ਅੱਜ ਅੰਤਰਰਾਸ਼ਟਰੀ ਯੋਗ ਦਿਵਸ ਹੈ। ਬਾਲੀਵੁੱਡ ‘ਚ ਅਜਿਹੇ ਕਈ ਸਿਤਾਰੇ ਹਨ ਜੋ ਯੋਗਾ ਕਰਦੇ ਹਨ। ਇਸ ਵਿਚ ਮਲਾਇਕਾ ਅਰੋੜਾ, ਸ਼ਿਲਪਾ ਸ਼ੈੱਟੀ, ਕਰੀਨਾ ਕਪੂਰ ਖਾਨ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਨਾਂ ਸ਼ਾਮਿਲ ਹਨ, ਜੋ ਯੋਗਾ ਨਾਲ ਆਪਣੇ ਆਪ ਨੂੰ ਫਿੱਟ ਰੱਖਦੇ ਹਨ। ਅੱਜ ਯੋਗ ਦਿਵਸ ‘ਤੇ ਸੈਲੇਬਸ ਵੀਡੀਓ ਸ਼ੇਅਰ ਕਰ ਰਹੇ ਹਨ। ਅਭਿਨੇਤਰੀ ਮਲਾਇਕਾ ਅਰੋੜਾ 47 ਸਾਲ ਦੀ ਹੋ ਗਈ ਹੈ ਪਰ ਆਪਣੀ ਫਿਟਨੈੱਸ ਅਤੇ ਗਲੈਮਰ ਨਾਲ ਉਹ ਨੌਜਵਾਨ ਅਭਿਨੇਤਰੀਆਂ ਨੂੰ ਸਖ਼ਤ ਮੁਕਾਬਲਾ ਦਿੰਦੀ ਹੈ। ਨਾ ਸਿਰਫ ਮਲਾਇਕਾ ਖੁਦ ਯੋਗਾ ਕਰਦੀ ਹੈ, ਉਹ ਸੋਸ਼ਲ ਮੀਡੀਆ ਰਾਹੀਂ ਲੋਕਾਂ ਨੂੰ ਇਸ ਲਈ ਪ੍ਰੇਰਿਤ ਕਰਦੀ ਵੀ ਨਜ਼ਰ ਆ ਰਹੀ ਹੈ।
ਹਾਲਾਂਕਿ, ਯੋਗਾ ਕਰਨ ਦੇ ਨਾਲ-ਨਾਲ ਅਦਾਕਾਰਾ ਆਪਣੀ ਡਾਈਟ ਅਤੇ ਰੁਟੀਨ ਦਾ ਵੀ ਪੂਰਾ ਧਿਆਨ ਰੱਖਦੀ ਹੈ। ਮਲਾਇਕਾ ਅਰੋੜਾ ਆਪਣੀ ਵਰਕਆਊਟ ਅਤੇ ਯੋਗਾ ਰੁਟੀਨ ਦੀ ਸਖਤੀ ਨਾਲ ਪਾਲਣਾ ਕਰਦੀ ਹੈ। ਇਸ ਤੋਂ ਬਾਅਦ ਉਹ ਸਿਹਤਮੰਦ ਸਨੈਕਸ ਲੈਂਦੀ ਹੈ, ਜਿਵੇਂ ਕਿ ਸਬਜ਼ੀਆਂ ਦਾ ਜੂਸ ਆਦਿ। ਮਲਾਇਕਾ ਆਪਣੀ ਰੋਜ਼ਾਨਾ ਦੀ ਰੁਟੀਨ ‘ਚ ਘਿਓ ਅਤੇ ਸ਼ਹਿਦ ਨੂੰ ਵੀ ਸ਼ਾਮਲ ਕਰਦੀ ਹੈ, ਕਿਉਂਕਿ ਖਾਣੇ ‘ਚ ਕੁਝ ਮਾਤਰਾ ‘ਚ ਘਿਓ ਅਤੇ ਪਾਣੀ ‘ਚ ਸ਼ਹਿਦ ਹੋਣਾ ਸਿਹਤ ਲਈ ਫਾਇਦੇਮੰਦ ਹੁੰਦਾ ਹੈ। ਮਲਾਇਕਾ ਦਾ ਮੰਨਣਾ ਹੈ ਕਿ ਰਾਤ ਦਾ ਖਾਣਾ ਹਮੇਸ਼ਾ ਸੌਣ ਤੋਂ ਦੋ ਘੰਟੇ ਪਹਿਲਾਂ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਹਜ਼ਮ ਕਰਨਾ ਆਸਾਨ ਹੁੰਦਾ ਹੈ।
