ਅਦਾਕਾਰਾ ਉਰਵਸ਼ੀ ਰੌਤੇਲਾ ਕਿਸੇ ਜਾਣ-ਪਛਾਣ ’ਤੇ ਨਿਰਭਰ ਨਹੀਂ ਹੈ। ਕਈ ਸੁੰਦਰਤਾ ਮੁਕਾਬਲੇ ਜਿੱਤ ਚੁੱਕੀ ਉਰਵਸ਼ੀ ਦੀ ਇੱਕ ਝਲਕ ਪ੍ਰਸ਼ੰਸ਼ਕਾ ਨੂੰ ਦੀਵਾਨਾ ਬਣਾ ਦਿੰਦੀ ਹੈ। ਉਰਵਸ਼ੀ ਆਪਣੇ ਕੰਮ ਤੋਂ ਜ਼ਿਆਦਾ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ’ਚ ਰਹਿੰਦੀ ਹੈ। ਹਾਲ ਹੀ ’ਚ ਅਦਾਕਾਰਾ ਅਤੇ ਰਿਸ਼ਭ ਪੰਤ ਵਿਚਾਲੇ ਹੋਈ ਤਕਰਾਰ ਨੇ ਸ਼ੋਸ਼ਲ ਮੀਡੀਆ ’ਤੇ ਕਾਫ਼ੀ ਸੁਰਖੀਆਂ ਬਟੋਰੀਆਂ ਹਨ। ਪਰ ਹੁਣ ਇਨ੍ਹਾਂ ਸਾਰੇ ਵਿਵਾਦਾਂ ਤੋਂ ਇਲਾਵਾ ਉਰਵਸ਼ੀ ਆਪਣਾ ਸਮਾਂ ਪਹਾੜਾਂ ’ਚ ਬਿਤਾ ਰਹੀ ਹੈ। 
ਉਰਵਸ਼ੀ ਆਪਣੇ ਭਰਾ ਦੇ ਵਿਆਹ ਲਈ ਉਤਰਾਖੰਡ ਪਹੁੰਚ ਚੁੱਕੀ ਹੈ। ਇਸ ਦੌਰਾਨ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਡਾਂਸ ਕਰਦੀ ਹੋਈ ਨਜ਼ਰ ਆ ਰਹੀ ਸੀ। ਵੀਡੀਓ ’ਚ ਉਰਵਸ਼ੀ ਆਪਣੇ ਭਰਾ ਦੀ ਬਰਾਤ ’ਚ ਜ਼ਬਰਦਸਤ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਹਲਦੀ ਤੋਂ ਲੈ ਕੇ ਵਿਆਹ ਤੱਕ ਆਦਾਕਾਰਾ ਹਰ ਫੰਕਸ਼ਨ ਦਾ ਪੂਰਾ ਆਨੰਦ ਲੈ ਰਹੀ ਹੈ, ਜਿਸ ’ਚ ਅਭਿਨੇਤਰੀ ਦਾ ਲੁੱਕ ਕਾਫ਼ੀ ਆਕਰਸ਼ਕ ਲੱਗ ਰਿਹਾ ਹੈ। 
ਉਰਵਸ਼ੀ ਆਪਣੇ ਭਰਾ ਦੇ ਵਿਆਹ ’ਚ ਰੰਗ ਭਰ ਰਹੀ ਹੈ। ਵਾਇਰਲ ਹੋ ਰਹੀਆਂ ਤਸਵੀਰਾਂ ’ਚ ਆਦਾਕਾਰਾ ਆਪਣੇ ਚਚੇਰੇ ਭਰਾ ਰਿਤੇਸ਼ ਬਿਸ਼ਟ ਨਾਲ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ। ਆਦਾਕਾਰਾ ਦੀਆਂ ਬਹੁਤ ਸਾਰੀਆਂ ਤਸਵੀਰਾਂ ਪ੍ਰਸ਼ੰਸਕਾਂ ਦਾ ਦਿਲ ਚੁਰਾ ਰਹੀਆਂ ਹਨ।