ਵੈਡਿੰਗ ਸੀਜ਼ਨ ਚੱਲ ਰਿਹਾ ਹੈ, ਅਜਿਹੇ ਚ ਇੱਕ ਹੋਰ ਸਿਤਾਰੇ ਦੀ ਵਿਆਹ ਦੀ ਤਾਰੀਕ ਸਾਹਮਣੇ ਆ ਗਈ ਹੈ । ਜੀ ਹਾਂ ਬੇਬੀ ਡੌਲ ਫੇਮ ਗਾਇਕਾ ਕਨਿਕਾ ਕੂਪਰ ਬਹੁਤ ਜਲਦੀ ਦੁਲਹਣ ਬਣਨ ਜਾ ਰਹੀ ਹੈ। ਉਹ ਅਕਸਰ ਆਪਣੇ ਗੀਤਾਂ ਅਤੇ ਨਿੱਜੀ ਕਾਰਨਾਂ ਕਰਕੇ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਕਨਿਕਾ ਅਤੇ ਗੌਤਮ 20 ਮਈ 2022 ਨੂੰ ਵਿਆਹ ਕਰਨ ਜਾ ਰਹੇ ਹਨ। ਹਾਲਾਂਕਿ ਅਜੇ ਤੱਕ ਕਨਿਕਾ ਦੇ ਪੱਖ ਤੋਂ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਖਬਰਾਂ ਦੀ ਮੰਨੀਏ ਤਾਂ ਕਨਿਕਾ ਅਤੇ ਗੌਤਮ ਨੇ 6 ਮਹੀਨੇ ਪਹਿਲਾਂ ਹੀ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ ਸੀ ਪਰ ਕਿਸੇ ਕਾਰਨ ਦੋਵਾਂ ਨੂੰ ਵਿਆਹ ਦੀ ਤਰੀਕ ਟਾਲਣੀ ਪਈ।
ਕਨਿਕਾ ਕਪੂਰ ਦੇ ਪਹਿਲੇ ਪਤੀ ਦੀ ਤਰ੍ਹਾਂ ਗੌਤਮ ਵੀ ਐਨਆਰਆਈ ਕਾਰੋਬਾਰੀ ਹਨ। ਕਨਿਕਾ ਦਾ ਪਹਿਲਾ ਵਿਆਹ 18 ਸਾਲ ਦੀ ਉਮਰ ਵਿੱਚ ਐਨਆਰਆਈ ਰਾਜ ਚੰਡੋਕ ਨਾਲ ਹੋਇਆ ਸੀ। ਵਿਆਹ ਤੋਂ ਬਾਅਦ ਜੋੜੇ ਦੇ ਤਿੰਨ ਬੱਚੇ ਹੋਏ, ਜਿਨ੍ਹਾਂ ਦੇ ਨਾਂ ਅਯਾਨਾ, ਸਮਰਾ ਅਤੇ ਯੁਵਰਾਜ ਹਨ। ਹਾਲਾਂਕਿ, ਵਿਆਹ ਦੇ 15 ਸਾਲ ਬਾਅਦ 2012 ਵਿੱਚ ਕਨਿਕਾ ਅਤੇ ਰਾਜ ਵੱਖ ਹੋ ਗਏ। ਕਨਿਕਾ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਸਾਲ 2012 ‘ਚ ਪਹਿਲਾ ਗੀਤ ਜੁਗਨੀ ਜੀ ਗਾਇਆ ਸੀ, ਜਿਸ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ।
