ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਆਖਰਕਾਰ ਆਪਣੀ ਧਰਤੀ, ਆਪਣੇ ਦੇਸ਼ ਭਾਰਤ ਪਰਤ ਆਈ ਹੈ। ਪ੍ਰਿਅੰਕਾ ਚੋਪੜਾ ਪੂਰੇ 3 ਸਾਲ ਬਾਅਦ ਭਾਰਤ ਆਈ ਹੈ। ਬੀਤੇ ਦਿਨ ਅਦਾਕਾਰਾ ਨੇ ਇੰਸਟਾ ਸਟੋਰੀ ‘ਤੇ ਆਪਣੇ ਬੋਰਡਿੰਗ ਪਾਸ ਦੀ ਝਲਕ ਦਿਖਾਈ। ਇਸ ਫੋਟੋ ਦੇ ਕੈਪਸ਼ਨ ਵਿੱਚ ਉਹਨਾਂ ਨੇ ਲਿਖਿਆ ਸੀ, ਆਖਰਕਾਰ… ਘਰ ਜਾਣਾ। ਲਗਭਗ 3 ਸਾਲਾਂ ਬਾਅਦ. ਉਸੇ ਸਮੇਂ ਦੇਰ ਰਾਤ ਅਦਾਕਾਰਾ ਆਪਣੀ ਟੀਮ ਨਾਲ ਮੁੰਬਈ ਏਅਰਪੋਰਟ ਪਹੁੰਚੀ। ਇਸ ਦੌਰਾਨ ਪ੍ਰਿਯੰਕਾ ਚੋਪੜਾ ਨੂੰ ਕਵਰ ਕਰਨ ਲਈ ਪੂਰਾ ਮੀਡੀਆ ਪਹੁੰਚ ਗਿਆ ਸੀ। ਅਦਾਕਾਰਾ ਜਿਵੇਂ ਹੀ ਏਅਰਪੋਰਟ ਤੋਂ ਬਾਹਰ ਆਈ ਤਾਂ ਪਾਪਰਾਜ਼ੀ ਉਨ੍ਹਾਂ ਨੂੰ ਦੇਖ ਕੇ ਉੱਚੀ-ਉੱਚੀ ਚੀਕਣ ਲੱਗੇ। ਇਸ ਦੌਰਾਨ ਉਹ ਆਲ ਡੇਨਿਮ ਲੁੱਕ ‘ਚ ਨਜ਼ਰ ਆਈ। ਹਾਲਾਂਕਿ ਇਸ ਦੌਰਾਨ ਪ੍ਰਿਯੰਕਾ ਚੋਪੜਾ ਇਕੱਲੀ ਨਜ਼ਰ ਆਈ।
ਇਸ ਦੌਰਾਨ ਉਨ੍ਹਾਂ ਦੀ ਬੇਟੀ ਮਾਲਤੀ ਮੈਰੀ ਚੋਪੜਾ ਜੋਨਸ ਨਜ਼ਰ ਨਹੀਂ ਆਈ। ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਅਦਾਕਾਰਾ ਆਪਣੀ ਪਿਆਰੀ ਬੇਟੀ ਨਾਲ ਭਾਰਤ ਵਾਪਸ ਆ ਰਹੀ ਹੈ। ਹਾਲਾਂਕਿ ਅਦਾਕਾਰਾ ਨੇ ਬੇਟੀ ਨੂੰ ਲੈ ਕੇ ਕੋਈ ਫੋਟੋ ਸ਼ੇਅਰ ਨਹੀਂ ਕੀਤੀ ਹੈ ਪਰ ਕਿਆਸ ਲਗਾਏ ਜਾ ਰਹੇ ਸਨ ਕਿ ਉਨ੍ਹਾਂ ਦੀ 9 ਮਹੀਨੇ ਦੀ ਬੇਟੀ ਵੀ ਪਹਿਲੀ ਵਾਰ ਆਪਣੀ ਮਾਂ ਨਾਲ ਭਾਰਤ ਆ ਰਹੀ ਹੈ। ਪਰ, ਹੁਣ ਕਿਹਾ ਜਾ ਰਿਹਾ ਹੈ ਕਿ ਪ੍ਰਿਅੰਕਾ ਇਕੱਲੀ ਹੀ ਭਾਰਤ ਆਈ ਹੈ। ਇਸ ਸਾਲ ਜਨਵਰੀ ‘ਚ ਪ੍ਰਿਯੰਕਾ ਅਤੇ ਨਿਕ ਸਰੋਗੇਸੀ ਰਾਹੀਂ ਮਾਤਾ-ਪਿਤਾ ਬਣੇ ਸਨ। ਇਹ ਜਾਣਕਾਰੀ ਖੁਦ ਜੋੜੇ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਰਾਹੀਂ ਦਿੱਤੀ। ਇਸ ਜੋੜੇ ਦਾ ਸਾਲ 2018 ਵਿੱਚ ਜੋਧਪੁਰ ਦੇ ਉਮੈਦ ਭਵਨ ਪੈਲੇਸ ਵਿੱਚ ਸ਼ਾਹੀ ਵਿਆਹ ਹੋਇਆ ਸੀ। ਵਿਆਹ ਤੋਂ ਬਾਅਦ ਅਦਾਕਾਰਾ ਪਤੀ ਨਿਕ ਨਾਲ ਅਮਰੀਕਾ ਸ਼ਿਫਟ ਹੋ ਗਈ ਹੈ।
