ਪੰਜਾਬ ਪੁਲਸ ਦੇ ਏ. ਐੱਸ. ਆਈ ਬਲਵਿੰਦਰ ਸਿੰਘ ਵੱਲੋ ਬਹਾਦਰੀ ਦੀ ਮਿਸਾਲ ਪੇਸ਼ ਕਰਦਿਆਂ ਇੱਕ ਕੁੱਤੇ ਨੂੰ ਜਾਨ ‘ਤੇ ਖੇਡ ਕੇ ਬਚਾਇਆ ਗਿਆ ਹੈ ਇਹ ਘਟਨਾ ਜਲੰਧਰ ਦੀ ਸਥਾਨਕ ਪੁਰਾਣੀ ਸਬਜ਼ੀ ਮੰਡੀ ਦੀ ਹੈ ਜਿਥੇ ਇਕ ਕੁੱਤੇ ਨੂੰ ਤਿੰਨ ਮੰਜ਼ਿਲਾ ਗੋਦਾਮ ‘ਚ ਹਾਈ ਵੋਲਟਜ ਤਾਰਾਂ ਦੀ ਚਪੇਟ ਚ ਆਉਣ ਤੋਂ ਪੰਜਾਬ ਪੁਲਸ ਦੇ ਏ. ਐੱਸ. ਆਈ. ਨੇ ਬਹੁਤ ਮੁਸ਼ਕਿਲ ਨਾਲ ਬਚਾਇਆ।
ਜ਼ਿਕਰਯੋਗ ਹੈ ਕਿ ਤਿੰਨ ਮੰਜ਼ਿਲਾ ਗੋਦਾਮ ਨੂੰ ਤਾਲਾ ਲਗਾ ਕੇ ਉਸਦਾ ਮਾਲਕ ਚਲਾ ਗਿਆ ਸੀ। ਇਸ ਦੌਰਾਨ ਇਕ ਆਵਾਰਾ ਕੁੱਤਾ ਉਸ ਦੇ ਅੰਦਰ ਪਹਿਲਾਂ ਹੀ ਦਾਖਲ ਹੋ ਗਿਆ ਸੀ ਅਤੇ ਮਾਲਕ ਨੂੰ ਇਸਦਾ ਪਤਾ ਨਹੀਂ ਸੀ। ਉਹ ਕੁੱਤਾ ਤੀਜੀ ਮੰਜ਼ਿਲ ‘ਤੇ ਠੰਡ ਲੱਗਣ ਕਾਰਨ ਅੰਦਰ ਹੀ ਇੱਧਰ ਉੱਧਰ ਘੁੰਮ ਰਿਹਾ ਸੀ ਅਤੇ ਉਸ ਦੇ ਉਪਰੋ ਹਾਈ ਵੋਲਟਜ ਦੀਆਂ ਤਾਰਾਂ ਲੰਘ ਰਹੀਆਂ ਸਨ । ਇਸ ਦੌਰਾਨ ਲੋਕਾਂ ਨੇ ਕੁੱਤੇ ਨੂੰ ਤੀਜੀ ਮੰਜ਼ਿਲ ‘ਤੇ ਘੰਮਦਿਆਂ ਦੇਖ ਥਾਣਾ-2 ਨੰਬਰ ਨੂੰ ਸੂਚਨਾ ਦਿੱਤੀ। ਏ. ਐੱਸ. ਆਈ. ਬਲਵਿੰਦਰ ਸਿੰਘ ਨੇ ਮੌਕੇ ‘ਤੇ ਪਹੁੰਚ ਕੇ ਟਰੱਕ ਮੰਗਵਾਇਆ ਤੇ ਉਸ ਰਾਹੀਂ ਕੁੱਤੇ ਨੂੰ ਰੱਸੀਆਂ ਨਾਲ ਬੰਨ੍ਹ ਕੇ ਹੇਠਾਂ ਸਹੀ ਸਲਾਮਤ ਉਤਾਰਿਆ।
