ਨਵੀਂ ਦਿੱਲੀ— ਸੋਸ਼ਲ ਮੀਡੀਆ ‘ਤੇ ਹਰ ਰੋਜ਼ ਕਈ ਵੀਡੀਓ ਵਾਇਰਲ ਹੁੰਦੇ ਰਹਿੰਦੇ ਹਨ। ਕਈ ਵਾਰ ਲੋਕ ਬਿਨਾਂ ਕਿਸੇ ਮਤਲਬ ਦੇ ਕੁਝ ਬੇਕਾਰ ਦੀਆਂ ਵੀਡੀਓਜ਼ ਇੰਟਰਨੈੱਟ ‘ਤੇ ਵਾਇਰਲ ਕਰ ਦਿੰਦੇ ਹਨ। ਇਸ ਸਭ ਦੇ ਵਿਚਕਾਰ ਅਸਲੀ ਪ੍ਰਤਿਭਾ ਕਿਤੇ ਗੁਆਚ ਗਈ ਜਾਪਦੀ ਹੈ। ਹਾਲ ਹੀ ‘ਚ ਰਾਨੂ ਮੰਡਲ ਕਾਫੀ ਚਰਚਾ ‘ਚ ਰਹੀ ਸੀ। ਹੁਣ ਇਸ ਵਾਰ ਇੱਕ ਟਰੱਕ ਡਰਾਈਵਰ ਦਾ ਗੀਤ ਲੋਕਾਂ ਦੇ ਦਿਲਾਂ ਨੂੰ ਛੂਹ ਰਿਹਾ ਹੈ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ‘ਤੇ ਲੋਕ ਪਿਆਰ ਦੀ ਵਰਖਾ ਕਰ ਰਹੇ ਹਨ, ਜਿਸ ‘ਚ ਇਕ ਚਾਚਾ ਮੁਹੰਮਦ ਰਫੀ ਦਾ ਗੀਤ ਗਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ।
ਇਹ ਵੀਡੀਓ ਹੈ ਤਾਂ ਪੁਰਾਣਾ ਪਰ ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਚਰਚਾ ‘ਚ ਆ ਗਿਆ ਹੈ। ਵਿਵੇਕ ਖੁਦ ਇੱਕ ਗਾਇਕ ਹਨ ਅਤੇ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਜੋ ਕੈਪਸ਼ਨ ਦਿੱਤਾ ਹੈ, ਉਹ ਜ਼ਰੂਰ ਤੁਹਾਡੇ ਦਿਲਾਂ ਨੂੰ ਛੂਹ ਜਾਵੇਗੀ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਹ ਲਿਖਦੇ ਹਨ ਕਿ ਕਮਲੇਸ਼ ਅੰਕਲ ਨੇ ਭਾਵੇਂ ਆਪਣੀ ਸਾਰੀ ਉਮਰ ਟਰੱਕ ਚਲਾਉਂਦੇ ਹੋਏ ਗੁਜ਼ਾਰ ਦਿੱਤੀ ਹੈ ਪਰ ਉਹ ਦਿਲ ਅਤੇ ਰੂਹ ਨਾਲ ਇੱਕ ਹਾਰਡ ਕੋਰ ਸੰਗੀਤਕਾਰ ਨੇ ਤੇ ਉਹ ਮੁਹੰਮਦ ਰਫੀ ਜੀ ਦੇ ਫੈਨ ਨੇ। ਵਿਵੇਕ ਨੇ ਅੱਗੇ ਦੱਸਿਆ ਕਿ ਕਮਲੇਸ਼ ਜੀ ਨੇ ਬਹੁਤ ਕੁਝ ਕਹਿਣ ਤੋਂ ਬਾਅਦ ਇਹ ਗੀਤ ਗਾਇਆ।
ਉਹਨਾਂ ਦੀ ਗਾਇਕੀ ਉਹਨਾਂ ਨੂੰ ਬਹੁਤ ਪਸੰਦ ਆਈ ਅਤੇ ਇਸੇ ਲਈ ਉਹ ਉਹਨਾਂ ਦੀ ਇਹ ਵੀਡੀਓ ਸਾਡੇ ਸਾਰਿਆਂ ਨਾਲ ਸਾਂਝੀ ਕਰ ਰਿਹਾ ਹੈ ਅਤੇ ਇਹ ਵੀ ਲਿਖਿਆ ਕਿ ਜੇਕਰ ਮੌਕਾ ਮਿਲਿਆ ਤਾਂ ਉਹ ਜਲਦੀ ਹੀ ਉਸ ਨਾਲ ਇੱਕ ਗੀਤ ਰਿਕਾਰਡ ਕਰਨਗੇ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਸ ਤਰ੍ਹਾਂ ਡਰਾਈਵਰ ਕਮਲੇਸ਼ ਮੁਹੰਮਦ ਰਫੀ ਦਾ ਮਸ਼ਹੂਰ ਗੀਤ ‘ਮੁਝੇ ਇਸ਼ਕ ਹੈ ਤੁਝੀ ਸੇ’ ਗਾ ਰਿਹਾ ਹੈ। ਇਸ ਉਮਰ ‘ਚ ਲੋਕ ਉਸ ਦੇ ਜਨੂੰਨ ਨੂੰ ਦੇਖ ਕੇ ਹੈਰਾਨ ਹਨ ਅਤੇ ਉਸ ਦੀ ਗਾਇਕੀ ਦੀ ਤਾਰੀਫ ਕਰ ਰਹੇ ਹਨ।
