ਕਾਜਲ ਅਗਰਵਾਲ ਅਤੇ ਗੌਤਮ ਕਿਚਲੂ ਆਪਣੇ ਬੇਟੇ ਦੇ ਮਾਤਾ-ਪਿਤਾ ਬਣ ਗਏ ਹਨ। ਕਾਜਲ ਨੇ ਮੰਗਲਵਾਰ ਨੂੰ ਬੇਟੇ ਨੂੰ ਜਨਮ ਦਿੱਤਾ। ਹੁਣ ਇਸ ਖਬਰ ਦੀ ਪੁਸ਼ਟੀ ਕਾਜਲ ਦੇ ਪਤੀ ਗੌਤਮ ਨੇ ਕੀਤੀ ਹੈ ਅਤੇ ਬੇਟੇ ਦਾ ਨਾਂ ਵੀ ਦੱਸਿਆ ਹੈ। ਗੌਤਮ ਨੇ ਇਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ‘ਚ ਲਿਖਿਆ ਹੈ, ‘ਸਾਨੂੰ ਇਹ ਦੱਸਦੇ ਹੋਏ ਬਹੁਤ ਖੁਸ਼ੀ ਹੋ ਰਹੀ ਹੈ ਕਿ ਨੀਲ ਕਿਚਲੂ ਦਾ ਜਨਮ 19 ਅਪ੍ਰੈਲ 2022 ਨੂੰ ਹੋਇਆ ਹੈ। ਕਾਜਲ ਅਗਰਵਾਲ ਦੇ ਪਤੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਪਹਿਲੇ ਬੱਚੇ ਦੇ ਆਉਣ ਬਾਰੇ ਐਲਾਨ ਕੀਤਾ ਅਤੇ ਆਪਣੇ ਫਾਲੋਅਰਸ ਨੂੰ ਉਸ ਦੇ ਨਾਮ ਬਾਰੇ ਵੀ ਜਾਣਕਾਰੀ ਦਿੱਤੀ। ਇਸ ਜੋੜੇ ਨੇ ਆਪਣੇ ਬੇਟੇ ਦਾ ਨਾਂ ਨੀਲ ਕਿਚਲੂ ਰੱਖਿਆ ਹੈ। ਇਸ ਦੇ ਨਾਲ ਹੀ ਗੌਤਮ ਨੇ ਪੋਸਟ ਵਿੱਚ ਕੈਪਸ਼ਨ ਦਿੱਤਾ, ” ਕੀ ਇਹ ਪਿਆਰਾ ਨਾਂਅ ਨਹੀਂ?
ਗੌਤਮ ਨੇ ਫੈਨਜ਼ ਅਤੇ ਸ਼ੁਭਚਿੰਤਕਾਂ ਦੇ ਪਿਆਰ ਅਤੇ ਸਮਰਥਨ ਲਈ ਉਨ੍ਹਾਂ ਦਾ ਧੰਨਵਾਦ ਕਰਨ ਲਈ ਇੱਕ ਪਿਆਰਾ ਜਿਹਾ ਨੋਟ ਲਿਖਿਆ। ਉਸ ਨੇ ਲਿਖਿਆ, “ਸਾਡਾ ਦਿਲ ਭਰ ਗਿਆ ਹੈ ਅਤੇ ਅਸੀਂ ਸ਼ੁਕਰਗੁਜ਼ਾਰ ਹਾਂ। ਤੁਹਾਡੇ ਪਿਆਰ ਅਤੇ ਆਸ਼ੀਰਵਾਦ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ @kajalaggarwalofficial।”ਬੈਨਰ ‘ਤੇ ਸੰਦੇਸ਼ ਲਿਖਿਆ ਸੀ, ” ਨੀਲ ਕਿਚਲੂ, 19 ਅਪ੍ਰੈਲ, 2022 ਦੇ ਜਨਮ ਦੀ ਘੋਸ਼ਣਾ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ। ਮਾਤਾ-ਪਿਤਾ: ਕਾਜਲ ਅਤੇ ਗੌਤਮ, ਦਾਦਾ-ਦਾਦੀ: ਧੀਰਾ ਅਤੇ ਨਿਤਿਨ | ਵਿਨੈ ਅਤੇ ਸੁਮਨ ਦੁਆਰਾ ਪਿਆਰ ਨਾਲ ਸਵਾਗਤ ਕੀਤਾ ਗਿਆ।” ਫੈਨਜ਼ ਇਸ ਜੋੜੀ ਵੱਲੋਂ ਪੋਸਟ ਰਾਹੀਂ ਦਿੱਤੀ ਗਈ ਖੁਸ਼ਖਬਰੀ ਤੋਂ ਬਾਅਦ ਉਨ੍ਹਾਂ ਨੂੰ ਲਗਾਤਾਰ ਵਧਾਈਆਂ ਦੇ ਰਹੇ ਹਨ। ਫੈਨਜ਼ ਦੇ ਨਾਲ-ਨਾਲ ਕਈ ਬਾਲੀਵੁੱਡ ਤੇ ਟੌਲੀਵੁੱਡ ਸੈਲਬਸ ਇਸ ਨਵੇਂ ਮਾਤਾ-ਪਿਤਾ ਬਣੀ ਜੋੜੀ ਨੂੰ ਸੰਦੇਸ਼ ਭੇਜ ਕੇ ਵਧਾਈਆਂ ਦੇ ਰਹੇ ਹਨ।
