ਸਰਦੀ ਦੇ ਮੌਸਮ ਵਿੱਚ ਠੰਡ ਲੱਗਣਾ ਆਮ ਗੱਲ ਹੈ। ਇਸ ਲਈ ਸਮੇਂ ਦੌਰਾਨ ਅਸੀਂ ਆਪਣੇ ਹੱਥ-ਪੈਰ,ਕੰਨ ਅਤੇ ਗਲੇ ਆਦਿ ਨੂੰ ਵਿਸ਼ੇਸ਼ ਤੌਰ ’ਤੇ ਗਰਮ ਜਾਂ ਊੰਨੀ ਕੱਪੜਿਆਂ ਨਾਲ ਢੱਕ ਕੇ ਰੱਖਦੇ ਹਾਂ ਕਿਉਂਕਿ ਜ਼ਿਆਦਾਤਰ ਇਨ੍ਹਾਂ ਅੰਗਾਂ ਰਾਹੀ ਹੀ ਸਾਨੂੰ ਠੰਡ ਲੱਗ ਜਾਂਦੀ ਹੈ, ਜਿਸ ਦੇ ਕੁੱਝ ਖਾਸ ਲੱਛਣ ਹੁੰਦੇ ਹਨ।
ਜਦੋਂ ਅਸੀਂ ਠੰਡਾ ਮਹਿਸੂਸ ਕਰਦੇ ਹਾਂ ਤਾਂ ਅਸੀਂ ਸਰੀਰ ਦੇ ਕੁੱਝ ਹਿੱਸਿਆਂ ਵਿੱਚ ਦਰਦ ਵੀ ਮਹਿਸੂਸ ਕਰ ਸਕਦੇ ਹਾਂ। ਜਿਸ ਤੋਂ ਇਹ ਸਪੱਸ਼ਟ ਹੋ ਜਾਂਦਾ ਹੈ ਕਿ ਸਾਡੇ ਸਰੀਰ ’ਤੇ ਠੰਡ ਦਾ ਹਮਲਾ ਹੋਇਆ ਹੈ। ਠੰਡ ਲੱਗਣ ’ਤੇ ਸਾਡੇ ਸਰੀਰ ਦੇ ਕੁੱਝ ਹਿੱਸਿਆਂ ਵਿੱਚ ਦਰਦ ਹੋਣ ਦਾ ਕਾਰਨ ਇਹ ਹੈ ਕਿ ਸਾਡੇ ਸਰੀਰ ’ਤੇ ਵੱਖ-ਵੱਖ ਹਿੱਸੇ ਲੜਨ ਦੀ ਸਮੱਰਥਾ ਪੂਰੀ ਤਰ੍ਹਾਂ ਗੁਆ ਚੁੱਕੇ ਹਨ।
ਆਓ ਜਾਣਦੇ ਹਾਂ ਸਰੀਰ ਦੇ ਕਿਹੜੇ-ਕਿਹੜੇ ਹਿੱਸਿਆਂ ਵਿੱਚ ਦਰਦ ਹੋਣਾ ਠੰਡ ਦੀ ਨਿਸ਼ਾਨੀ ਹੈ।
ਛਾਤੀ ਵਿੱਚ ਦਰਦ ਹੋਣਾ-
ਜਦੋਂ ਅਸੀਂ ਠੰਡ ਮਹਿਸੂਸ ਕਰਦੇ ਹਾਂ, ਤਾਂ ਸਾਡੀ ਛਾਤੀ ਵਿੱਚ ਗਲਗਮ ਵੀ ਜਮ੍ਹਾਂ ਹੋ ਜਾਂਦਾ ਹੈ ਜੋ ਖੂਨ ਦੇ ਗੇੜ ਵਿੱਚ ਰੁਕਾਵਟ ਪੈਦਾ ਕਰਨ ਲੱਗਦਾ ਹੈ। ਜਿਸ ਕਾਰਨ ਛਾਤੀ ਵਿੱਚ ਤਣਾਅ ਵੱਧ ਜਾਂਦਾ ਹੈ ਅਤੇ ਛਾਤੀ ਵਿੱਚ ਦਰਦ ਮਹਿਸੂਸ ਹੋਣ ਲੱਗਦਾ ਹੈ। ਇਸ ਦੇ ਲਈ ਗਰਮ ਪਾਣੀ ਅਤੇ ਹੋਰ ਗਰਮ ਚੀਜ਼ਾਂ ਦਾ ਸੇਵਨ ਕਰੋ।
ਸਿਰ ਦਰਦ-
ਜਦੋਂ ਸਰਦੀ ਹੁੰਦੀ ਹੈ ਤਾਂ ਸਿਰ ਦਰਦ ਸਭ ਤੋਂ ਆਮ ਗੱਲ ਹੈ। ਇਸ ਲਈ ਸਰਦੀਆਂ ਦੌਰਾਨ ਬਾਹਰ ਜਾਣ ਸਮੇਂ ਟੋਪੀ ਜਾਂ ਮਫਲਰ ਆਦਿ ਦੀ ਵਰਤੋਂ ਕਰਨੀ ਚਾਹੀਦੀ ਹੈ, ਤਾਂ ਜੋ ਸਾਡਾ ਸਰੀਰ ਠੰਡ ਤੋਂ ਬਚ ਸਕੇ।
ਜੋੜਾਂ ਵਿੱਚ ਦਰਦ ਹੋਣਾ-
ਠੰਡ ਕਾਰਨ ਜੋੜਾਂ ਦਾ ਦਰਦ ਵੀ ਸ਼ੁਰੂ ਹੋ ਜਾਂਦਾ ਹੈ। ਅਸੀਂ ਕਸਰਤ ਅਤੇ ਜੋੜਾਂ ਦੀ ਮਾਲਿਸ਼ ਰਾਹੀਂ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਸਰਦੀਆਂ ਵਿੱਚ ਜੋੜਾਂ ਦਾ ਦਰਦ ਜਾਂ ਇਸ ਦਾ ਵਧਣਾ ਇੱਕ ਆਮ ਸਮੱਸਿਆ ਹੈ, ਕਿਉਂਕਿ ਖਿਚਾਅ ਨਾਲ ਇਨਾਂ ’ਚ ਖੂਨ ਦਾ ਸੰਚਾਰ ਘੱਟ ਹੋ ਜਾਂਦਾ ਹੈ। ਇਸ ਕਾਰਨ ਜੋੜਾਂ ਵਿੱਚ ਦਰਦ ਹੋਣ ਲੱਗਦਾ ਹੈ। ਇਸ ਲਈ ਸਰਦੀਆਂ ਵਿੱਚ ਨਿਯਮਿਤ ਰੂਪ ਨਾਲ ਕਸਰਤ ਕਰੋ।
ਗਲੇ ਵਿੱਚ ਖਰਾਸ਼ ਹੋਣਾ-
ਜਦੋਂ ਸਾਨੂੰ ਠੰਡ ਲੱਗ ਜਾਂਦੀ ਹੈ ਤਾਂ ਗਲੇ ਵਿੱਚ ਬਲਗਮ ਹੋ ਜਾਂਦਾ ਹੈ। ਜਿਸ ਕਾਰਨ ਗਲੇ ਵਿੱਚ ਦਰਦ ਹੋਣ ਲੱਗ ਜਾਂਦਾ ਹੈ। ਇਸ ਲਈ ਸਰਦੀਆਂ ਵਿੱਚ ਗਰਦਨ ਨੂੰ ਮਫਲਰ ਆਦਿ ਨਾਲ ਢੱਕਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਜੇਕਰ ਠੰਡ ਕਾਰਨ ਗਲੇ ’ਚ ਦਰਦ ਹੋਵੇ ਤਾਂ ਦਵਾਈ ਲਓ। ਇਸ ਤੋਂ ਇਲਾਵਾ ਠੰਡੀਆਂ ਚੀਜ਼ਾਂ ਤੋਂ ਵੀ ਪਰਹੇਜ਼ ਕਰੋ।
ਬਚਣ ਦੇ ਉਪਾਅ-
ਸਰਦੀਆਂ ਵਿੱਚ ਸਾਨੂੰ ਵਿਟਾਮਿਨ, ਖਣਿਜ ਅਤੇ ਐਂਟੀ-ਆਕਸੀਡੈਂਟ ਨਾਲ ਭਰਪੂਰ ਫਲਾਂ ਅਤੇ ਸਬਜ਼ੀਆਂ ਦਾ ਸੇਵਨ ਵਧਾਉਣਾ ਚਾਹੀਦਾ ਹੈ। ਜਿਵੇਂ ਆਂਵਲਾ, ਸੰਤਰਾ, ਟਮਾਟਰ, ਗੋਭੀ ਆਦਿ। ਇਸ ਤੋਂ ਇਲਾਵਾ ਹਲਦੀ ਵਾਲੇ ਦੁੱਧ ਦਾ ਨਿਯਮਿਤ ਸੇਵਨ ਕਰਨਾ ਵੀ ਜ਼ੁਕਾਮ ਤੋਂ ਦੂਰ ਰੱਖਣ ਲਈ ਬਹੁਤ ਕਾਰਗਰ ਹੈ। ਇਸ ਦੇ ਨਾਲ ਹੀ ਸਰਦੀਆਂ ਵਿੱਚ ਗਰਮ ਚੀਜ਼ਾਂ ਜਿਵੇਂ ਅਦਰਕ, ਲਸਣ, ਗੁੜ, ਖਜੂਰ ਜਾਂ ਬਾਜਰੇ ਦੀ ਵਰਤੋਂ ਵੀ ਸਰਦੀ ਦੀ ਸਮੱਸਿਆ ਤੋਂ ਬਚਣ ਲਈ ਬਹੁਤ ਫਾਇਦੇਮੰਦ ਸਾਬਿਤ ਹੁੰਦੀ ਹੈ।
