‘ਬੇਬੀ ਡੌਲ’ ਫੇਮ ਗਾਇਕਾ ਕਨਿਕਾ ਕਪੂਰ ਨੇ ਵਿਆਹ ਤੋਂ ਬਾਅਦ ਪਾਰਟੀ ਦਿੱਤੀ ਅਤੇ ਇਸ ਪਾਰਟੀ ‘ਚ ਉਹ ਆਪਣੇ ਪਤੀ ਨਾਲ ਖੂਬ ਮਸਤੀ ਕਰਦੀ ਨਜ਼ਰ ਆਈ। ਕਨਿਕਾ ਕਪੂਰ ਨੇ ਆਪਣੇ ਸੁਪਰਹਿੱਟ ਗੀਤ ‘ਬੇਬੀ ਡੌਲ ਮੈਂ ਸੋਨੇ ਦੀ’ ‘ਤੇ ਡਾਂਸ ਕੀਤਾ। ਇਸ ਦੌਰਾਨ ਉਹ ਆਪਣੇ ਬੇਟੇ ਅਤੇ ਦੋਸਤਾਂ ਨਾਲ ਪਾਰਟੀ ‘ਚ ਡਾਂਸ ਕਰਦੀ ਨਜ਼ਰ ਆਈ। ਅਭਿਨੇਤਰੀ ਨੇ ਵਿਸ਼ਾਲ ਹੀਰੇ ਦੇ ਗਹਿਣਿਆਂ ਨਾਲ ਆਪਣੇ ਦੁਲਹਨ ਦੀ ਦਿੱਖ ਨੂੰ ਪੂਰਾ ਕੀਤਾ ਹੋਇਆ ਹੈ।
ਦੁਲਹਨ ਬਣੀ ਕਨਿਕਾ ਕਪੂਰ ਰਾਜਕੁਮਾਰੀ ਦੀ ਤਰ੍ਹਾਂ ਲੱਗ ਰਹੀ ਹੈ। ਦੱਸ ਦੇਈਏ ਕਿ ਕਨਿਕਾ ਕਪੂਰ ਦੀ ਉਮਰ 43 ਸਾਲ ਹੈ। ਕਨਿਕਾ ਕਪੂਰ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ ਇਨ੍ਹਾਂ ਤਸਵੀਰਾਂ ‘ਚ ਕਨਿਕਾ ਅਤੇ ਗੌਤਮ ਦੀ ਕੈਮਿਸਟਰੀ ਨੂੰ ਹਰ ਕੋਈ ਪਸੰਦ ਕਰ ਰਿਹਾ ਹੈ। ਇਸ ਸਮਾਰੋਹ ‘ਚ ਜੋੜੇ ਦੇ ਪਰਿਵਾਰ ਅਤੇ ਕਰੀਬੀ ਲੋਕਾਂ ਨੇ ਸ਼ਿਰਕਤ ਕੀਤੀ। ਕਨਿਕਾ ਇੱਕ ਦੁਲਹਨ ਦੇ ਰੂਪ ਵਿੱਚ ਤਬਾਹੀ ਮਚਾ ਰਹੀ ਹੈ, ਉਥੇ ਹੀ ਲਾੜਾ ਰਾਜਾ ਗੌਤਮ ਵੀ ਦਿੱਖ ਦੇ ਮਾਮਲੇ ਵਿੱਚ ਆਪਣੀ ਪਤਨੀ ਕਨਿਕਾ ਨੂੰ ਸਖ਼ਤ ਟੱਕਰ ਦੇ ਰਿਹਾ ਹੈ।
ਜੈਮਾਲਾ ਸਮਾਰੋਹ ਦੌਰਾਨ ਕਨਿਕਾ ਅਤੇ ਗੀਤਮ ਨੇ ਇੱਕ ਦੂਜੇ ਨਾਲ ਖੂਬ ਮਸਤੀ ਕੀਤੀ। ਕਨਿਕਾ ਅਤੇ ਗੌਤਮ ਦੀ ਬਾਂਡਿੰਗ ਨੂੰ ਸੋਸ਼ਲ ਮੀਡੀਆ ‘ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਕਨਿਕਾ ਆਪਣੇ ਪਹਿਲੇ ਪਤੀ ਤੋਂ ਤਲਾਕ ਲੈ ਕੇ ਹੀ ਮੁੰਬਈ ਆਈ ਸੀ ਅਤੇ ਆਪਣਾ ਗੀਤ ‘ਜੁਗਨੀ ਜੀ’ ਰਿਲੀਜ਼ ਕੀਤਾ ਸੀ। ਇਸ ਗੀਤ ਨੇ ਕਨਿਕਾ ਦੀ ਕਿਸਮਤ ਬਦਲ ਦਿੱਤੀ ਅਤੇ ਅੱਜ ਉਹ ਮਸ਼ਹੂਰ ਗਾਇਕਾ ਵਿੱਚ ਸ਼ਾਮਲ ਹੋ ਗਈ ਹੈ।
