ਭਾਰਤੀ ਰੇਲਵੇ ਦੁਆਰਾ ਰੋਜ਼ਾਨਾ ਲੱਖਾਂ ਲੋਕ ਯਾਤਰਾ ਕਰਦੇ ਹਨ ਅਤੇ ਇਸਨੂੰ ਸਭ ਤੋਂ ਆਰਾਮਦਾਇਕ ਆਵਾਜਾਈ ਮੰਨਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਰੇਲ ਗੱਡੀਆਂ ਰਾਹੀਂ ਰੋਜ਼ਾਨਾ ਲੱਖਾਂ ਰੁਪਏ ਦਾ ਸਾਮਾਨ ਵੀ ਇੱਕ ਥਾਂ ਤੋਂ ਦੂਜੀ ਥਾਂ ਲਿਜਾਇਆ ਜਾਂਦਾ ਹੈ ਪਰ ਰੇਲ ਗੱਡੀਆਂ ਵਿੱਚੋਂ ਸਾਮਾਨ ਚੋਰੀ ਹੋਣ ਦਾ ਸਭ ਤੋਂ ਵੱਧ ਡਰ ਬਣਿਆ ਰਹਿੰਦਾ ਹੈ। ਪਰ, ਹੁਣ ਭਾਰਤੀ ਰੇਲਵੇ ਅਜਿਹੀ ਪ੍ਰਣਾਲੀ ਸ਼ੁਰੂ ਕਰਨ ਜਾ ਰਿਹਾ ਹੈ, ਜਿਸ ਨਾਲ ਮਾਲ/ਸਾਮਾਨ ਦੀ ਚੋਰੀ ਦਾ ਕੋਈ ਤਣਾਅ ਨਹੀਂ ਰਹੇਗਾ।
ਭਾਰਤੀ ਰੇਲਵੇ ਜਲਦ ਹੀ ਰੇਲਗੱਡੀਆਂ ‘ਚ ਸਾਮਾਨ ਦੀ ਚੋਰੀ ਨੂੰ ਰੋਕਣ ਲਈ OTP ਆਧਾਰਿਤ ਡਿਜੀਟਲ ਲਾਕਿੰਗ ਸਿਸਟਮ ਸ਼ੁਰੂ ਕਰਨ ਜਾ ਰਿਹਾ ਹੈ, ਤਾਂ ਜੋ ਰੇਲ ਗੱਡੀਆਂ ‘ਚੋਂ ਚੋਰੀ ਦੀਆਂ ਘਟਨਾਵਾਂ ਤੋਂ ਬਚਿਆ ਜਾ ਸਕੇ। ਐਪ ਆਧਾਰਿਤ ਡਿਜੀਟਲ ਸਮਾਰਟ ਲਾਕਿੰਗ ਸਿਸਟਮ ਯਾਤਰੀਆਂ ਦੇ ਸਮਾਨ ਅਤੇ ਪਾਰਸਲ ਦੀ ਚੋਰੀ ਨੂੰ ਰੋਕੇਗਾ।
ਡਿਜੀਟਲ ਲਾਕਿੰਗ ਸਿਸਟਮ ਇੱਕ OTP ਆਧਾਰਿਤ ਲਾਕਿੰਗ ਸਿਸਟਮ ਹੋਵੇਗਾ, ਜਿਸ ਨੂੰ ਸਿਰਫ਼ ਫਿਕਸ ਸਟੇਸ਼ਨ ‘ਤੇ ਹੀ ਖੋਲ੍ਹਿਆ ਜਾ ਸਕੇਗਾ। ਇਹ ਸਮਾਰਟ ਲੌਕਿੰਗ ਸਿਸਟਮ ਜੀਓ ਮੈਪਿੰਗ ‘ਤੇ ਆਧਾਰਿਤ ਹੋਵੇਗਾ, ਜਿਸ ਕਾਰਨ ਛੇੜਛਾੜ ‘ਤੇ ਲੋਕੇਸ਼ਨ ਅਤੇ ਜਾਣਕਾਰੀ ਤੁਰੰਤ ਪਤਾ ਲੱਗ ਜਾਵੇਗੀ।