ਗੋਵਿੰਦਾ ਹਿੰਦੀ ਫਿਲਮ ਇੰਡਸਟਰੀ ਦੇ ਸਭ ਤੋਂ ਪ੍ਰਤਿਭਾਸ਼ਾਲੀ ਕਲਾਕਾਰਾਂ ਵਿੱਚੋਂ ਇੱਕ ਹੈ। ਉਨਾਂ ਨੇ ਬਾਲੀਵੁੱਡ ਇੰਡਸਟਰੀ ਨੂੰ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਪਰ ਨਿਰਦੇਸ਼ਕ ਰੋਹਿਤ ਸ਼ੈਟੀ ਦਾ ਮੰਨਣਾ ਹੈ ਕਿ ਉਸਨੂੰ ਉਹ ਸਟਾਰਡਮ ਨਹੀਂ ਮਿਲਿਆ, ਜਿਸਦਾ ਗੋਬਿੰਦਾ ਹੱਕਦਾਰ ਸੀ। ਉਸਨੇ ਕਿਹਾ ਕਿ ਅਭਿਨੇਤਾ ਇੱਕ ਸੁਪਰਸਟਾਰ ਬਣਨ ਦਾ ਹੱਕਦਾਰ ਸੀ ਕਿਉਂਕਿ ਉਸਨੇ ਡੇਵਿਡ ਧਵਨ ਦੇ ਨਾਲ ਮਿਲ ਕੇ 90 ਦੇ ਦਹਾਕੇ ਦੀਆਂ ਸਭ ਤੋਂ ਮਸ਼ਹੂਰ ਫਿਲਮਾਂ ’ਚ ਕੰਮ ਕੀਤਾ ਸੀ। ਰੋਹਿਤ ਸ਼ੈਟੀ ਨੇ ਆਪਣੀ ਫਿਲਮ ਸਰਕਸ ਦੇ ਪ੍ਰਮੋਸ਼ਨ ਦੌਰਾਨ ਗੋਵਿੰਦਾ ਅਤੇ ਉਨ੍ਹਾਂ ਦੇ ਕੰਮ ਦੀ ਤਾਰੀਫ ਕੀਤੀ। ਪਿੰਕਵਿਲਾ ਨਾਲ ਇੰਟਰਵਿਊ ਦੌਰਾਨ ਜਦੋਂ ਰੋਹਿਤ ਤੋਂ ਸਾਲ 1993 ’ਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ‘ਆਖੇ’ ਦਾ ਨਾਂ ਲਿਆ। ਇਸ ਫਿਲਮ ’ਚ ਗੋਵਿੰਦਾ ਅਤੇ ਚੰਕੀ ਪਾਂਡੇ ਨੇ ਕੰਮ ਕੀਤਾ ਹੈ।
ਨਿਰਦੇਸ਼ਕ ਰੋਹਿਤ ਸ਼ੈਟੀ ਨੇ ਕਿਹਾ 10 ਸਾਲਾਂ ਤੱਕ ਗੋਵਿੰਦਾ ਨੇ ਬਲਾਕਬਸਟਰ ਫਿਲਮਾਂ ਦਿੱਤੀਆਂ ਹਨ। ਉਸਨੇ ਅਤੇ ਡੈਵਿਡ ਧਵਨ ਨੇ ਸ਼ੋਲਾ ਔਰ ਸ਼ਬਨਮ, ਆਂਖੇ, ਰਾਜਾ ਬਾਬੂ, ਜੋੜੀ ਨੰਬਰ 1 ਅਤੇ ਹਸੀਨਾ ਮਾਨ ਜਾਏਗੀ ਵਰਗੀਆਂ ਫਿਲਮਾਂ ’ਚ ਇਕੱਠੇ ਕੰਮ ਕੀਤਾ ਹੈ, ਪਰ ਮੈਨੂੰ ਲੱਗਦਾ ਹੈ, ਉਸਨੂੰ ਉਹ ਨਹੀਂ ਮਿਲੀਆ ਜਿਸਦਾ ਉਹ ਹੱਕਦਾਰ ਸੀ ਨਹੀਂ ਤਾਂ ਉਹ ਅੱਜ ਇੱਕ ਸੁਪਰਸਟਾਰ ਹੁੰਦਾ।
