ਰਣਵੀਰ ਸਿੰਘ ਇਨ੍ਹੀਂ ਦਿਨੀਂ ਆਪਣੇ ਟੀਵੀ ਸ਼ੋਅ ‘ਦਿ ਬਿਗ ਪਿਕਚਰ’ ਨਾਲ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕਰ ਰਹੇ ਹਨ। ਇਸ ਸ਼ੋਅ ‘ਚ ਆਮ ਲੋਕਾਂ ਦੇ ਨਾਲ-ਨਾਲ ਮਸ਼ਹੂਰ ਹਸਤੀਆਂ ਵੀ ਸ਼ਿਰਕਤ ਕਰਦੀਆਂ ਹਨ। ਇਸ ਨਵੇਂ ਸਾਲ ਦੇ ਮੌਕੇ ‘ਤੇ ਬਾਲੀਵੁੱਡ ਦੇ ਹੀਰੋ ਨੰ ਮਤਲਬ ਕੀ ਗੋਵਿੰਦਾ ਇਸ ਸ਼ੋਅ ਦਾ ਹਿੱਸਾ ਬਣੇ ਹਨ । ਦਰਸ਼ਕ ਉਹਨਾਂ ਨੂੰ ਸ਼ੋਅ ਦੇ ਮੰਚ ‘ਤੇ ਦੇਖ ਕੇ ਬਹੁਤ ਖੁਸ਼ ਹੋਏ। ਪਰ ਰਣਵੀਰ ਸਿੰਘ ਖੁਦ ਸਭ ਤੋਂ ਜ਼ਿਆਦਾ ਉਤਸ਼ਾਹਿਤ ਨਜ਼ਰ ਆਏ। ਆਪਣੇ ਚਹੇਤੇ ਅਭਿਨੇਤਾ ਨੂੰ ਦੇਖ ਕੇ ਉਹ ਆਪਣੀਆਂ ਭਾਵਨਾਵਾਂ ਨੂੰ ਰੋਕ ਨਹੀਂ ਸਕੇ। ਸ਼ੋਅ ਦੌਰਾਨ ਰਣਵੀਰ ਨੇ ਗੋਵਿੰਦਾ ਨੂੰ ਆਪਣਾ ਭਗਵਾਨ ਦੱਸਿਆ।
https://www.instagram.com/p/CYLds57IalO/?utm_source=ig_embed&utm_campaign=embed_video_watch_again
ਇਸ ਵਿਸ਼ੇਸ਼ ਐਪੀਸੋਡ ਦਾ ਇੱਕ ਪ੍ਰੋਮੋ ਵੀਡੀਓ ਕਲਰਜ਼ ਟੀਵੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਰਣਵੀਰ ਆਪਣੇ ਚਹੇਤੇ ਹੀਰੋ ਦਾ ਸਵਾਗਤ ਕਰਦੇ ਹੋਏ ਭਾਵੁਕ ਹੋ ਜਾਂਦੇ ਹਨ। ਗੋਵਿੰਦਾ ਦੇ ਸਾਹਮਣੇ ਆਉਂਦੇ ਹੀ ਹਮੇਸ਼ਾ ਮੁਸਕਰਾਉਂਦੇ ਰਹਿਣ ਵਾਲੇ ਰਣਵੀਰ ਸਿੰਘ ਦੀਆਂ ਅੱਖਾਂ ‘ਚ ਹੰਝੂ ਆ ਜਾਂਦੇ ਹੈ । ਉਨ੍ਹਾਂ ਨੂੰ ਰੋਂਦੇ ਦੇਖ ਗੋਵਿੰਦਾ ਵੀ ਭਾਵੁਕ ਹੋ ਗਏ।
ਉਸਨੇ ਰਣਵੀਰ ਨੂੰ ਚੁੱਪ ਕਰਾ ਦਿੱਤਾ। ਉਸਨੇ ਆਪਣੇ ਹੱਥਾਂ ਨਾਲ ਰਣਵੀਰ ਦੀਆਂ ਅੱਖਾਂ ਵਿੱਚੋਂ ਹੰਝੂ ਪੂੰਝੇ। ਸ਼ੋਅ ‘ਚ ਗੋਵਿੰਦਾ ਦਾ ਸਵਾਗਤ ਕਰਦੇ ਹੋਏ ਰਣਵੀਰ ਸਿੰਘ ਨੇ ਉਨ੍ਹਾਂ ਨੂੰ ਆਪਣਾ ਭਗਵਾਨ ਕਿਹਾ। ਰਣਵੀਰ ਨੇ ਕਿਹਾ, ‘ਅੱਜ ਨਵੇਂ ਸਾਲ ਦੇ ਖਾਸ ਮੌਕੇ ‘ਤੇ ਮੇਰੇ ਭਗਵਾਨ ਖੁਦ ਸਾਨੂੰ ਮਿਲਣ ਆ ਰਹੇ ਹਨ। ਸਿਰਫ ਅਤੇ ਸਿਰਫ ਹੀਰੋ ਨੰਬਰ ਵਨ ਗੋਵਿੰਦਾ।” ਰਣਵੀਰ ਨੇ ਆਪਣੇ ਇਕ ਇੰਟਰਵਿਊ ‘ਚ ਕਿਹਾ ਸੀ, ‘ਗੋਵਿੰਦਾ ਜੀ ਇਕ ਲੀਜੈਂਡ ਹਨ ਮੈਂ ਉਹਨਾਂ ਦਾ ਬਹੁਤ ਵੱਡਾ ਫੈਨ ਹਾਂ। ਮੈਂ ਉਹਨਾਂ ਦੀਆਂ ਸਾਰੀਆਂ ਫਿਲਮਾਂ ਦੇਖੀਆਂ ਹਨ। ਮੈਂ ਕੁਝ ਫਿਲਮਾਂ 50 ਤੋਂ ਵੱਧ ਵਾਰ ਦੇਖ ਚੁੱਕਾ ਹਾਂ।
