ਗਾਇਕ ਹਾਰਡੀ ਸੰਧੂ ਦਾ ਗੀਤ ‘ਕੁੜੀਆਂ ਲਾਹੌਰ ਦੀਆਂ’ ਹਾਲ ਹੀ ਵਿੱਚ ਰਿਲੀਜ਼ ਹੋਇਆ ਹੈ। ਇਸ ਗੀਤ ਵਿੱਚ ਅਦਾਕਾਰਾ ਆਇਸ਼ਾ ਸ਼ਰਮਾ ਨੇ ਅਹਿਮ ਭੂਮਿਕਾ ਨਿਭਾਈ ਹੈ। ਇਸ ਗੀਤ ਨੂੰ ਹੁਣ ਤਕ 19 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਉਥੇ ਗੀਤ ਖ਼ਬਰ ਲਿਖੇ ਜਾਣ ਤਕ ਯੂਟਿਊਬ ’ਤੇ 5ਵੇਂ ਨੰਬਰ ’ਤੇ ਟਰੈਂਡ ਵੀ ਕਰ ਰਿਹਾ ਸੀ। ਦੱਸ ਦੇਈਏ ਕਿ ਹਾਰਡੀ ਨੇ ਕੁਝ ਘੰਟੇ ਪਹਿਲਾਂ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ’ਚ ਹਾਰਡੀ ਸੰਧੂ ਨੂੰ ਗੀਤ ਦੇ ਸ਼ੂਟ ਤੋਂ ਪਹਿਲਾਂ ਫਿੱਟ ਬਾਡੀ ਲਈ ਵਰਕਆਊਟ ਕਰਦੇ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਦੀ ਕੈਪਸ਼ਨ ’ਚ ਹਾਰਡੀ ਲਿਖਦੇ ਹਨ, ‘ਤਿਆਰੀਆਂ, ਸ਼ੂਟਿੰਗ ਤੋਂ ਪਹਿਲਾਂ ਕੰਮ ’ਚ ਲੱਗ ਜਾਣਾ।
ਅੱਗੇ ਵਧਦੇ ਰਹੋ ਤੇ ਕਦੇ ਪਿੱਛੇ ਨਾ ਰੁਕੋ।’ ਦੱਸ ਦੇਈਏ ਕਿ ਹਾਰਡੀ ਵਲੋਂ ਗਾਏ ਇਸ ਗੀਤ ਦੇ ਬੋਲ ਜਾਨੀ ਨੇ ਲਿਖੇ ਹਨ। ਗੀਤ ਨੂੰ ਮਿਊਜ਼ਿਕ ਬੀ ਪਰਾਕ ਨੇ ਦਿੱਤਾ ਹੈ। ਗੀਤ ਦੀ ਵੀਡੀਓ ਅਰਵਿੰਦਰ ਖਹਿਰਾ ਨੇ ਬਣਾਈ ਹੈ। ਗੀਤ ਯੂਟਿਊਬ ’ਤੇ ਦੇਸੀ ਮੈਲੋਡੀਜ਼ ਦੇ ਬੈਨਰ ਹੇਠ ਰਿਲੀਜ਼ ਹੋਇਆ ਹੈ। ਜੇ ਗੱਲ ਕਰੀਏ ਹਾਰਡੀ ਸੰਧੂ ਦੇ ਵਰਕ ਫਰੰਟ ਦੀ ਤਾਂ ਉਹ ਹਾਲ ਹੀ ਚ ਉਨ੍ਹਾਂ ਦੀ ਫ਼ਿਲਮ 83 ਓਟੀਟੀ ਪਲੇਟਫਰਾਮ ਉੱਤੇ ਰਿਲੀਜ਼ ਹੋਈ ਹੈ। ਇਸ ਫ਼ਿਲਮ ਹਾਰਡੀ ਨੇ ਕ੍ਰਿਕੇਟਰ ਮਦਨ ਲਾਲ ਦਾ ਕਿਰਦਾਰ ਨਿਭਾਇਆ ਹੈ। ਇਹ ਫ਼ਿਲਮ ਇੰਡੀਆ ਦੇ ਪਹਿਲੇ ਵਰਲਡ ਕ੍ਰਿਕੇਟ ਕੱਪ ਦੇ ਜਿੱਤ ਦੇ ਇਤਿਹਾਸ ਉੱਤੇ ਬਣੀ ਹੈ। ਹਾਰਡੀ ਪੰਜਾਬੀ ਮਿਊਜ਼ਿਕ ਜਗਤ ਦੇ ਨਾਮੀ ਗਾਇਕ ਨੇ ਜਿਨ੍ਹਾਂ ਨੇ ਕਈ ਸੁਪਰ ਹਿੱਟ ਗੀਤ ਦਿੱਤੇ ਹਨ। ਸੋਚ, ‘ਬੈਕਬੋਨ’, ’ਨਾਂਹ’, kya baat ay, ‘ਤਿੱਤਲੀਆਂ ਵਰਗਾ’, ਡਾਂਸ ਲਾਈਕ ਵਰਗੇ ਕਈ ਗੀਤ ਸ਼ਾਮਿਲ ਹਨ।
