ਹਿਮਾਚਲ ਪ੍ਰਦੇਸ਼ ਦੀਆਂ ਸਾਰੀਆਂ ਚਾਰ ਲੋਕ ਸਭਾ ਸੀਟਾਂ ਲਈ 7ਵੇਂ ਅਤੇ ਆਖਰੀ ਪੜਾਅ ਵਿੱਚ 1 ਜੂਨ ਨੂੰ ਸ਼ਾਮ 6 ਵਜੇ ਵੋਟਿੰਗ ਮੁਕੰਮਲ ਹੋ ਗਈ। ਨਤੀਜੇ 4 ਜੂਨ ਨੂੰ ਆਉਣਗੇ। ਹੁਣ ਐਗਜ਼ਿਟ ਪੋਲ ਆਉਣੇ ਸ਼ੁਰੂ ਹੋ ਗਏ ਹਨ। ਇੰਡੀਆ ਨਿਊਜ਼ ਡੀ-ਡਾਇਨਾਮਿਕਸ ਮੁਤਾਬਕ ਭਾਜਪਾ ਨੂੰ ਸਾਰੀਆਂ 4 ਲੋਕ ਸਭਾ ਸੀਟਾਂ ਮਿਲ ਸਕਦੀਆਂ ਹਨ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਹ ਤੀਜੀ ਵਾਰ ਹੋਵੇਗਾ ਜਦੋਂ ਭਾਜਪਾ ਹਿਮਾਚਲ ਵਿੱਚ ਕਲੀਨ ਸਵੀਪ ਕਰੇਗੀ।
ਟਾਈਮਜ਼ ਨਾਓ ਈਟੀਜੀ ਸਰਵੇਖਣ ਅਨੁਸਾਰ ਭਾਜਪਾ 3 ਸੀਟਾਂ ਜਿੱਤ ਸਕਦੀ ਹੈ। ਕਾਂਗਰਸ ਨੂੰ ਇੱਕ ਸੀਟ ਮਿਲਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਨਿਊਜ਼ 24 ਟੂਡੇ ਦੇ ਚਾਣਕਿਆ ਮੁਤਾਬਕ ਭਾਜਪਾ ਨੂੰ 3-4 ਅਤੇ ਕਾਂਗਰਸ ਨੂੰ 0-1 ਸੀਟਾਂ ਮਿਲ ਰਹੀਆਂ ਹਨ।
ਸੂਬੇ ਦੀਆਂ ਸਾਰੀਆਂ ਚਾਰ ਸੀਟਾਂ ‘ਤੇ ਮੁੱਖ ਮੁਕਾਬਲਾ ਭਾਜਪਾ ਅਤੇ ਕਾਂਗਰਸ ਵਿਚਾਲੇ ਹੈ। ਇੱਥੇ ਬੀਜੇਪੀ ਨੇ ਮੰਡੀ ਸੀਟ ਤੋਂ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੂੰ ਮੈਦਾਨ ਵਿੱਚ ਉਤਾਰ ਕੇ ਮੁਕਾਬਲਾ ਦਿਲਚਸਪ ਬਣਾ ਦਿੱਤਾ ਹੈ ਜਦਕਿ ਕਾਂਗਰਸ ਨੇ ਮੰਤਰੀ ਵਿਕਰਮਾਦਿਤਿਆ ਨੂੰ ਮੈਦਾਨ ਵਿੱਚ ਉਤਾਰਿਆ ਹੈ।
ਪਿਛਲੀਆਂ ਦੋ ਚੋਣਾਂ, 2014 ਅਤੇ 2019 ਵਿੱਚ, ਭਾਜਪਾ ਨੇ ਹਿਮਾਚਲ ਦੀਆਂ ਸਾਰੀਆਂ ਚਾਰ ਸੀਟਾਂ ਜਿੱਤੀਆਂ ਹਨ। 2019 ਦੀਆਂ ਚੋਣਾਂ ‘ਚ ਭਾਜਪਾ ਦਾ ਵੋਟ ਸ਼ੇਅਰ ਵਧਿਆ ਸੀ, ਜਦੋਂ ਕਿ ਕਾਂਗਰਸ ਦਾ ਵੋਟ ਹਿੱਸਾ ਘਟਿਆ ਸੀ। ਭਾਜਪਾ ਦਾ ਵੋਟ ਸ਼ੇਅਰ 70% ਸੀ ਜਦਕਿ ਕਾਂਗਰਸ ਦਾ ਵੋਟ ਸ਼ੇਅਰ 27% ਸੀ।
ਇਸ ਚੋਣ ਵਿੱਚ ਹਮੀਰਪੁਰ ਸੀਟ ਤੋਂ ਅਨੁਰਾਗ ਠਾਕੁਰ, ਮੰਡੀ ਤੋਂ ਰਾਮ ਸਵਰੂਪ ਸ਼ਰਮਾ, ਕਾਂਗੜਾ ਤੋਂ ਕਿਸ਼ਨ ਕਪੂਰ ਅਤੇ ਸ਼ਿਮਲਾ ਤੋਂ ਸੁਰੇਸ਼ ਕਸ਼ਯਪ ਜੇਤੂ ਰਹੇ। ਰਾਮਸਵਰੂਪ ਸ਼ਰਮਾ ਦੀ ਮੌਤ ਤੋਂ ਬਾਅਦ 2021 ‘ਚ ਮੰਡੀ ਸੀਟ ‘ਤੇ ਉਪ ਚੋਣ ਹੋਈ ਸੀ। ਜਿਸ ਵਿੱਚ ਕਾਂਗਰਸ ਦੀ ਪ੍ਰਤਿਭਾ ਸਿੰਘ ਜੇਤੂ ਰਹੀ ਸੀ।
----------- Advertisement -----------
ਹਿਮਾਚਲ ਦੀਆਂ 4-ਸੀਟਾਂ ਦਾ ਐਗਜ਼ਿਟ ਪੋਲ, ਜਾਣੋ ਕਿਹੜੀ ਪਾਰਟੀ ਨੂੰ ਮਿਲਣਗੀਆਂ ਕਿੰਨੀਆਂ ਸੀਟਾਂ
Published on
----------- Advertisement -----------
----------- Advertisement -----------












