ਕੰਗਨਾ ਰਣੌਤ ਦਾ ਸ਼ੋਅ ਲਾਕਅੱਪ ਲਗਾਤਾਰ ਸੁਰਖੀਆਂ ‘ਚ ਹੈ। ਦਰਸ਼ਕ ਇਹ ਜਾਣਨ ਲਈ ਕਾਫੀ ਉਤਸ਼ਾਹਿਤ ਹਨ ਕਿ ਕਿਹੜੇ-ਕਿਹੜੇ ਮੁਕਾਬਲੇਬਾਜ਼ ਇਸ ਸ਼ੋਅ ਦਾ ਹਿੱਸਾ ਹੋਣਗੇ ਪਰ ਇਸ ਦੌਰਾਨ ਮੇਕਰਸ ਨੇ ਹੌਲੀ-ਹੌਲੀ ਮੁਕਾਬਲੇਬਾਜ਼ਾਂ ਦੇ ਨਾਂ ਦਾ ਐਲਾਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੌਰਾਨ ਰਾਖੀ ਸਾਵੰਤ ਨੇ ਸ਼ੋਅ ਨਾਲ ਜੁੜੀ ਅਜਿਹੀ ਜਾਣਕਾਰੀ ਸਾਂਝੀ ਕੀਤੀ ਹੈ, ਜਿਸ ਨੂੰ ਜਾਣ ਕੇ ਕਈ ਪ੍ਰਸ਼ੰਸਕ ਖੁਸ਼ ਹੋਣਗੇ ਪਰ ਕਈ ਨਿਰਾਸ਼ ਹੋਣਗੇ।
ਡਰਾਮਾ ਕਵੀਨ ਨੇ ਖੁਲਾਸਾ ਕੀਤਾ ਹੈ ਕਿ ਕੰਗਣਾ ਰਣੌਤ ਦੇ ਆਉਣ ਵਾਲੇ ਸ਼ੋਅ ‘ਲਾਕ ਅੱਪ’ ਦੇ ਲਈ ਆਫਰ ਦਿੱਤਾ ਹੈ। ਇਸ ਸ਼ੋਅ ‘ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਵਲੋਂ ਹਿੱਸਾ ਲੈਣ ਦੀ ਅਮੀਦ ਹੈ। ਹਾਲਾਂਕਿ ਰਾਖੀ ਸਾਵੰਤ ਨੂੰ ਇਸ ਗੱਲ ਦੀ ਜਾਣਕਾਰੀ ਨਹੀਂ ਹੈ ਰਿਤੇਸ਼ ਕੰਗਣਾ ਦੇ ਇਸ ਸ਼ੋਅ ਦਾ ਹਿੱਸਾ ਬਣਨਗੇ ਜਾਂ ਨਹੀਂ। ਰਾਖੀ ਨੇ ਹਾਲ ‘ਚ ਹੀ ਅੰਗਰੇਜ਼ੀ ਵੈੱਬਸਾਈਟ ਨਾਲ ਗੱਲ ਬਾਤ ਕੀਤੀ ਹੈ। ਇਸ ਦੌਰਾਨ ਉਸ ਨੇ ਪਤੀ ਰਿਤੇਸ਼ ਤੇ ਇਲਾਵਾ ਕੰਗਣਾ ਰਣੌਤ ਦੇ ਆ ਰਹੇ ਸ਼ੋਅ ਲਾਕ-ਅਪ ਬਾਰੇ ਵੀ ਢੇਰ ਸਾਰੀਆਂ ਗੱਲਾਂ ਕੀਤੀਆਂ ਹਨ।
ਰਾਖੀ ਸਾਵੰਤ ਤੋਂ ਪੁੱਛਿਆ ਗਿਆ ਕਿ ਕੀ ਉਨ੍ਹਾਂ ਨੂੰ ‘ਲਾਕ ਅੱਪ’ ਦਾ ਆਫ਼ਰ ਮਿਲਿਆ ਹੈ ਜਾਂ ਨਹੀਂ? ਇਸ ‘ਤੇ ਅਦਾਕਾਰਾ ਨੇ ਕਿਹਾ, ‘ਆ ਹੀ ਰਿਹਾ ਹੈ ਮੈਨੂੰ ਤਾਂ ਆਫ਼ਰ। ਮੈਨੂੰ ਨਹੀਂ ਪਤਾ ਕਿਉਂ ਪਰ ਮੇਰੇ ਐਕਸ ਪਤੀ ਰਿਤੇਸ਼ ਨੂੰ ਇਹ ਪੇਸ਼ਕਸ਼ ਮਿਲੀ ਹੈ। ਹਾਲਾਂਕਿ ਮੈਨੂੰ ਨਹੀਂ ਪਤਾ ਕਿ ਉਹ ਇਸ ਸ਼ੋਅ ਦਾ ਹਿੱਸਾ ਬਣਨ ਜਾ ਰਿਹਾ ਹੈ ਜਾਂ ਨਹੀਂ। ਰਾਖੀ ਸਾਵੰਤ ਨੇ ਅੱਗੇ ਕਿਹਾ, ‘ਮੈਂ ਏਕਤਾ ਜੀ ਲਈ ਜਾ ਸਕਦੀ ਹਾਂ, ਪਰ ਦੀਦੀ (ਕੰਗਨਾ ਰਣੌਤ) ਲਈ ਨਹੀਂ।’ ਧਿਆਨ ਯੋਗ ਹੈ ਕਿ ਪਿਛਲੇ ਦਿਨੀਂ ਏਕਤਾ ਕੂਪਰ ਅਤੇ ਕੰਗਨਾ ਰਣੌਤ ਨੇ ‘ਲਾਕ ਅੱਪ’ ਲਈ ਪ੍ਰੈੱਸ ਕਾਨਫਰੰਸ ਕੀਤੀ ਸੀ। ਇਸ ਦੌਰਾਨ ਕੰਗਨਾ ਨੇ ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ ਬਾਰੇ ਵੀ ਵੱਡੀ ਗੱਲ ਕਹੀ। ਉਸ ਨੇ ਕਿਹਾ ਸੀ, ‘ਇਹ ਤੇਰੇ ਵੱਡੇ ਭਰਾ ਦਾ ਘਰ ਨਹੀਂ, ਇਹ ਮੇਰੀ ਜੇਲ੍ਹ ਹੈ। ਮੇਰੇ ਕੋਲ ਹਰ ਪ੍ਰਤੀਯੋਗੀ ਦੀ ਫਾਈਲ ਅਤੇ ਸੱਚਾਈ ਹੋਵੇਗੀ।
