ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ’ ਸੀਜ਼ਨ 14 ਹੁਣ ਆਪਣੇ ਫਾਈਨਲ ਵੱਲ ਵਧ ਰਿਹਾ ਹੈ। ਸ਼ੋਅ ਨੂੰ ਸ਼ੁਰੂ ਹੋਏ ਕਈ ਹਫ਼ਤੇ ਹੋ ਚੁੱਕੇ ਹਨ ਅਤੇ ਹੁਣ ਤੱਕ ਕਈ ਪ੍ਰਤੀਯੋਗੀ ਸ਼ੋਅ ਤੋਂ ਛੁੱਟੀ ਵੀ ਕਰ ਚੁੱਕੇ ਹਨ। ਹਾਲਾਂਕਿ, ਬਹੁਤ ਸਾਰੇ ਮੁਕਾਬਲੇਬਾਜ਼ ਆਪਣਾ ਦਮਦਾਰ ਦਾਅਵਾ ਕਰਦੇ ਹਨ ਅਤੇ ਸ਼ੋਅ ਵਿੱਚ ਡਟੇ ਰਹਿੰਦੇ ਹਨ, ਪਰ ਇਸ ਹਫਤੇ ਉਨ੍ਹਾਂ ਦਾ ਹੌਂਸਲਾ ਵੀ ਜਵਾਬ ਦੇ ਗਿਆ ਹੈ। 10 ਸਤੰਬਰ, 2022 ਦੇ ਐਪੀਸੋਡ ਵਿੱਚ, ਰੋਹਿਤ ਸ਼ੈੱਟੀ ਨੇ ਦੱਸਿਆ ਕਿ ਹੁਣ ਜੋ ਵੀ ਟਾਸਕ ਹੋਣਗੇ, ਫਾਈਨਲ ਗੇੜ ਵਿੱਚ ਪਹੁੰਚਣ ਲਈ ਸਿੱਧੀ ਟਿਕਟ ਹੋਵੇਗੀ। ਰੋਹਿਤ ਦੀ ਇਸ ਜਾਣਕਾਰੀ ਨੇ ਸਾਰੇ ਮੁਕਾਬਲੇਬਾਜ਼ਾਂ ਨੂੰ ਹੈਰਾਨ ਕਰ ਦਿੱਤਾ।
ਰੋਹਿਤ ਸ਼ੈਟੀ ਨੇ ਕਾਰ ਅਤੇ ਟਰੱਕ ਨਾਲ ਸਬੰਧਤ ਪਹਿਲਾ ਟਾਸਕ ਦਿੱਤਾ, ਜਿਸ ਵਿੱਚ ਪ੍ਰਤੀਯੋਗੀਆਂ ਨੂੰ ਟਰੱਕ ਅਤੇ ਕਾਰ ਰਾਹੀਂ ਝੰਡੇ ਇਕੱਠੇ ਕਰਨੇ ਸਨ। ਇਸ ਖ਼ਤਰਨਾਕ ਟਾਸਕ ਲਈ ਨਿਸ਼ਾਂਤ ਭੱਟ ਅਤੇ ਫੈਜ਼ਲ ਸ਼ੇਖ ਵਿਚਾਲੇ ਮੁਕਾਬਲਾ ਸੀ, ਜਿਸ ਨੂੰ ਫੈਜ਼ਲ ਨੇ ਜਿੱਤ ਲਿਆ ਕਿਉਂਕਿ ਉਸ ਨੇ ਇਕ ਮਿੰਟ ‘ਚ ਟਾਸਕ ਪੂਰਾ ਕੀਤਾ, ਜਦਕਿ ਨਿਸ਼ਾਂਤ ਨੇ 2.54 ਮਿੰਟ ‘ਚ ਪੂਰਾ ਕੀਤਾ। ਅਗਲਾ ਟਾਸਕ ਜੋੜਿਆਂ ‘ਚ ਕੀਤਾ ਜਾਣਾ ਸੀ, ਇਸ ਦੇ ਲਈ ਕਨਿਕਾ ਮਾਨ-ਰਾਜੀਵ, ਤੁਸ਼ਾਰ-ਜੰਨਤ, ਮੋਹਿਤ-ਰੁਬੀਨਾ ਦੀ ਜੋੜੀ ਨੂੰ ਟਾਸਕ ਦਿੱਤਾ ਜਾਣਾ ਸੀ ਪਰ ਰੁਬੀਨਾ ਦੀ ਖਰਾਬ ਸਿਹਤ ਕਾਰਨ ਉਹ ਇਹ ਟਾਸਕ ਨਹੀਂ ਕਰ ਪਾ ਰਹੀ ਸੀ।
ਇਸ ਦੀ ਬਜਾਏ ਨਿਸ਼ਾਂਤ ਅਤੇ ਫੈਜ਼ਲ ਨੂੰ ਟਾਸਕ ਕਰਨ ਲਈ ਕਿਹਾ ਗਿਆ, ਪਰ ਦੋਵਾਂ ਨੇ ਸਾਫ਼ ਇਨਕਾਰ ਕਰ ਦਿੱਤਾ। ਨਤੀਜੇ ਵਜੋਂ ਰੁਬੀਨਾ ਟਿਕਟ ਟੂ ਫਿਨਾਲੇ ਦੇ ਇਸ ਟਾਸਕ ਤੋਂ ਬਾਹਰ ਹੋ ਗਈ। ਰੁਬੀਨਾ ਦਿਲਾਇਕ ਨੂੰ ਇਸ ਗੱਲ ਦਾ ਬਹੁਤ ਦੁੱਖ ਹੋਇਆ, ਉਸ ਨੂੰ ਭਰੋਸਾ ਹੈ ਕਿ ਠੀਕ ਹੋਣ ਤੋਂ ਬਾਅਦ ਉਹ ਫਿਨਾਲੇ ਤੱਕ ਪਹੁੰਚਣ ਦਾ ਕੋਈ ਨਾ ਕੋਈ ਰਸਤਾ ਜ਼ਰੂਰ ਲੱਭ ਲਵੇਗੀ।
