ਸਿੱਧੂ ਮੂਸੇਵਾਲਾ ਦੀ ਮੌਤ ਨੂੰ 10 ਮਹੀਨੇ ਹੋ ਚੁੱਕੇ ਹਨ, ਪਰ ਉਸ ਦੇ ਚਾਹੁਣ ਵਾਲੇ ਅੱਜ ਵੀ ਉਸ ਨੂੰ ਯਾਦ ਕਰਦੇ ਹਨ, ਤਾਂ ਉਨ੍ਹਾਂ ਦੀਆਂ ਅੱਖਾਂ ‘ਚ ਹੰਝੂ ਜ਼ਰੂਰ ਆ ਜਾਂਦੇ ਹਨ। ਕਿਸੇ ਲਈ ਵੀ ਸਿੱਧੂ ਦੀ ਥਾਂ ਕਿਸੇ ਨੂੰ ਦੇਣਾ ਨਾ-ਮੁਮਕਿਨ ਹੈ। ਅਜਿਹੇ ‘ਚ ਦੱਸ ਦਈਏ ਕਿ ਸਿੱਧੂ ਮੂਸੇਵਾਲਾ ਦੀ ਬਰਸੀ ਮਾਰਚ ਮਹੀਨੇ ‘ਚ ਹੈ। ਇਸ ਬਾਰੇ ਸਿੱਧੂ ਦੇ ਪਿਤਾ ਬਲਕੌਰ ਸਿੰਘ ਸਿੱਧੂ ਨੇ ਲਾਈਵ ਹੋ ਕੇ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਐਲਾਨ ਕੀਤਾ ਕਿ ਬਰਸੀ ਮੌਕੇ ਸਿੱਧੂ ਦੇ ਲਿੱਖੇ ਆਖਰੀ ਬੋਲ ਉਸ ਦੀ ਆਵਾਜ਼ ‘ਚ ਹੀ ਰਿਲੀਜ਼ ਕੀਤੇ ਜਾਣਗੇ। ਜੀ ਹਾਂ, ਸਿੱਧੂ ਮੂਸੇਵਾਲਾ ਦੀ ਬਰਸੀ ਮੌਕੇ ਫੈਨਸ ਨੂੰ ਆਪਣੇ ਹਰਮਨ ਪਿਆਰ ਗਾਇਕ ਦੀ ਆਵਾਜ਼ ਸੁਣਨ ਨੂੰ ਮਿਲੇਗੀ। ਇਸ ਦੇ ਨਾਲ ਹੀ ਬਲਕੌਰ ਸਿੱਧੂ ਨੇ ਸਿੱਧੂ ਦੇ ਇਨ੍ਹਾਂ ਬੋਲਾਂ ਦਾ ਇੱਕ ਝਲਕ ਵੀ ਦਿਖਾਈ। ਜਿਸ ‘ਤੇ ਲਿਖਿਆ ਸੀ “ਕੋਈ ਖਾਸ ਐਮ ਨਹੀਂ ਜ਼ਿੰਦਗੀ ਦਾ, ਮੈਂ ਟਾਰਗੇਟ ਹਾਂ ਆਵਾਦੀ ਦਾ।
ਅੱਜ ਮਰਦਾ ਭਾਵੇ ਕਲ੍ਹ ਮਰਜਾਂ ਮੈਨੂੰ ਖ਼ੌਫ਼ ਨਹੀਂ ਬਰਬਾਦੀ ਦਾ।” ਇਨ੍ਹਾਂ ਬੋਲਾਂ ਦਾ ਜ਼ਿਕਰ ਕਰਦਿਆਂ ਬਲਕੌਰ ਨੇ ਕਿਹਾ ਕਿ ਉਹ ਜਿਸ ਰਾਹ ‘ਤੇ ਚਲਿਆ ਹੋਇਆ ਸੀ ਬੇਬਾਕੀ ਨਾਲ ਚਲਿਆ ਹੋਇਆ ਸੀ। ਉਸ ਦਾ ਆਪਣਾ ਇੱਕ ਸਟਾਈਲ ਸੀ। ਕਈ ਮਾਰ ਮੈਂ ਪਿਉ ਹੋਣ ਦੇ ਨਾਤੇ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਸੀ। ਪਰ ਜਦੋਂ ਕੋਈ ਕਿਸੇ ਸਮੂਹ ਨੂੰ ਲੀਡ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਅਤੇ ਪਰਿਵਾਰ ਨੂੰ ਕੁਰਬਾਨੀ ਤਾਂ ਦੇਣੀ ਪੈਂਦੀ ਹੈੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਭ ਦਾ ਧੰਨਵਾਦ ਕੀਤਾ ਅਤੇ ਇਹ ਵੀ ਕਿਹਾ ਕਿ ਇਨਸਾਫ ਲਈ ਜੇਕਰ ਮੈਂਨੂੰ ਲੀਡਰ ਤਾਂ ਕਿ ਜੇਕਰ ਭਿਖਾਰੀ ਵੀ ਬਣਨਾ ਪਵੇ ਤਾਂ ਮੈਂ ਜ਼ਰੂਰ ਕਰਾਂਗਾ। ਕਾਬਿਲੇਗ਼ੌਰ ਹੈ ਕਿ ਸਿੱਧੂ ਮੂਸੇਵਾਲਾ ਨੂੰ 29 ਮਈ 2022 ਨੂੰ ਮਾਨਸਾ ਦੇ ਪਿੰਡ ਜਵਾਹਰਕੇ ਵਿਖੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਉਸ ਦੀ ਮੌਤ ਨੂੰ 10 ਮਹੀਨੇ ਪੂਰੇ ਹੋ ਚੁੱਕੇ ਹਨ।
