ਨਵੀਂ ਦਿੱਲੀ: ਸ਼ਾਹਰੁਖ ਖਾਨ, ਦੀਪਿਕਾ ਪਾਦੁਕੋਣ ਅਤੇ ਜੌਨ ਅਬ੍ਰਾਹਮ ਸਟਾਰਰ ਐਕਸ਼ਨ ਥ੍ਰਿਲਰ ਫਿਲਮ ਪਠਾਨ ਦੀ ਹਰ ਪਾਸੇ ਚਰਚਾ ਹੈ। ਭਾਵੇਂ ਫਿਲਮ ਨੂੰ ਰਿਲੀਜ਼ ਹੋਏ 20 ਦਿਨ ਹੋ ਚੁੱਕੇ ਹਨ। ਪਰ ਬਾਕਸ ਆਫਿਸ ‘ਤੇ ਇਸ ਸਮੇਂ ਸ਼ਾਹਰੁਖ ਖਾਨ ਦੀ ਫਿਲਮ ਰਾਜ ਕਰਦੀ ਨਜ਼ਰ ਆ ਰਹੀ ਹੈ। ਜਿੱਥੇ ਫਿਲਮ ਨੇ ਬੀਤੇ ਦਿਨ ਬਾਕਸ ਆਫਿਸ ‘ਤੇ 489.05 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ, ਜਿਸ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਫਿਲਮ ਬਾਹੂਬਲੀ 2 ਨੂੰ ਮੁਕਾਬਲਾ ਦੇਣ ਵੱਲ ਵਧਦੀ ਨਜ਼ਰ ਆ ਰਹੀ ਹੈ।
ਦੰਗਲ, KGF: ਚੈਪਟਰ 2, ਦਿ ਕਸ਼ਮੀਰ ਫਾਈਲਜ਼ ਅਤੇ ਹੋਰ ਬਹੁਤ ਸਾਰੀਆਂ ਫਿਲਮਾਂ ਦੇ ਸੰਗ੍ਰਹਿ ਨੂੰ ਪਾਰ ਕਰਨ ਤੋਂ ਬਾਅਦ, ਸ਼ਾਹਰੁਖ ਖਾਨ ਦੀ ਪਠਾਨ 500 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋਣ ਲਈ ਤਿਆਰ ਦਿਖਾਈ ਦਿੰਦੀ ਹੈ। ਐਤਵਾਰ ਨੂੰ ਫਿਲਮ ਨੇ 13 ਕਰੋੜ ਦੀ ਕਮਾਈ ਕੀਤੀ ਹੈ। ਹਾਲਾਂਕਿ ਆਮ ਤੌਰ ‘ਤੇ ਫਿਲਮ ਦੀ ਕਮਾਈ ਦੀ ਰਫਤਾਰ ਤਿੰਨ ਹਫਤਿਆਂ ‘ਚ ਹੌਲੀ ਹੋ ਜਾਂਦੀ ਹੈ। ਪਰ ਪ੍ਰਸ਼ੰਸਕਾਂ ‘ਚ ਇਸ ਦਾ ਕ੍ਰੇਜ਼ ਖਤਮ ਨਹੀਂ ਹੋ ਰਿਹਾ ਹੈ। ਸ਼ੁਰੂਆਤੀ ਰੁਝਾਨਾਂ ਦੇ ਅਨੁਸਾਰ, ਸ਼ਾਹਰੁਖ ਖਾਨ ਸਟਾਰਰ ਪਠਾਨ ਨੇ 20ਵੇਂ ਦਿਨ 4-5 ਕਰੋੜ ਰੁਪਏ ਦੀ ਕਮਾਈ ਕੀਤੀ।
ਜਦਕਿ ਇਹ ਹੋਰ ਦਿਨਾਂ ਨਾਲੋਂ ਘੱਟ ਹੈ। ਪਰ ਵੈਲੇਨਟਾਈਨ ਡੇਅ ਦੇ ਮੌਕੇ ‘ਤੇ ਇਹ ਰਫ਼ਤਾਰ ਹੋਰ ਵਧਣ ਦੀ ਉਮੀਦ ਹੈ। ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ ਸੋਮਵਾਰ ਦੇ ਕਲੈਕਸ਼ਨ ਨਾਲ ਪਠਾਨ ਦੀ ਕੁਲ ਕਮਾਈ 493.05-495.05 ਕਰੋੜ ਰੁਪਏ ਹੋ ਗਈ ਹੈ। ਜਦਕਿ ਵਰਲਡ ਵਾਈਡ ਫਿਲਮ ਨੇ 950 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ।
