ਮਸ਼ਹੂਰ ਟੀਵੀ ਐਕਟਰ ਸੰਜੇ ਗਗਨਾਨੀ ‘ਕੁੰਡਲੀ ਭਾਗਿਆ’ ਦੇ ਸੈੱਟ ‘ਤੇ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ ਹਨ। ਹਾਲਤ ਅਜਿਹੀ ਬਣ ਗਈ ਸੀ ਕਿ ਤੁਰੰਤ ਡਾਕਟਰਾਂ ਦੀ ਟੀਮ ਨੇ ਉਸ ਦਾ ਇਲਾਜ ਕੀਤਾ । ਇਸ ‘ਤੇ ਅਦਾਕਾਰ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਸੰਜੇ ਗਗਨਾਨੀ ਨੇ ਇੰਸਟਾ ਸਟੋਰੀ ‘ਤੇ ਆਪਣੀ ਸੱਟ ਦੀ ਖਬਰ ਸ਼ੇਅਰ ਕੀਤੀ ਹੈ, ਨਾਲ ਹੀ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਪਹਿਲੀ ਵਾਰ ਨਹੀਂ ਸਗੋਂ 1562ਵੀਂ ਵਾਰ ਸੱਟ ਲੱਗੀ ਹੈ। ਸੰਜੇ ਗਗਨਾਨੀ ਨੇ ਹੱਸਦੇ ਇਮੋਜੀ ਦੇ ਨਾਲ ਕੈਪਸ਼ਨ ਵਿੱਚ ਲਿਖਿਆ, ”1562ਵੀਂ ਵਾਰ। ਇਹ ਸਭ ਤੁਹਾਡੇ ਮਨੋਰੰਜਨ ਲਈ। ਸੰਜੇ ਗਗਨਾਨੀ ਦੀ ਇਸ ਪੋਸਟ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਅਦਾਕਾਰ ਨੂੰ ਲੈ ਕੇ ਕਾਫੀ ਚਿੰਤਤ ਹਨ। ਸੰਜੇ ਗਗਨਾਨੀ ਲੰਬੇ ਸਮੇਂ ਤੋਂ ਛੋਟੇ ਪਰਦੇ ‘ਤੇ ਸਰਗਰਮ ਹਨ। ਉਸਨੇ ਕਈ ਟੀਵੀ ਸੀਰੀਅਲਾਂ ਵਿੱਚ ਕੰਮ ਕੀਤਾ ਹੈ। ਹਾਲਾਂਕਿ ਉਸ ਨੂੰ ਆਪਣੀ ਅਸਲੀ ਪਛਾਣ ‘ਕੁੰਡਲੀ ਭਾਗਿਆ’ ਤੋਂ ਮਿਲੀ। ‘ਕੁੰਡਲੀ ਭਾਗਿਆ’ ‘ਚ ਉਸ ਨੇ ਖਲਨਾਇਕ ਦੇ ਕਿਰਦਾਰ ਤੋਂ ਕਾਫੀ ਪ੍ਰਸਿੱਧੀ ਹਾਸਲ ਕੀਤੀ ਅਤੇ ਕਈ ਐਵਾਰਡ ਵੀ ਜਿੱਤੇ। ਸ਼ੋਅ ‘ਚ ਉਨ੍ਹਾਂ ਦੇ ਕਿਰਦਾਰ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਉਹ ਪ੍ਰਿਥਵੀ ਦੇ ਕਿਰਦਾਰ ‘ਚ ਕਾਫੀ ਮਸ਼ਹੂਰ ਹੋਏ ਹਨ।