ਬਾਲੀਵੁੱਡ ਅਭਿਨੇਤਾ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੂੰ ਸ਼ੁੱਕਰਵਾਰ (13 ਜਨਵਰੀ) ਦੀ ਸਵੇਰ ਨੂੰ ਬੇਟੀ ਰਾਹਾ ਨਾਲ ਦੇਖਿਆ ਗਿਆ। ਉਨ੍ਹਾਂ ਨਾਲ ਆਲੀਆ ਦੀ ਭੈਣ ਸ਼ਾਹੀਨ ਭੱਟ ਵੀ ਨਜ਼ਰ ਆਈ। ਇਸ ਦੌਰਾਨ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਆਲੀਆ ਅਤੇ ਰਣਬੀਰ ਦੋਵਾਂ ਨੇ ਮੀਡੀਆ ਨੂੰ ਬੇਨਤੀ ਕੀਤੀ ਹੈ ਅਤੇ ਕਿਹਾ ਹੈ ਕਿ ਕੋਈ ਵੀ ਉਨ੍ਹਾਂ ਦੀ ਬੱਚੀ ਦੀ ਫੋਟੋ ਵਾਇਰਲ ਨਾ ਕਰੇ। ਹੁਣ ਆਲੀਆ, ਰਣਬੀਰ ਅਤੇ ਰਾਹਾ ਦੀ ਮਾਸੀ ਸ਼ਾਹੀਨ ਭੱਟ ਆਊਟਿੰਗ ਲਈ ਰਵਾਨਾ ਹੋ ਗਏ ਹਨ। ਕੁੱਲ ਮਿਲਾ ਕੇ ਰਾਹਾ ਦੀ ਪਹਿਲੀ ਤਸਵੀਰ ਸਾਹਮਣੇ ਆ ਚੁੱਕੀ ਹੈ ਪਰ ਅਜੇ ਵੀ ਬੱਚੀ ਦਾ ਚਿਹਰਾ ਨਹੀਂ ਆਇਆ ਹੈ। ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਆਪਣੀ ਬੱਚੀ ਰਾਹਾ ਨਾਲ ਬਾਹਰ ਘੁੰਮਣ ਗਏ ਸਨ।
ਉਨ੍ਹਾਂ ਨਾਲ ਸ਼ਾਹੀਨ ਭੱਟ ਵੀ ਨਜ਼ਰ ਆਈ। ਤਿੰਨੋ ਆਪਣੀ ਸਵੇਰ ਨੂੰ ਸੁੰਦਰ ਬਨਾਉਣ ਲਈ ਬੇਬੀ ਰਾਹਾ ਦੇ ਨਾਲ ਸਵੇਰ ਦੀ ਸੈਰ ਉੱਤੇ ਨਿਕਲੇ ਸਨ। ਬਾਅਦ ‘ਚ ਸਾਹਮਣੇ ਆਈਆਂ ਤਸਵੀਰਾਂ ‘ਚ ਆਲੀਆ ਨੇ ਰਾਹਾ ਨੂੰ ਆਪਣੇ ਸਿਨੇ ਨਾਲ ਲਗਾ ਰੱਖਿਆ ਸੀ। ਇੱਕ ਤਸਵੀਰ ਵਿੱਚ ਰਾਹਾ ਨੂੰ ਆਪਣੀ ਮੰਮੀ ਆਲੀਆ ਦੀ ਗੋਦੀ ਵਿੱਚ ਦੇਖਿਆ ਜਾ ਸਕਦਾ ਹੈ। ਇਹ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੇ ਕਈ ਸਾਲਾਂ ਤੱਕ ਇੱਕ ਦੂਜੇ ਨੂੰ ਡੇਟ ਕੀਤਾ, ਜਿਸ ਤੋਂ ਬਾਅਦ ਦੋਵਾਂ ਨੇ ਪਿਛਲੇ ਸਾਲ ਅਪ੍ਰੈਲ 2022 ਵਿੱਚ ਵਿਆਹ ਕਰ ਲਿਆ। ਇਸ ਦੇ ਨਾਲ ਹੀ, ਸਾਲ 6 ਨਵੰਬਰ 2022 ਨੂੰ ਇਹ ਜੋੜਾ ਇੱਕ ਪਿਆਰੀ ਜਿਹੀ ਬੱਚੀ ਦੇ ਮਾਪੇ ਬਣੇ। ਦੋਵਾਂ ਨੇ ਆਪਣੀ ਧੀ ਦੇ ਨਾਮ ਦਾ ਖੁਲਾਸਾ ਕਰ ਦਿੱਤਾ ਸੀ, ਪਰ ਅਜੇ ਤੱਕ ਦੋਵਾਂ ਨੇ ਬੱਚੀ ਦਾ ਚਿਹਰਾ ਨਹੀਂ ਦਿਖਾਇਆ ਹੈ।
