ਸਰਦੀਆਂ ਵਿੱਚ ਫਟੇ ਬੁੱਲ੍ਹ, ਛਿੱਲਣੇ ਅਤੇ ਇੱਥੋਂ ਤੱਕ ਕਿ ਖੂਨ ਵਗਣਾ ਇੱਕ ਆਮ ਸਮੱਸਿਆ ਹੈ। ਕਈ ਲੋਕਾਂ ਨੂੰ ਇਹ ਸਮੱਸਿਆ ਅਕਸਰ ਹੁੰਦੀ ਹੈ। ਫਟੇ ਹੋਏ ਬੁੱਲ੍ਹ ਨਾ ਸਿਰਫ਼ ਭੈੜੇ ਦਿਖਾਈ ਦਿੰਦੇ ਹਨ, ਪਰ ਇਹ ਦਰਦਨਾਕ ਅਤੇ ਬੇਆਰਾਮ ਵੀ ਹੋ ਸਕਦੇ ਹਨ। ਜਦੋਂ ਤੁਹਾਡੇ ਬੁੱਲ੍ਹ ਫਟੇ ਹੁੰਦੇ ਹਨ, ਤਾਂ ਉਹਨਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਔਖਾ ਹੁੰਦਾ ਹੈ। ਕੀ ਤੁਹਾਡੇ ਫਟੇ ਹੋਏ ਬੁੱਲ੍ਹ ਵਿਟਾਮਿਨ ਦੀ ਕਮੀ ਦੀ ਨਿਸ਼ਾਨੀ ਹਨ? ਜੇਕਰ ਤੁਸੀਂ ਇਸ ਸਰਦੀਆਂ ਵਿੱਚ ਆਪਣੇ ਸੁੱਕੇ ਬੁੱਲ੍ਹਾਂ ਨੂੰ ਫੱਟਣ ਤੋਂ ਬਚਣ ਲਈ ਸੰਘਰਸ਼ ਕਰ ਰਹੇ ਹੋ, ਤਾਂ ਇਹ ਸੰਭਵ ਹੈ ਕਿ ਤੁਹਾਡੇ ਸਰੀਰ ਵਿੱਚ ਕੁਝ ਜ਼ਰੂਰੀ ਬੀ-ਕੰਪਲੈਕਸ ਵਿਟਾਮਿਨਾਂ ਦੀ ਕਮੀ ਹੈ। ਪੂਰੇ ਵੇਰਵਿਆਂ ਲਈ ਪੜ੍ਹਦੇ ਰਹੋ।
ਵਿਟਾਮਿਨਾਂ ਦੀ ਕਮੀ ਅਤੇ ਬੁੱਲ੍ਹਾਂ ਦਾ ਫਟਣਾ-
ਤੁਹਾਡੇ ਬੁੱਲ੍ਹਾਂ ਦੀ ਚਮੜੀ ਬਹੁਤ ਸੰਵੇਦਨਸ਼ੀਲ ਹੁੰਦੀ ਹੈ ਅਤੇ ਤੁਹਾਡੇ ਬੁੱਲਾਂ ਨੂੰ ਸਿਹਤਮੰਦ ਰੱਖਣ ਲਈ ਵਿਟਾਮਿਨ ’ਤੇ ਨਿਰਭਰ ਕਰਦਾ ਹੈ। ਜੇਕਰ ਤੁਸੀਂ ਸੁੱਕੇ ਫਟੇ ਹੋਏ ਜਾਂ ਫਟੇ ਹੋਏ ਬੁੱਲ੍ਹਾਂ ਨਾਲ ਜੂਝ ਰਹੇ ਹੋ, ਤਾਂ ਇਹ ਸੰਭਵ ਹੈ ਕਿ ਤੁਹਾਡੀ ਖੁਰਾਕ ਇਸ ਲਈ ਜ਼ਿੰਮੇਵਾਰ ਹੈ। ਬੀ-ਕੰਪਲੈਕਸ ਵਿਟਾਮਿਨ ਤੁਹਾਡੀ ਚਮੜੀ ਦਾ ਸਮਰਥਨ ਕਰਦੇ ਹਨ। ਇੱਥੇ ਉਨ੍ਹਾਂ ਵਿਟਾਮਿਨਾਂ ਬਾਰੇ ਦੱਸਿਆ ਜਾ ਰਿਹਾ ਹੈ, ਜਿਨ੍ਹਾਂ ਦੀ ਕਮੀ ਨਾਲ ਤੁਹਾਡੇ ਬੁੱਲ੍ਹ ਫਟਣ ਲੱਗਦੇ ਹਨ।
1.. ਵਿਟਾਮਿਨ ਬੀ-3
ਵਿਟਾਮਿਨ ਬੀ-3 ਜਾਂ ਨਿਆਸੀਨ ਦੀ ਲੋੜੀਂਦੀ ਮਾਤਰਾ ਨਾ ਹੋਣ ਨਾਲ ਤੁਸੀਂ ਸੁੱਕੇ, ਫਟੇ ਹੋਏ ਬੁੱਲ੍ਹ, ਜਾਂ ਸੁੱਜੀ ਹੋਈ ਜੀਭ ਅਤੇ ਮੂੰਹ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੋ ਸਕਦੇ ਹੋ। ਇਸ ਦੀ ਕਮੀ ਡਰਮੇਟਾਇਟਸ ਦਾ ਕਾਰਨ ਵੀ ਬਣ ਸਕਦੀ ਹੈ। ਤੁਸੀਂ ਹੈਲੀਬਟ, ਟੁਨਾ, ਮੁਰਗੀ, ਸੀਰੀਅਲ ਅਨਾਜ, ਦੁੱਧ ਅਤੇ ਹਰੀਆਂ ਪੱਤੇਦਾਰ ਸਬਜ਼ੀਆਂ ਖਾ ਕੇ ਆਪਣੀ ਖੁਰਾਕ ਵਿੱਚ ਨਿਆਸੀਨ ਪ੍ਰਾਪਤ ਕਰ ਸਕਦੇ ਹੋ।
2.. ਵਿਟਾਮਿਨ ਬੀ-6
ਵਿਟਾਮਿਨ ਬੀ-6 ਦੀ ਕਮੀ ਤੁਹਾਡੇ ਮੂੰਹ ਦੇ ਕੋਨਿਆਂ ਵਿੱਚ ਤਰੇੜਾਂ ਦੇ ਨਾਲ-ਨਾਲ ਡਰਮੇਟਾਇਟਸ ਦਾ ਕਾਰਨ ਬਣ ਸਕਦੀ ਹੈ। ਤੁਸੀਂ ਸਾਬਤ ਅਨਾਜ, ਫਲ਼ੀਦਾਰ, ਮੀਟ ਅਤੇ ਹਰੀਆਂ ਪੱਤੇਦਾਰ ਸਬਜ਼ੀਆਂ ਵਿੱਚ ਵਿਟਾਮਿਨ ਬੀ6 ਪਾ ਸਕਦੇ ਹੋ।
3.. ਵਿਟਾਮਿਨ ਬੀ-2
ਤੁਹਾਡੇ ਸਰੀਰ ਨੂੰ ਤੁਹਾਡੇ ਵਾਲਾਂ, ਨਹੁੰਆਂ, ਚਮੜੀ ਅਤੇ ਬੁੱਲ੍ਹਾਂ ਨੂੰ ਸਿਹਤਮੰਦ ਰੱਖਣ ਲਈ ਵਿਟਾਮਿਨ ਬੀ-2 ਜਾਂ ਰਿਬੋਫਲੇਵਿਨ ਦੀ ਲੋੜ ਹੁੰਦੀ ਹੈ। ਤੁਸੀਂ ਡੇਅਰੀ ਉਚਪਾਦਾਂ, ਡੇ, ਬੀਨਜ਼, ਮੀਟ, ਗਿਰੀਆਂ ਅਤੇ ਪੱਤੇਦਾਰ ਹਰੀਆਂ ਸਬਜ਼ੀਆਂ ਤੋਂ ਵਿਟਾਮਿਨ ਬੀ-2 ਪ੍ਰਾਪਤ ਕਰ ਸਕਦੇ ਹੋ।
4.. ਜ਼ਿੰਕ-
ਤੁਹਾਡੀ ਖੁਰਾਕ ਵਿੱਚ ਕਾਫ਼ੀ ਜ਼ਿੰਕ ਦੇ ਬਿਨਾਂ ਤੁਸੀਂ ਫਟੇ ਹੋਏ ਬੁੱਲ੍ਹ ਅਤੇ ਜੀਭ ਅਤੇ ਖੁਸ਼ਕ ਚਮੜੀ ਦਾ ਅਨੁਭਵ ਕਰ ਸਕਦੇ ਹੋ। ਜ਼ਿੰਕ ਸੂਰ, ਸਾਬਤ ਅਨਾਜ, ਬੀਨਜ ਅਤੇ ਪਨੀਰ ਵਿੱਚ ਪਾਇਆ ਜਾਂਦਾ ਹੈ।
5.. ਹਾਲਾਂਕਿ ਬੁੱਲ੍ਹਾਂ ਦੇ ਫਟੇ ਹੋਣ ਦਾ ਇੱਕੋ-ਇੱਕ ਕਾਰਨ ਵਿਟਾਮਿਨ ਦੀ ਕਮੀ ਨਹੀਂ ਹੈ। ਫਟੇ ਹੋਏ ਬੁੱਲ੍ਹ ਕਈ ਕਾਰਨਾਂ ਕਰਕੇ ਦਿਖਾਈ ਦਿੰਦੇ ਹਨ। ਠੰਡੀ ਹਵਾ ਤੁਹਾਡੇ ਫਟੇ ਹੋਏ ਬੁੱਲ੍ਹਾਂ ਲਈ ਜ਼ਿੰਮੇਵਾਰ ਹੈ। ਜਦੋਂ ਤੁਸੀਂ ਬਾਹਤ ਜਾਂਦੇ ਹੋ ਤਾਂ ਆਪਣੇ ਮੂੰਹ ਨੂੰ ਸਕਾਫ ਨਾਲ ਢੱਕ ਕੇ ਰੱਖੋ।
