ਮੁੰਬਈ, 25 ਅਗਸਤ 2024 – ਪ੍ਰਿਯੰਕਾ ਚੋਪੜਾ ਸ਼ੁੱਕਰਵਾਰ ਸ਼ਾਮ ਨੂੰ ਆਪਣੇ ਭਰਾ ਸਿਧਾਰਥ ਚੋਪੜਾ ਅਤੇ ਭਾਬੀ ਨੀਲਮ ਉਪਾਧਿਆਏ ਦੇ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਈ। ਫੰਕਸ਼ਨ ‘ਚ ਪ੍ਰਿਅੰਕਾ ਦੇਸੀ ਲੁੱਕ ‘ਚ ਨਜ਼ਰ ਆਈ। ਹਾਲਾਂਕਿ ਪਤੀ ਨਿਕ ਜੋਨਸ ਅਤੇ ਬੇਟੀ ਮਾਲਤੀ ਨਜ਼ਰ ਨਹੀਂ ਆਏ।
ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਹੈ ਕਿ ਸਿਧਾਰਥ ਅਤੇ ਨੀਲਮ ਦਾ ਵਿਆਹ ਹੋਇਆ ਹੈ ਜਾਂ ਨਹੀਂ। ਹਾਲਾਂਕਿ ਇਹ ਫੰਕਸ਼ਨ ਸਿਰਫ ਵਿਆਹ ਦੇ ਹੀ ਹੁੰਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਮਾਂ ਪਹਿਲਾਂ ਸਿਧਾਰਥ ਚੋਪੜਾ ਨੇ ਸਾਊਥ ਅਦਾਕਾਰਾ ਨੀਲਮ ਉਪਾਧਿਆਏ ਨਾਲ ਮੰਗਣੀ ਕੀਤੀ ਸੀ। ਇਸ ਜੋੜੇ ਨੇ ਮੰਗਣੀ ਸਮਾਰੋਹ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕਰਕੇ ਇਸ ਦਾ ਐਲਾਨ ਕੀਤਾ ਸੀ। ਪ੍ਰਿਯੰਕਾ ਨੇ ਪਤੀ ਨਿਕ ਜੋਨਸ ਅਤੇ ਬੇਟੀ ਮਾਲਤੀ ਨਾਲ ਮੰਗਣੀ ਸਮਾਰੋਹ ‘ਚ ਸ਼ਿਰਕਤ ਕੀਤੀ ਸੀ।
ਨੀਲਮ ਅਤੇ ਸਿਧਾਰਥ ਲੰਬੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਨੀਲਮ ਨੂੰ ਚੋਪੜਾ ਪਰਿਵਾਰ ਨਾਲ ਕਈ ਫੰਕਸ਼ਨ ‘ਚ ਦੇਖਿਆ ਜਾ ਚੁੱਕਾ ਹੈ। ਪਿਛਲੇ ਸਾਲ ਵੀ ਨੀਲਮ ਦੇ ਜਨਮਦਿਨ ‘ਤੇ ਸਿਧਾਰਥ ਅਤੇ ਉਨ੍ਹਾਂ ਦੀ ਮਾਂ ਮਧੂ ਚੋਪੜਾ ਨੂੰ ਅਦਾਕਾਰਾ ਨਾਲ ਦੇਖਿਆ ਗਿਆ ਸੀ।
ਨੀਲਮ ਪਿਛਲੇ 9 ਸਾਲਾਂ ਤੋਂ ਸਾਊਥ ਇੰਡਸਟਰੀ ‘ਚ ਸਰਗਰਮ ਹੈ। ਉਨ੍ਹਾਂ ਦੀ ਪਹਿਲੀ ਫਿਲਮ 2010 ‘ਚ ਰਿਲੀਜ਼ ਹੋਣੀ ਸੀ ਪਰ ਇਸ ਨੂੰ ਟਾਲ ਦਿੱਤਾ ਗਿਆ। ਇਸ ਤੋਂ ਬਾਅਦ ਨੀਲਮ ਨੇ 2012 ‘ਚ ਤੇਲਗੂ ਫਿਲਮ ‘ਮਿਸਟਰ 7’ ਨਾਲ ਡੈਬਿਊ ਕੀਤਾ। ਉਸੇ ਸਾਲ, ਉਸਨੇ ਫਿਲਮ ‘ਉਨਨੋਡੂ ਓਰੂ ਨਾਲ’ ਨਾਲ ਆਪਣਾ ਤਾਮਿਲ ਕਰੀਅਰ ਵੀ ਸ਼ੁਰੂ ਕੀਤਾ। ਉਹ ਆਖਰੀ ਵਾਰ 2018 ‘ਚ ਰਿਲੀਜ਼ ਹੋਈ ਤੇਲਗੂ ਫਿਲਮ ‘ਤਮਾਸ਼ਾ’ ‘ਚ ਨਜ਼ਰ ਆਈ ਸੀ।
ਸਿਧਾਰਥ ਦੀ ਇਸ ਤੋਂ ਪਹਿਲਾਂ 2019 ‘ਚ ਇਸ਼ਿਤਾ ਕੁਮਾਰ ਨਾਲ ਮੰਗਣੀ ਹੋਈ ਸੀ। ਇਸ ਫੰਕਸ਼ਨ ‘ਚ ਪ੍ਰਿਯੰਕਾ ਅਤੇ ਨਿਕ ਦੋਵਾਂ ਨੇ ਸ਼ਿਰਕਤ ਕੀਤੀ। ਸਿਧਾਰਥ ਅਤੇ ਇਸ਼ਿਤਾ ਦਾ ਵਿਆਹ ਅਪ੍ਰੈਲ 2019 ‘ਚ ਹੋਣਾ ਸੀ ਪਰ ਦੋਵੇਂ ਵੱਖ ਹੋ ਗਏ। 2021 ਵਿੱਚ ਇਸ਼ਿਤਾ ਨੇ ਕਿਸੇ ਹੋਰ ਨਾਲ ਵਿਆਹ ਕਰ ਲਿਆ ਸੀ।
