਸ਼ਾਹਿਤ ਅਤੇ ਮਾਣ ਮਹਿਸੂਸ ਕਰ ਰਿਹਾ ਹੈ। ਸੰਨੀ ਦਿਓਲ ਨੇ ਵੀ ਦਿਲਜੀਤ ਦੋਸਾਂਝ ਦਾ ਸਵਾਗਤ ਕੀਤਾ। ਉਨ੍ਹਾਂ ਲਿਖਿਆ ਕਿ ”ਵੈਲਕਮ, ਫੌਜੀ ਦਿਲਜੀਤ ਦੁਸਾਂਝ, ‘ਬਾਰਡਰ 2’ ਦੀ ਬਟਾਲੀਅਨ ਵਿਚ ਸ਼ਾਮਲ ਹੋਣ ਲਈ।”
ਵੀਡੀਓ ਦੇ ਬੈਕਗਰਾਉਂਡ ‘ਚ ਇਹ ਡਾਇਲਾਗ ਸੁਣਾਈ ਦਿੰਦਾ ਹੈ, ‘ਇਸ ਦੇਸ਼ ਵੱਲ ਉੱਠਣ ਵਾਲੀ ਹਰ ਨਜ਼ਰ ਡਰ ਨਾਲ ਝੁਕ ਜਾਂਦੀ ਹੈ, ਜਦੋਂ ਗੁਰੂ ਦੇ ਬਾਜ਼ ਇਨ੍ਹਾਂ ਸਰਹੱਦਾਂ ਤੇ ਪਹਿਰਾ ਦਿੰਦੇ ਹਨ।’ ਇਸ ਦੇ ਨਾਲ ਹੀ ਵੀਡੀਓ ‘ਚ ਫਿਲਮ ਬਾਰਡਰ ਦੇ ਕੁਝ ਦ੍ਰਿਸ਼ਾਂ ਦੀ ਝਲਕ ਵੀ ਦੇਖਣ ਨੂੰ ਮਿਲ ਰਹੀ ਹੈ।