ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ੁੱਕਰਵਾਰ(24 ਮਈ) ਨੂੰ ਦੋ ਚੋਣ ਪ੍ਰਚਾਰ ਮੀਟਿੰਗਾਂ ਕਰਨ ਹਿਮਾਚਲ ਪਹੁੰਚੇ। ਇਸ ਦੌਰਾਨ ਉਸ ਨੇ ਹਿਮਾਚਲ ਦੇ ਖੂਬਸੂਰਤ ਪਹਾੜਾਂ ‘ਚ ਫੋਟੋਗ੍ਰਾਫੀ ਕੀਤੀ। ਸਿਰਮੌਰ ਜ਼ਿਲ੍ਹੇ ਦੇ ਨਾਹਨ ਵਿੱਚ ਜਨ ਸਭਾ ਨੂੰ ਸੰਬੋਧਨ ਕਰਨ ਤੋਂ ਬਾਅਦ ਪੀਐਮ ਮੋਦੀ ਮੰਡੀ ਲਈ ਰਵਾਨਾ ਹੋਏ।

ਦੱਸ ਦਈਏ ਕਿ ਮੰਡੀ ਦੇ ‘ਕੰਗਣੀਧਰ ਹੈਲੀਪੈਡ’ ‘ਤੇ ਉਤਰਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨੇ ਖੁਦ ਪਹਾੜਾਂ ਦੀ ਫੋਟੋ ਕਲਿੱਕ ਕਰਵਾਈ। ਮੰਡੀ ਪਡਾਲ ਵਿਖੇ ਜਨ ਸਭਾ ਨੂੰ ਸੰਬੋਧਨ ਕਰਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨੇ ਇਹ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਪੋਸਟ ਕੀਤੀ।

ਨਾਲ ਹੀ ਹਿਮਾਚਲ ਦਾ ਮਸ਼ਹੂਰ ਲੋਕ ਗੀਤ ‘ਮਾਈ ਨਾ ਮੇਰੀਏ ਸ਼ਿਮਲੇ ਦੀ ਰਾਹੇ’ ਪੋਸਟ ਕੀਤਾ ਗਿਆ। ਇਸ ਵੀਡੀਓ ‘ਚ ਪ੍ਰਧਾਨ ਮੰਤਰੀ ਖੁਦ ਪਹਾੜਾਂ ‘ਤੇ ਫੋਟੋ ਖਿਚਵਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਵਿੱਚ ਮੰਡੀ ਸ਼ਹਿਰ ਦੇ ਨਾਲ-ਨਾਲ ਬਿਆਸ ਦਰਿਆ ਅਤੇ ਮੰਡੀ ਦੇ ਉੱਚੇ ਪਹਾੜ ਵੀ ਨਜ਼ਰ ਆ ਰਹੇ ਹਨ।

ਜ਼ਿਕਰਯੋਗ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਹਿਮਾਚਲ ਨੂੰ ਆਪਣਾ ਘਰ ਕਹਿੰਦੇ ਹਨ। ਆਪਣੇ ਰੁੱਝੇ ਹੋਏ ਚੋਣ ਪ੍ਰੋਗਰਾਮ ਦੇ ਦੌਰਾਨ, ਉਸਨੇ ਹਿਮਾਚਲ ਦੀਆਂ ਖੂਬਸੂਰਤ ਵਾਦੀਆਂ ਨੂੰ ਆਪਣੇ ਕੈਮਰੇ ਵਿੱਚ ਕੈਦ ਕੀਤਾ।