ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਅਦਾਕਾਰੀ ਦੇ ਨਾਲ-ਨਾਲ ਤੰਦਰੁਸਤੀ ਲਈ ਵੀ ਜਾਣੀ ਜਾਂਦੀ ਹੈ, ਪਰ ਹਾਲ ਹੀ ਵਿੱਚ ਉਹ ਆਪਣੀ ਖੁਰਾਕ ਛੱਡ ਬਿਰਯਾਨੀ ਅਤੇ ਹਲਵੇ ‘ਤੇ ਟੁੱਟ ਪਈ । ਉਸ ਨੇ ਆਪਣੀ ਟੀਮ ਨਾਲ ਇਸ ਸਵਾਦਿਸ਼ਟ ਭੋਜਨ ਦਾ ਬਹੁਤ ਸੁਆਦ ਚੱਖਿਆ, ਪਰ ਹੁਣ ਉਸ ਨੂੰ ਇਸ ਦਾ ਨਤੀਜਾ ਭੁਗਤਣਾ ਪੈ ਰਿਹਾ ਹੈ। ਜੀ ਹਾਂ, ਕਰੀਨਾ ਨੇ ਇੱਕ ਨਵਾਂ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ ਗੈਰ-ਸਿਹਤਮੰਦ ਭੋਜਨ ਖਾਣ ਤੋਂ ਬਾਅਦ ਜ਼ੋਰਦਾਰ ਯੋਗਾ ਕਰਦੀ ਨਜ਼ਰ ਆ ਰਹੀ ਹੈ। ਕਰੀਨਾ ਕਪੂਰ ਖ਼ਾਨ ਵੀਡੀਓ ’ਚ ਆਪਣੇ ਘਰ ਦੀ ਛੱਤ ’ਤੇ ਯੋਗਾ ਕਰ ਰਹੀ ਹੈ। ਉਸ ਦੀ ਡੈਡੀਕੇਸ਼ਨ ਇਸ ਵੀਡੀਓ ’ਚ ਸਾਫ ਦੇਖੀ ਜਾ ਸਕਦੀ ਹੈ।
ਕਰੀਨਾ ਕਪੂਰ ਖ਼ਾਨ ਨੇ ਇਸ ਵੀਡੀਓ ਨਾਲ ਮਜ਼ੇਦਾਰ ਕੈਪਸ਼ਨ ਲਿਖੀ ਹੈ। ਕਰੀਨਾ ਕਪੂਰ ਨੇ ਲਿਖਿਆ, ‘ਜਦੋਂ ਤੁਹਾਡੀ ਯੋਗਾ ਟੀਚਰ ਤੁਹਾਨੂੰ ਇੰਸਟਾਗ੍ਰਾਮ ’ਤੇ ਫਾਲੋਅ ਕਰਦੀ ਹੋਵੇ ਤਾਂ ਸਮਝੋ ਇਹ ਸਮਾਂ ਹੈ ਬਿਰਿਆਨੀ ਤੇ ਹਲਵੇ ਨੂੰ ਬਾਏ-ਬਾਏ ਕਹਿਣ ਦਾ।’ ਇਸ ਕੈਪਸ਼ਨ ਨਾਲ ਕਰੀਨਾ ਨੇ #UntilWeMeetAgain ਦੀ ਵਰਤੋਂ ਕੀਤੀ ਹੈ। ਕਰੀਨਾ ਕਪੂਰ ਖ਼ਾਨ ਨੇ ਪਿਛਲੇ ਦਿਨੀਂ ਮਾਲਦੀਵ ਤੋਂ ਵਾਪਸ ਆਉਣ ਤੋਂ ਬਾਅਦ ਇਕ ਵੀਡੀਓ ਸਾਂਝੀ ਕੀਤੀ ਸੀ, ਜਿਸ ’ਚ ਉਹ ਆਪਣੀ ਟੀਮ ਨਾਲ ਬਿਰਿਆਨੀ ਦਾ ਮਜ਼ਾ ਲੈ ਰਹੀ ਸੀ। ਇਸ ਤੋਂ ਬਾਅਦ ਕਰੀਨਾ ਦੀ ਹਲਵਾ ਖਾਂਦਿਆਂ ਦੀ ਇਕ ਵੀਡੀਓ ਸਾਹਮਣੇ ਆਈ ਸੀ।
