ਕੰਗਨਾ ਰਣੌਤ ਅੱਜ ਅਯੁੱਧਿਆ ਏਅਰਪੋਰਟ ਪਹੁੰਚੀ ਹੈ। ਇਸ ਦੌਰਾਨ ਉਨ੍ਹਾਂ ਉੱਥੇ ਮੌਜੂਦ ਮੀਡੀਆ ਨਾਲ ਗੱਲਬਾਤ ਕੀਤੀ। ਕੰਗਨਾ ਨੇ ਕਿਹਾ ਕਿ ਮੈਂ ਅਯੁੱਧਿਆ ਆ ਕੇ ਬਹੁਤ ਖੁਸ਼ ਹਾਂ। ਉਨ੍ਹਾਂ ਕਿਹਾ ਕਿ ਅਯੁੱਧਿਆ ਧਾਮ ਵਿੱਚ ਆਉਣ ਦਾ ਮੌਕਾ ਤਾਂ ਹੀ ਮਿਲਦਾ ਹੈ ਜੇਕਰ ਮਨੁੱਖ ਨੇ ਕਈ ਜਨਮਾਂ ਵਿੱਚ ਚੰਗੇ ਕੰਮ ਕੀਤੇ ਹੋਣ।
ਅਭਿਨੇਤਰੀ ਦਾ ਕਹਿਣਾ ਹੈ ਕਿ ਇਹ ਉਸ ਲਈ ਖੁਸ਼ਕਿਸਮਤੀ ਦੀ ਗੱਲ ਹੈ ਕਿ ਉਸ ਨੂੰ ਰਾਮਲੱਲਾ ਨੂੰ ਦੇਖਣ ਦਾ ਮੌਕਾ ਮਿਲੇਗਾ। ਇਸਤੋਂ ਇਲਾਵਾ ਕੰਗਨਾ ਨੇ ਕਿਹਾ ਕਿ ਉਹ ਬਹੁਤ ਖੁਸ਼ ਹੈ, ਇਸ ਸਮੇਂ ਪੂਰਾ ਦੇਸ਼ ਭਾਵੁਕ ਹੈ। ਕਈ ਸੌ ਸਾਲਾਂ ਬਾਅਦ ਸ਼੍ਰੀ ਰਾਮ ਆਪਣੀ ਜਨਮ ਭੂਮੀ ਪਰਤ ਰਹੇ ਹਨ। ਸਾਡੇ ਲਈ ਇਸ ਤੋਂ ਵੱਡਾ ਮੌਕਾ ਕੋਈ ਨਹੀਂ ਹੋ ਸਕਦਾ।
ਸ਼੍ਰੀ ਰਾਮ ਦੇ ਆਉਣ ਨਾਲ ਸਾਡੇ ਦੇਸ਼ ਨੂੰ ਸੰਗਠਨ ਦਾ ਬਿੰਦੂ ਮਿਲ ਰਿਹਾ ਹੈ। ਸਾਡਾ ਸੱਭਿਆਚਾਰ ਮਜ਼ਬੂਤ ਹੁੰਦਾ ਜਾ ਰਿਹਾ ਹੈ। ਕੰਗਨਾ ਪਵਿੱਤਰ ਰਸਮ ਤੱਕ ਅਯੁੱਧਿਆ ‘ਚ ਰਹੇਗੀ। ਇਹ ਰਸਮ 22 ਜਨਵਰੀ ਨੂੰ ਹੋਣੀ ਹੈ।ਕੰਗਨਾ ਨੇ ਕਿਹਾ ਕਿ ਸਦੀਵੀ ਸੱਚ ਹੈ। ਇੱਥੇ ਕਈ ਹਜ਼ਾਰ ਸਾਲ ਪਹਿਲਾਂ ਰਾਮ ਰਾਜ ਮੌਜੂਦ ਸੀ। ਅਦਾਕਾਰਾ ਨੇ ਕਿਹਾ ਕਿ ਰਾਮ ਦਾ ਕਿਰਦਾਰ ਅੱਜ ਵੀ ਹਰ ਭਾਰਤੀ ਦੇ ਅੰਦਰ ਜ਼ਿੰਦਾ ਹੈ।
22 ਜਨਵਰੀ ਨੂੰ ਪ੍ਰਾਣ ਪ੍ਰਤਿਸ਼ਠਾ ਦੇ ਮੌਕੇ ‘ਤੇ ਸ਼੍ਰੀ ਰਾਮ ਖੁਦ ਪ੍ਰਗਟ ਹੋਣਗੇ। ਉਨ੍ਹਾਂ ਕਿਹਾ ਕਿ ਇਹ ਸਾਡੀ ਚੰਗੀ ਕਿਸਮਤ ਹੈ ਕਿ ਸ਼੍ਰੀ ਰਾਮ ਸਾਡੇ ਮੰਦਰ ਵਿੱਚ ਆ ਕੇ ਬੈਠਣਗੇ। ਇਸ ਨਾਲ ਇੱਕ ਵਾਰ ਫਿਰ ਤੋਂ ਰਾਮ ਰਾਜ ਦਾ ਨਿਰਮਾਣ ਹੋਵੇਗਾ।
