ਪ੍ਰਿਅੰਕਾ ਚੋਪੜਾ ਅਤੇ ਨਿਕ ਜੋਨਸ ਦੀ ਆਪਣੀ ਬੇਟੀ ਮਾਲਤੀ ਨਾਲ ਇਸ ਵਾਰ ਪਹਿਲੀ ਦੀਵਾਲੀ ਸੀ। ਅਜਿਹੇ ‘ਚ ਜੋੜੇ ਨੇ ਲਾਸ ਏਂਜਲਸ ‘ਚ ਦੀਵਾਲੀ ਦਾ ਤਿਉਹਾਰ ਪੂਰੀ ਧੂਮ-ਧਾਮ ਨਾਲ ਮਨਾਇਆ ਅਤੇ ਰਵਾਇਤੀ ਤਰੀਕੇ ਨਾਲ ਪੂਜਾ ਕੀਤੀ। ਜਿਸ ਦੀਆਂ ਖੂਬਸੂਰਤ ਤਸਵੀਰਾਂ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ।
ਪ੍ਰਿਯੰਕਾ ਚੋਪੜਾ ਦੁਆਰਾ ਆਪਣੇ ਇੰਸਟਾਗ੍ਰਾਮ ਤੋਂ ਸ਼ੇਅਰ ਕੀਤੀਆਂ ਤਸਵੀਰਾਂ ਵਿੱਚ, ਉਹ ਇੱਕ ਆਫ-ਵਾਈਟ ਕਲਰ ਦੇ ਲਹਿੰਗਾ ਚੋਲੀ ਵਿੱਚ ਨਜ਼ਰ ਆ ਰਹੀ ਸੀ ਅਤੇ ਨਾਲ ਹੀ ਅਭਿਨੇਤਰੀ ਨੇ ਸ਼ਿਫੋਨ ਸ਼ਰਗ ਪਾਇਆ ਹੋਇਆ ਸੀ। ਨਿਕ ਨੇ ਵੀ ਸਿਲਵਰ ਮਿਕਸ ਵ੍ਹਾਈਟ ਕਲਰ ਦਾ ਕੁੜਤਾ ਪਹਿਨਿਆ ਹੈ। ਜਦਕਿ ਬੇਟੀ ਮਾਲਤੀ ਵੀ ਆਪਣੇ ਮਾਤਾ-ਪਿਤਾ ਦੇ ਮੈਚਿੰਗ ਆਊਟਫਿਟ ‘ਚ ਨਜ਼ਰ ਆਈ। ਪ੍ਰਿਯੰਕਾ ਨੇ ਦੀਵਾਲੀ ਦੀਆਂ ਸ਼ੁਭਕਾਮਨਾਵਾਂ ਸਾਂਝੀਆਂ ਕਰਨ ਵਿੱਚ ਦੇਰ ਹੋਣ ਲਈ ਮੁਆਫੀ ਵੀ ਮੰਗੀ ਹੈ।
ਇਸ ਦੌਰਾਨ ਪ੍ਰਿਅੰਕਾ ਚੋਪੜਾ ਦੀ ਮਾਂ ਮਧੂ ਚੋਪੜਾ ਵੀ ਮੌਜੂਦ ਸਨ। ਹਾਲਾਂਕਿ ਅਦਾਕਾਰਾ ਨੇ ਇਸ ਵਾਰ ਵੀ ਬੇਟੀ ਮਾਲਤੀ ਦਾ ਚਿਹਰਾ ਨਹੀਂ ਦਿਖਾਇਆ। ਪ੍ਰਿਯੰਕਾ ਚੋਪੜਾ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ‘ਚ ਲਿਖਿਆ- “ਸਭ ਲਈ ਪਿਆਰ, ਸ਼ਾਂਤੀ ਅਤੇ ਖੁਸ਼ਹਾਲੀ। ਸੱਚਮੁੱਚ ਦਿਲੋਂ ਧੰਨਵਾਦੀ ਹਾਂ, ਮੇਰੇ ਵੱਲੋਂ ਤੁਹਾਨੂੰ ਸਾਰਿਆਂ ਨੂੰ ਦੀਵਾਲੀ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ। ਮਾਫ ਕਰਨਾ, ਮੈਨੂੰ ਥੋੜੀ ਦੇਰ ਹੋ ਗਈ।
