ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ਕਿਆਰਾ ਅਡਵਾਨੀ ਅਤੇ ਸਿਧਾਰਥ ਮਲਹੋਤਰਾ 7 ਫਰਵਰੀ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ। ਹਾਲ ਹੀ ‘ਚ ਕਿਆਰਾ ਨੇ ਆਪਣੀ ਮਾਂ ਦੇ ਜਨਮਦਿਨ ਦੇ ਮੌਕੇ ‘ਤੇ ਵਿਆਹ ਦੀਆਂ ਕੁਝ ਅਣਦੇਖੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਵਿੱਚ ਵਿਆਹ ਵਾਲੇ ਦਿਨ, ਮਹਿੰਦੀ ਅਤੇ ਸੰਗੀਤ ਰਾਤ ਦੀਆਂ ਤਸਵੀਰਾਂ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਕਿਆਰਾ ਨੇ ਆਪਣੀ ਮਾਂ ਲਈ ਪਿਆਰ ਭਰਿਆ ਕੈਪਸ਼ਨ ਵੀ ਲਿਖਿਆ ਹੈ। ਕਿਆਰਾ ਨੇ ਲਿਖਿਆ, ‘ਮੇਰੀ ਪਿਆਰੀ, ਦੇਖਭਾਲ ਕਰਨ ਵਾਲੀ, ਪ੍ਰਾਰਥਨਾ ਕਰਨ ਵਾਲੀ ਮਾਂ ਨੂੰ ਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ। ਕਿਆਰਾ ਵੱਲੋਂ ਸ਼ੇਅਰ ਕੀਤੀਆਂ ਗਈਆਂ ਤਸਵੀਰਾਂ ‘ਚ ਪਹਿਲੀ ਤਸਵੀਰ ਵਿਆਹ ਵਾਲੇ ਦਿਨ ਦੀ ਹੈ, ਜਿਸ ‘ਚ ਉਹ ਆਪਣੀ ਮਾਂ ਨਾਲ ਪੋਜ਼ ਦੇ ਰਹੀ ਹੈ।
ਇਸ ਤੋਂ ਬਾਅਦ ਉਸੇ ਦਿਨ ਦੀ ਇੱਕ ਹੋਰ ਤਸਵੀਰ ਇੱਕ ਮੋਨੋਕ੍ਰੋਮ ਫਰੇਮ ਵਿੱਚ ਹੈ, ਜਿਸ ਵਿੱਚ ਕਿਆਰਾ ਆਪਣੀ ਮਾਂ ਅਤੇ ਭਰਾ ਨਾਲ ਦਿਖਾਈ ਦੇ ਰਹੀ ਹੈ। ਇਸ ਤੋਂ ਬਾਅਦ ਤੀਜੀ ਤਸਵੀਰ ‘ਚ ਕਿਆਰਾ ਅਤੇ ਉਸ ਦਾ ਪੂਰਾ ਪਰਿਵਾਰ ਨਜ਼ਰ ਆ ਰਿਹਾ ਹੈ। ਆਖਰੀ ਤਸਵੀਰ ‘ਚ ਕਿਆਰਾ ਦੀ ਮਾਂ ਉਸ ‘ਤੇ ਪਿਆਰ ਦੀ ਵਰਖਾ ਕਰਦੀ ਨਜ਼ਰ ਆ ਰਹੀ ਹੈ। ਕਿਆਰਾ-ਸਿਧਾਰਥ ਦੇ ਵਿਆਹ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਉਨ੍ਹਾਂ ਦੇ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ। ਕਿਆਰਾ ਦੇ ਵਿਆਹ ਦੇ ਸਮੇਂ ਪਹਿਨੇ ਜਾਣ ਵਾਲੇ ਗਹਿਣਿਆਂ ਨੂੰ ਵੀ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਉਨ੍ਹਾਂ ਦੇ ਇਸ ਖਾਸ ਲੁੱਕ ਦੇ ਪਿੱਛੇ ਫੈਸ਼ਨ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਦਾ ਹੱਥ ਸੀ। ਮਨੀਸ਼ ਨੇ ਨਾ ਸਿਰਫ ਕਿਆਰਾ ਦੇ ਵਿਆਹ ਦਾ ਪਹਿਰਾਵਾ ਡਿਜ਼ਾਈਨ ਕੀਤਾ ਹੈ, ਬਲਕਿ ਗਹਿਣੇ ਵੀ ਉਨ੍ਹਾਂ ਦੇ ਆਪਣੇ ਕਲੈਕਸ਼ਨ ਤੋਂ ਹਨ।
