ਅਯੁੱਧਿਆ ‘ਚ ਰਾਮ ਮੰਦਰ ਦੀ ਉਸਾਰੀ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਵੀਰਵਾਰ ਨੂੰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਅਯੁੱਧਿਆ ‘ਚ ਰਾਮ ਮੰਦਰ ਦੇ ਨਿਰਮਾਣ ਦੀ ਤਰੀਕ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਕਿਹਾ, ”1 ਜਨਵਰੀ 2024 ਤੱਕ ਮੰਦਰ ਬਣ ਕੇ ਤਿਆਰ ਹੋ ਜਾਵੇਗਾ।
ਰਾਮ ਮੰਦਰ ਬਾਰੇ ਜਾਣਕਾਰੀ ਦਿੰਦਿਆਂ ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਜਨਰਲ ਸਕੱਤਰ ਚੰਪਤ ਰਾਏ ਨੇ ਦੱਸਿਆ ਕਿ ਰਾਮ ਮੰਦਰ ਦਾ ਨਿਰਮਾਣ ਤਹਿ ਸਮਾਂ ਸੀਮਾ ਮੁਤਾਬਕ ਚੱਲ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਰਾਮਲਲਾ ਦੀ ਮੂਰਤੀ ਅਸਮਾਨੀ ਅਤੇ ਸਲੇਟੀ ਰੰਗ ਦੇ ਪੱਥਰਾਂ ਦੀ ਹੋਵੇਗੀ, ਜੋ ਦੇਖਣ ‘ਚ ਬੇਹੱਦ ਖੂਬਸੂਰਤ ਹੋਵੇਗੀ। ਇਹ ਮੂਰਤੀ 5 ਸਾਲ ਦੇ ਬਾਲਕ ਦੇ ਰੂਪ ‘ਤੇ ਬਣਾਈ ਜਾਵੇਗੀ। ਜਿਸ ਦੀ ਉਚਾਈ ਸਾਢੇ ਅੱਠ ਫੁੱਟ ਹੋਵੇਗੀ। ਰਾਏ ਨੇ ਦੱਸਿਆ ਕਿ ਰਾਮ ਦੇ ਭਗਤ ਕਰੀਬ 30 ਤੋਂ 35 ਫੁੱਟ ਦੀ ਦੂਰੀ ਤੋਂ ਮੂਰਤੀ ਦੇ ਦਰਸ਼ਨ ਕਰ ਸਕਣਗੇ। ਮੂਰਤੀ ਇੰਨੀ ਵੱਡੀ ਹੋਵੇਗੀ ਕਿ ਸ਼ਰਧਾਲੂ ਆਪਣੀਆਂ ਅੱਖਾਂ ਨਾਲ ਪ੍ਰਭੂ ਦੇ ਚਰਨਾਂ ਅਤੇ ਅੱਖਾਂ ਦੇ ਦਰਸ਼ਨ ਕਰ ਸਕਣਗੇ।