ਬ੍ਰਿਟੇਨ ‘ਚ ਇਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਛੁੱਟੀਆਂ ਦੀ ਤਨਖਾਹ ਨਾ ਮਿਲਣ ਤੋਂ ਨਾਰਾਜ਼ ਇੱਕ ਸ਼ੈੱਫ ਨੇ ਰੈਸਟੋਰੈਂਟ ਦੀ ਰਸੋਈ ਵਿੱਚ 20 ਕਾਕਰੋਚ ਛੱਡ ਦਿੱਤੇ। ਟੋਨੀ ਵਿਲੀਅਮਜ਼ ਨਾਮ ਦੇ ਇੱਕ ਵਿਅਕਤੀ ਨੇ ਆਪਣੇ ਬੌਸ ਤੋਂ ਛੁੱਟੀ ਦੇ ਪੈਸੇ ਮੰਗੇ। ਉਹ ਆਪਣੇ ਬੌਸ ਵੱਲੋਂ ਕੀਤੀ ‘ਛੁੱਟੀ ਪੇ’ ਦੀ ਪੇਸ਼ਕਸ਼ ਤੋਂ ਖੁਸ਼ ਨਹੀਂ ਸੀ। ਇਸ ਲਈ ਉਸਨੇ ਰੈਸਟੋਰੈਂਟ ਵਿੱਚ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ। ਅਸਤੀਫਾ ਦੇਣ ਤੋਂ ਬਾਅਦ ਵੀ ਵਿਲੀਅਮਜ਼ ਦਾ ਗੁੱਸਾ ਘੱਟ ਨਹੀਂ ਹੋਇਆ। ਫਿਰ ਉਸਨੇ ਰੈਸਟੋਰੈਂਟ ਦੀ ਰਸੋਈ ਵਿੱਚ ਕਾਕਰੋਚਾਂ ਛੱਡਣ ਦਾ ਫੈਸਲਾ ਕੀਤਾ।
ਵਿਲੀਅਮਜ਼ ਦਾ ਲਿੰਕਨ ਵਿੱਚ ਰਾਇਲ ਵਿਲੀਅਮ ਪੱਬ ਵਿੱਚ ਛੁੱਟੀਆਂ ਦੇ ਪੈਸੇ ਨੂੰ ਲੈ ਕੇ ਆਪਣੇ ਬੌਸ ਨਾਲ ਬਹਿਸ ਹੋਈ। ਅਸਤੀਫਾ ਦੇਣ ਤੋਂ ਦੋ ਦਿਨ ਬਾਅਦ ਉਸ ਨੇ ਕਾਕਰੋਚਾਂ ਛੱਡਣ ਦਾ ਫੈਸਲਾ ਕੀਤਾ। ਕਾਕਰੋਚ ਦੇ ਜਾਣ ਤੋਂ ਬਾਅਦ ਉਸ ਨੇ ਸੁਨੇਹਾ ਭੇਜਿਆ ‘ਕਾਕਰੋਚ ਬੰਬ ਦ ਕਿਚਨ’ ਭਾਵ ਕਾਕਰੋਚ ਨੇ ਰਸੋਈ ‘ਤੇ ਹਮਲਾ ਕਰ ਦਿੱਤਾ। ਇਹ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ।
ਇਸ ਘਟਨਾ ਬਾਰੇ ਜਦੋਂ ਮਾਲਕ ਨੂੰ ਪਤਾ ਲੱਗਾ ਤਾਂ ਮਾਮਲਾ ਅਦਾਲਤ ਤੱਕ ਪਹੁੰਚ ਗਿਆ। ਦੋਵਾਂ ਧਿਰਾਂ ਨੇ ਲਿੰਕਨ ਕਰਾਊਨ ਕੋਰਟ ਵਿੱਚ ਆਪਣਾ ਕੇਸ ਪੇਸ਼ ਕੀਤਾ। ਦੱਸਿਆ ਗਿਆ ਹੈ ਕਿ ਕਾਕਰੋਚ ਛੱਡੇ ਜਾਣ ਤੋਂ ਬਾਅਦ ਪਬ ਨੂੰ ਸਫਾਈ ਵਿਚ ਲਗਭਗ 22,000 ਪੌਂਡ (22.25 ਲੱਖ ਰੁਪਏ) ਦਾ ਨੁਕਸਾਨ ਹੋਇਆ ਹੈ।