ਜਨਨਾਇਕ ਜਨਤਾ ਪਾਰਟੀ (ਜੇਜੇਪੀ) ਨੇ ਪੁਨਰਗਠਨ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੇ ਲਈ ਪਾਰਟੀ ਨੇ ਸਲਾਹਕਾਰ ਕਮੇਟੀ, ਸਿਆਸੀ ਮਾਮਲਿਆਂ ਦੀ ਕਮੇਟੀ ਅਤੇ ਅਨੁਸ਼ਾਸਨੀ ਕਮੇਟੀ ਦਾ ਗਠਨ ਕੀਤਾ ਹੈ। ਪਾਰਟੀ ਦੇ ਕੌਮੀ ਪ੍ਰਧਾਨ ਡਾ: ਅਜੈ ਸਿੰਘ ਚੌਟਾਲਾ ਦੀ ਅਗਵਾਈ ‘ਚ ਬਣਾਈ ਗਈ 10 ਮੈਂਬਰੀ ਸਲਾਹਕਾਰ ਕਮੇਟੀ ‘ਚ ਡਾ.ਕੇ.ਸੀ.ਬਾਂਗੜ, ਅਨੰਤ ਰਾਮ ਤੰਵਰ, ਫੂਲਵਤੀ, ਸਰਦਾਰ ਜਗਰੂਪ ਸਿੰਘ ਸੱਤਾਖੇੜਾ, ਰਾਮਕੁਮਾਰ ਕਟਵਾਲ, ਸਾਬਕਾ ਵਿਧਾਇਕ ਗੰਗਾ ਰਾਮ, ਮਾਸਟਰ ਰਾਜਕੁਮਾਰ ਸੈਣੀ, ਕੰਵਰ ਸ਼ਾਮਿਲ ਹਨ ।
ਜੇਜੇਪੀ ਦੀ ਨਵੀਂ ਬਣੀ ਸਿਆਸੀ ਮਾਮਲਿਆਂ ਦੀ ਕਮੇਟੀ ਵਿੱਚ ਕੌਮੀ ਪ੍ਰਧਾਨ ਡਾ: ਅਜੈ ਸਿੰਘ ਚੌਟਾਲਾ, ਬ੍ਰਿਜ ਸ਼ਰਮਾ, ਸਾਬਕਾ ਉਪ ਮੁੱਖ ਮੰਤਰੀ ਦੁਸ਼ਯੰਤ ਚੌਟਾਲਾ, ਸਾਬਕਾ ਮੰਤਰੀ ਅਨੂਪ ਧਾਨਕ, ਵਿਧਾਇਕ ਅਮਰਜੀਤ ਢਾਂਡਾ, ਸਾਬਕਾ ਚੇਅਰਮੈਨ ਰਾਜਿੰਦਰ ਲਿਟਾਨੀ, ਰਣਧੀਰ ਸਿੰਘ, ਸ਼ੀਲਾ ਭਯਾਨ, ਮੋਹਸਿਨ ਚੌਧਰੀ, ਧਰਮਪਾਲ ਪ੍ਰਜਾਪਤ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਹਰਬੰਸ ਸਿੰਗਲਾ ਨੂੰ ਖਜ਼ਾਨਚੀ, ਰਣਧੀਰ ਸਿੰਘ ਨੂੰ ਦਫ਼ਤਰ ਸਕੱਤਰ ਅਤੇ ਰਾਧੇਸ਼ਿਆਮ ਸ਼ਰਮਾ ਨੂੰ ਕੌਮੀ ਪ੍ਰਧਾਨ ਜਨਰਲ ਸਕੱਤਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਇਸਤੋਂ ਇਲਾਵਾ ਜੇਜੇਪੀ ਨੇ ਐਡਵੋਕੇਟ ਰਣਬੀਰ ਦਹੀਆ ਦੀ ਪ੍ਰਧਾਨਗੀ ਹੇਠ ਚਾਰ ਮੈਂਬਰੀ ਅਨੁਸ਼ਾਸਨੀ ਕਮੇਟੀ ਵੀ ਬਣਾਈ ਹੈ ਜਿਸ ਵਿੱਚ ਐਡਵੋਕੇਟ ਕਾਲਾ ਸਿੰਘ, ਐਡਵੋਕੇਟ ਵਿਜੇ ਕੁਮਾਰ ਬਾਂਸਲ ਅਤੇ ਐਡਵੋਕੇਟ ਰਿੰਪਲ ਸੋਹੀ ਨੂੰ ਮੈਂਬਰ ਬਣਾਇਆ ਗਿਆ ਹੈ।
