‘ਬਿੱਗ ਬੌਸ 15’ ਨੇ ਆਖਰਕਾਰ ਆਪਣਾ ਵਿਜੇਤਾ ਲੱਭ ਲਿਆ ਹੈ। ਤੇਜਸਵੀ ਪ੍ਰਕਾਸ਼ ਨੇ ਜੇਤੂ ਦਾ ਖਿਤਾਬ ਜਿੱਤ ਕੇ ਚਮਕਦੀ ਟਰਾਫੀ ਅਤੇ 40 ਲੱਖ ਰੁਪਏ ਜਿੱਤੇ ਹਨ। ਜਿਸ ਤੋਂ ਬਾਅਦ ਪ੍ਰਸ਼ੰਸਕਾਂ ਸਮੇਤ ਮਨੋਰੰਜਨ ਜਗਤ ਦੇ ਸਿਤਾਰੇ ਵੀ ਅਦਾਕਾਰਾ ਨੂੰ ਵਧਾਈ ਦਿੰਦੇ ਨਜ਼ਰ ਆ ਰਹੇ ਹਨ। ਪਰ ਇਸ ਦੌਰਾਨ ਕਰਨ ਕੁੰਦਰਾ ਨੇ ਅਜਿਹੀ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਨੂੰ ਦੇਖ ਕੇ ਲੋਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਅਦਾਕਾਰਾ ਤੇਜਸਵੀ ਦੇ ਵਿਨਰ ਬਣਨ ਤੋਂ ਨਾਖੁਸ਼ ਹਨ ।
ਕਰਨ ਨੂੰ ਲੱਗਦਾ ਸੀ ਕਿ ਉਹ ਇਹ ਟਰਾਫੀ ਜਿੱਤਣਗੇ ।ਪਰ ਅਜਿਹਾ ਨਹੀਂ ਹੋ ਸਕਿਆ ਕਿਉਂਕਿ ਫਾਈਨਲ ਰੇਸ ‘ਚ ਤੇਜਸਵੀ ਪ੍ਰਕਾਸ਼ ਵਿਜੇਤਾ, ਜਦੋਂਕਿ ਪ੍ਰਤੀਕ ਸਹਿਜਪਾਲ ਫਸਟ ਜਦੋਂ ਕਿ ਕਰਨ ਕੁੰਦਰਾ ਦੂਜੇ ਰਨਰ ਅੱਪ ਰਹੇ । ਆਪਣੀ ਕਾਰ ‘ਚ ਸਵਾਰ ਕਰਣ ਕੁੰਦਰਾ ਜਦੋਂ ਬਿੱਗ ਬੌਸ ਦੇ ਘਰ ਚੋਂ ਬਾਹਰ ਨਿਕਲੇ ਤਾਂ ਉਨ੍ਹਾਂ ਦੀਆਂ ਅੱਖਾਂ ‘ਚ ਅੱਥਰੂ ਸਾਫ ਦੇਖੇ ਜਾ ਸਕਦੇ ਹਨ ।ਉਸ ਦੀਆਂ ਅੱਖਾਂ ‘ਚ ਅਤੇ ਚਿਹਰੇ ਦੇ ਹਾਵ ਭਾਵ ਦੱਸ ਰਹੇ ਸਨ ਕਿ ਉਹ ਕਾਫੀ ਨਿਰਾਸ਼ ਨਜ਼ਰ ਆਏ । ਕਰਣ ਕੁੰਦਰਾ ਦੇ ਦੋਸਤ ਰਹੇ ਉਮਰ ਰਿਆਜ਼ ਨੇ ਵੀ ਟਵੀਟ ਕਰਕੇ ਦੁੱਖ ਪ੍ਰਗਟ ਕੀਤਾ ਹੈ। ਕਰਣ ਕੁੰਦਰਾ ਬਾਹਰ ਆ ਕੇ ਸਿੱਧਾ ਆਪਣੀ ਕਾਰ ਕੋਲ ਜਾ ਕੇ ਬੈਠ ਜਾਂਦਾ ਹੈ।
ਉੱਥੇ ਮੌਜੂਦ ਫੋਟੋਗ੍ਰਾਫਰਜ਼ ਨੇ ਖੜ੍ਹੇ ਹੋ ਕੇ ਪੋਜ਼ ਦੇਣ ਲਈ ਕਿਹਾ ਪਰ ਉਹ ਬਿਨਾਂ ਰੁਕੇ ਕਾਰ ‘ਚ ਬੈਠ ਗਿਆ। ਉਮਰ ਨੇ ਕਰਨ ਲਈ ਟਵੀਟ ਕਰਕੇ ਲਿਖਿਆ। ‘ਤੁਸੀਂ ਬਹੁਤ ਵਧੀਆ ਖੇਡਿਆ ਮੇਰੇ ਦੋਸਤ, ਕਈ ਵਾਰ ਜ਼ਿੰਦਗੀ ਤੁਹਾਨੂੰ ਉਹ ਨਹੀਂ ਦਿੰਦੀ ਜੋ ਤੁਸੀਂ ਚਾਹੁੰਦੇ ਹੋ.. ਇਸਦਾ ਮਤਲਬ ਇਹ ਨਹੀਂ ਕਿ ਤੁਸੀਂ ਇਸਦੇ ਹੱਕਦਾਰ ਨਹੀਂ ਹੋ.. ਤੁਸੀਂ ਇਸ ਤੋਂ ਵੱਧ ਦੇ ਹੱਕਦਾਰ ਹੋ।ਇਸ ਦੌਰਾਨ ਉਹ ਕਾਫੀ ਗੁੱਸੇ ‘ਚ ਨਜ਼ਰ ਆ ਰਹੇ ਸਨ ਰਿਆਲਟੀ ਸ਼ੋਅ ‘ਚ ਜੋ ਉਮੀਦਾਂ ਕਰਣ ਨੂੰ ਸਨ ਉਸਦੀਆਂ ਉਮੀਦਾਂ ਪੂਰੀਆਂ ਨਹੀਂ ਹੋ ਸਕੀਆਂ ਅਤੇ ਉਹ ਬਹੁਤ ਜ਼ਿਆਦਾ ਨਿਰਾਸ਼ ਨਜ਼ਰ ਆਏ ।
