ਰਾਖੀ ਸਾਵੰਤ ਦੀ ਮਾਂ ਪਿਛਲੇ ਕੁਝ ਸਮੇਂ ਤੋਂ ਕੈਂਸਰ ਨਾਲ ਜੂਝ ਰਹੀ ਹੈ। ਇਸ ਦੌਰਾਨ ਹੁਣ ਖਬਰ ਆ ਰਹੀ ਹੈ ਕਿ ਮਸ਼ਹੂਰ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਨੇ ਅਦਾਕਾਰਾ ਦੀ ਮਾਂ ਦੇ ਇਲਾਜ ਲਈ ਮਦਦ ਕੀਤੀ ਹੈ। ਜੀ ਹਾਂ, ਰਾਖੀ ਨੇ ਖੁਦ ਪਾਪਰਾਜ਼ੀ ਨਾਲ ਗੱਲਬਾਤ ‘ਚ ਇਹ ਖੁਲਾਸਾ ਕੀਤਾ ਕਿ ਅੰਬਾਨੀ ਉਸ ਦੀ ਮਦਦ ਕਰ ਰਹੇ ਹਨ।
ਰਾਖੀ ਨੇ ਗੱਲਬਾਤ ਦੌਰਾਨ ਕਿਹਾ, ”ਅੰਬਾਨੀ ਜੀ ਮਦਦ ਕਰ ਰਹੇ ਹਨ ਅਤੇ ਨਾਮਦੇਵ ਜੋਸ਼ੀ ਵੀ ਮਦਦ ਕਰ ਰਹੇ ਹਨ।ਅਸੀਂ ਦੋ ਮਹੀਨਿਆਂ ਲਈ ਮੰਮੀ ਨੂੰ ਕ੍ਰਿਟੀ ਕੇਅਰ ਹਸਪਤਾਲ ਵਿਚ ਦਾਖਲ ਕਰਵਾ ਰਹੇ ਹਾਂ। ਰਾਖੀ ਨੇ ਦੱਸਿਆ ਕਿ ਉਸ ਦੀ ਮਾਂ ਦੀ ਹਾਲਤ ਅਜਿਹੀ ਹੋ ਗਈ ਹੈ ਕਿ ਉਹ ਨਾ ਤਾਂ ਕਿਸੇ ਨੂੰ ਪਛਾਣ ਪਾ ਰਹੀ ਹੈ ਅਤੇ ਨਾ ਹੀ ਖਾਣ ਦੇ ਯੋਗ ਹੈ। ਰਾਖੀ ਨੇ ਕਿਹਾ, “ਮੰਮੀ ਦੇ ਅੱਧੇ ਸਰੀਰ ਨੂੰ ਅਧਰੰਗ ਹੋ ਗਿਆ ਹੈ।”