ਯੂਨੀਵਰਸਿਟੀ ਆਫ ਸਾਊਥ ਆਸਟ੍ਰੇਲੀਆ ਦੇ ਅਧਿਐਨ ਅਨੁਸਾਰ, ਜੇਕਰ ਤੁਸੀਂ ਰੋਜ਼ਾਨਾ ਇੱਕ ਮੁੱਠੀ ਬਦਾਮ ਖਾਂਦੇ ਹੋ, ਤਾਂ ਇਹ ਸਿਹਤਮੰਦ ਵਜ਼ਨ ਬਣਾਈ ਰੱਖਣ ਵਿੱਚ ਮਦਦ ਕਰ ਸਕਦਾ ਹੈ। ਖੋਜ ਨੇ ਦੱਸਿਆ ਹੈ ਕਿ ਬਦਾਮ ਮਨੁੱਖ ਦੀ ਭੁੱਖ ਨੂੰ ਕਿਵੇਂ ਬਦਲ ਸਕਦਾ ਹੈ। ਰੋਜ਼ਾਨਾ 30 ਤੋਂ 50 ਗ੍ਰਾਮ ਬਦਾਮ ਖਾਣ ਨਾਲ ਪੇਟ ਭਰ ਜਾਂਦਾ ਹੈ ਅਤੇ ਅਸੀਂ ਜ਼ਿਆਦਾ ਕੈਲੋਰੀ ਨਹੀਂ ਲੈਣਾ ਚਾਹੁੰਦੇ। ਇਸ ਖੋਜ ਦੇ ਨਤੀਜੇ ਯੂਰਪੀਅਨ ਜਰਨਲ ਆਫ ਨਿਊਟ੍ਰੀਸ਼ਨ ਵਿੱਚ ਪ੍ਰਕਾਸ਼ਿਤ ਹੋਏ ਹਨ। ਖੋਜ ਵਿੱਚ ਪਾਇਆ ਗਿਆ ਕਿ ਜਿਹੜੇ ਲੋਕ ਕਾਰਬੋਹਾਈਡਰੇਟ ਨਾਲ ਭਰੇ ਸਨੈਕ ਦੀ ਬਜਾਏ ਬਦਾਮ ਖਾਂਦੇ ਸਨ, ਉਨ੍ਹਾਂ ਨੇ ਆਪਣੇ ਅਗਲੇ ਭੋਜਨ ਵਿੱਚ ਊਰਜਾ ਦੀ ਮਾਤਰਾ 300 ਕਿਲੋਜੂਲ ਤੱਕ ਘਟਾ ਦਿੱਤੀ। ਬਦਾਮ ਇੱਕ ਵਧੀਆ ਸਨੈਕ ਹੈ ਜਿਸ ਨੂੰ ਰੋਜ਼ਾਨਾ ਦੀ ਖੁਰਾਕ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਇਹ ਜਾਣਨਾ ਦਿਲਚਸਪ ਹੈ ਕਿ ਬਦਾਮ ਸਾਡੀ ਭੁੱਖ ਨੂੰ ਕਿਵੇਂ ਪ੍ਰਭਾਵਿਤ ਕਰਦੇ ਹਨ, ਜੋ ਭਾਰ ਘਟਾਉਣ ਵਿਚ ਵੀ ਮਦਦ ਕਰਦਾ ਹੈ। ਤਾਂ ਆਓ ਜਾਣਦੇ ਹਾਂ ਕਿ ਸਰਦੀਆਂ ਦੇ ਮੌਸਮ 'ਚ ਤੁਸੀਂ ਕਿਹੜੇ ਤਰੀਕਿਆਂ ਨਾਲ ਬਦਾਮ ਦਾ ਸੇਵਨ ਕਰ ਸਕਦੇ ਹੋ।
1.. ਕਾਹਵਾ ਕਸ਼ਮੀਰ ਦੀ ਇੱਕ ਪ੍ਰਸਿੱਧ ਚਾਹ ਹੈ, ਜੋ ਖਾਸ ਕਰਕੇ ਸਰਦੀਆਂ ਵਿੱਚ ਪੀਤੀ ਜਾਂਦੀ ਹੈ। ਇਸ ਚਾਹ ਵਿੱਚ ਡ੍ਰਾਈਫਰੂਟ ਅਤੇ ਕੇਸਰ ਮਿਲਾਇਆ ਜਾਂਦਾ ਹੈ, ਜੋ ਪ੍ਰੋਟੀਨ ਅਤੇ ਸਿਹਤਮੰਦ ਚਰਬੀ ਪ੍ਰਦਾਨ ਕਰਦੇ ਹਨ। ਸਰਦੀਆਂ ਵਿੱਚ ਇਸ ਨੂੰ ਪੀਣ ਨਾਲ ਤੁਸੀਂ ਗਰਮ ਮਹਿਸੂਸ ਕਰੋਗੇ।
2.. ਬਦਾਮ ਤੁਹਾਨੂੰ ਲੰਬੇ ਸਮੇਂ ਤੱਕ ਭਰਪੂਰ ਰੱਖਣ ਵਿੱਚ ਮਦਦ ਕਰਦੇ ਹਨ। ਇਸ ਦਾ ਮਤਲਬ ਹੈ ਕਿ ਬਦਾਮ ਖਾਣ ਨਾਲ ਤੁਹਾਡੀ ਭੁੱਖ ਸ਼ਾਂਤ ਰਹਿੰਦੀ ਹੈ ਅਤੇ ਤੁਸੀਂ ਆਪਣੀ ਡਾਈਟ ਪਲਾਨ 'ਤੇ ਬਣੇ ਰਹਿ ਸਕਦੇ ਹੋ। ਬਦਾਮ ਤੁਹਾਨੂੰ ਫਿੱਟ ਅਤੇ ਸਿਹਤਮੰਦ ਰੱਖਣ ਵਿੱਚ ਵੀ ਮਦਦ ਕਰਦਾ ਹੈ। ਖਾਣੇ ਦੇ ਵਿਚਕਾਰ ਬਦਾਮ ਖਾਣ ਨਾਲ ਤੁਸੀਂ ਗੈਰ-ਸਿਹਤਮੰਦ ਭੋਜਨ ਤੋਂ ਦੂਰ ਰਹਿੰਦੇ ਹੋ ਅਤੇ ਤੁਹਾਨੂੰ ਪੌਸ਼ਟਿਕ ਤੱਤ ਦੀ ਸਹੀ ਮਾਤਰਾ ਪ੍ਰਾਪਤ ਕਰਨ ਵਿੱਚ ਵੀ ਮਦਦ ਮਿਲਦੀ ਹੈ।
3.. ਸਰਦੀਆਂ ਵਿੱਚ ਇਸ ਨੂੰ ਬਹੁਤ ਜ਼ਿਆਦਾ ਖਾਧਾ ਜਾਂਦਾ ਹੈ। ਚਾਹੇ ਉਹ ਸੁੱਕੇ ਮੇਵੇ ਹੋਣ ਜਾਂ ਘਰ ਵਿੱਚ ਬਣੇ ਸਿਹਤਮੰਦ ਸਨੈਕਸ। ਤੁਸੀਂ ਸਰਦੀਆਂ ਵਿੱਚ ਸਪੈਸ਼ਲ ਲੱਡੂ ਵੀ ਤਿਆਰ ਕਰ ਸਕਦੇ ਹੋ, ਜੋ ਤੁਹਾਡੀ ਮਿੱਠੇ ਦੀ ਲਾਲਸਾ ਨੂੰ ਪੂਰਾ ਕਰੇਗਾ ਅਤੇ ਤੁਹਾਡੀ ਸਿਹਤ ਨੂੰ ਤੰਦਰੁਸਤ ਰੱਖੇਗਾ।
4.. ਘਰ ਵਿੱਚ ਤੁਸੀਂ ਬਦਾਮ ਨੂੰ ਹਲਕੇ ਘਿਓ ’ਚ ਕੁੱਝ ਸਮੇਂ ਲਈ ਭੁੰਨ ਸਕਦੇ ਹੋ। ਜੇਕਰ ਤੁਸੀਂ ਚਾਹੋ ਤਾਂ ਇਸ ਵਿੱਚ ਹਲਕਾ ਨਮਕ ਜਾਂ ਖੰਡ ਮਿਲਾਓ। ਇਹ ਠੰਡੇ ਮੌਸਮ ਲਈ ਸਭ ਤੋਂ ਵਧੀਆ ਸਨੈਕ ਵਜੋਂ ਕੰਮ ਕਰਦਾ ਹੈ।
5.. ਤੁਸੀਂ ਰੋਜ਼ਾਨਾ ਸਵੇਰੇ ਖਾਲੀ ਪੇਟ ਭਿੱਜੇ ਹਏ ਬਦਾਮ ਵੀ ਖਾ ਸਕਦੇ ਹੋ। ਕੁੱਝ ਬਦਾਮ ਰਾਤ ਭਰ ਪਾਣੀ ਵਿੱਚ ਭਿਓ ਕੇ ਰੱਖੋ ਅਤੇ ਫ਼ਿਰ ਸਵੇਰੇ ਇਨ੍ਹਾਂ ਨੂੰ ਖਾਓ।
