ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ ਫਿਲਮ ‘ਬ੍ਰਹਮਾਸਤਰ’ ਆਰਟ ਵਨ: ਸ਼ਿਵਾ ਦੇ ਨਵੇਂ ਗੀਤ ‘ਦੇਵਾ ਦੇਵਾ’ ਦਾ ਟੀਜ਼ਰ ਵੀਡੀਓ ਇੰਟਰਨੈੱਟ ‘ਤੇ ਰਿਲੀਜ਼ ਹੋ ਗਿਆ ਹੈ। ਵੀਡੀਓ ‘ਚ ਰਣਬੀਰ ਉਨ੍ਹਾਂ ਅਦਿੱਖ ਸ਼ਕਤੀਆਂ ਬਾਰੇ ਗੱਲ ਕਰਦੇ ਹਨ, ਜਿਨ੍ਹਾਂ ਨੂੰ ਉਹ ਦੇਖਦਾ ਅਤੇ ਮਹਿਸੂਸ ਕਰਦਾ ਹੈ। ਵੀਡੀਓ ਵਿੱਚ ਸ਼ਾਨਦਾਰ ਵਿਜ਼ੂਅਲ ਦਿਖਾਈ ਦੇ ਰਹੇ ਹਨ ਜੋ ਬਹੁਤ ਆਕਰਸ਼ਕ ਹਨ। ਜਿਵੇਂ ਹੀ ਇਹ ਟੀਜ਼ਰ ਇੰਟਰਨੈੱਟ ‘ਤੇ ਆਇਆ, ਇਹ ਤੇਜ਼ੀ ਨਾਲ ਵਾਇਰਲ ਹੋ ਗਿਆ ਹੈ। ਆਲੀਆ ਭੱਟ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਦੇਵਾ-ਦੇਵਾ ਗੀਤ ਦੀ ਇਕ ਝਲਕ ਸ਼ੇਅਰ ਕੀਤੀ ਹੈ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਲਿਖਿਆ, ‘ਰੋਸ਼ਨੀ ਆ ਰਹੀ ਹੈ, ਦੇਵਾ ਦੇਵਾ ਗੀਤ 8 ਅਗਸਤ ਨੂੰ ਰਿਲੀਜ਼ ਹੋਵੇਗਾ।’ ਇਸ ਤੋਂ ਪਹਿਲਾਂ ਰਿਲੀਜ਼ ਹੋਈ ਫਿਲਮ ਬ੍ਰਹਮਾਸਤਰ ਦਾ ਗੀਤ ਕੇਸਰੀਆ ਕਾਫੀ ਮਸ਼ਹੂਰ ਹੋਇਆ ਹੈ।
ਕੇਸਰੀਆ ਜਿੱਥੇ ਇੱਕ ਰੋਮਾਂਟਿਕ ਗੀਤ ਹੈ, ਉੱਥੇ ਦੇਵਾ-ਦੇਵਾ ਵਿੱਚ ਰੂਹਾਨੀਅਤ ਦੀ ਝਲਕ ਮਿਲਦੀ ਹੈ। ਗੀਤ ਦੇ ਟੀਜ਼ਰ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਰਣਬੀਰ ਕਪੂਰ, ਆਲੀਆ ਨਾਲ ਕਿਸੇ ਬ੍ਰਹਮ ਸ਼ਕਤੀ ਅਤੇ ਰੋਸ਼ਨੀ ਬਾਰੇ ਗੱਲ ਕਰਦੇ ਹੋਏ, ਆਲੀਆ ਪੁੱਛਦੀ ਹੈ ਕਿ ਤੁਸੀਂ ਇਹ ਰੋਸ਼ਨੀ ਕਿੱਥੇ ਦੇਖਦੇ ਹੋ, ਇਸ ਤੋਂ ਬਾਅਦ ਗੀਤ ਸ਼ੁਰੂ ਹੁੰਦਾ ਹੈ। ਦੇਵਾ-ਦੇਵਾ ਗੀਤ ਨੂੰ ਲੈ ਕੇ ਫੈਨਜ਼ ਪਹਿਲਾਂ ਹੀ ਉਤਸੁਕ ਹਨ। ਜਿਵੇਂ ਹੀ ਆਲੀਆ ਭੱਟ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਗੀਤ ਦੀ ਝਲਕ ਸ਼ੇਅਰ ਕੀਤੀ ਤਾਂ ਲਾਈਕਸ ਦਾ ਹੜ੍ਹ ਆ ਗਿਆ। ਸਿਰਫ ਪਹਿਲੇ 20 ਮਿੰਟਾਂ ਵਿੱਚ, ਇਸ ਪੋਸਟ ਨੂੰ 1 ਲੱਖ ਤੋਂ ਵੱਧ ਲਾਈਕਸ ਮਿਲ ਗਏ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ‘ਚ ਸ਼ਿਵ ਦੇ ਮੁੱਖ ਕਿਰਦਾਰ ‘ਚ ਰਣਬੀਰ ਕਪੂਰ ਨਜ਼ਰ ਆਉਣਗੇ, ਜਦਕਿ ਆਲੀਆ ਭੱਟ ਈਸ਼ਾ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ। ਆਲੀਆ ਅਤੇ ਰਣਵੀਰ ਦੀ ਇਸ ਫਿਲਮ ‘ਚ ਅਮਿਤਾਭ ਬੱਚਨ, ਨਾਗਾਰਜੁਨ ਅਤੇ ਮੌਨੀ ਰਾਏ ਵੀ ਨਜ਼ਰ ਆਉਣਗੇ, ਇਹ ਫਿਲਮ 9 ਸਤੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ।
