ਵੋਟਰਾਂ ਨੂੰ ਭਰਮਾਉਣ ਲਈ ਹਰ ਪਾਰਟੀ ਪੂਰੀ ਵਾਹ ਲਗਾ ਰਹੀ ਰਹੀ ਬੀਤੇ ਦਿਨੀਂ ਦਿਲੀ ਸੀ ਐਮ ਵੱਲੋਂ ਇਕ ਮੌਕਾ ਕੇਜਰੀਵਾਲ ਨੂੰ’ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ ਅਤੇ ਐਲਾਨ ਕੀਤਾ ਗਿਆ ਕਿ ਜੋ ਵੀ ਸਾਡੇ ਦੁਆਰਾ ਕੀਤੇ ਕੰਮਾਂ ਦੀਆ ਵੱਧ ਤੋਂ ਵੱਧ ਵੀਡੀਓਜ਼ ਬਣਾ ਕੇ ਸ਼ੇਅਰ ਕਰੇਗਾ ਕੇਜਰੀਵਾਲ ਉਹਨਾਂ ਨਾਲ ਡਿਨਰ ਕਰਨਗੇ ਅਤੇ ਅੱਜ ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਵਿੱਚ ਔਰਤਾਂ ਦਾ ਦਿਲ ਜਿੱਤਣ ਲਈ ਭਾਜਪਾ ਨੇ ਨਵੀਂ ਰਣਨੀਤੀ ਦਾ ਐਲਾਨ ਕੀਤਾ । ਉਹ ਸਾੜੀਆਂ ਦੇ ਜ਼ਰੀਏ ਲੋਕਾਂ ਦੇ ਦਿਲਾਂ ‘ਚ ਉਤਰਨਾ ਚਾਹੁੰਦੀ ਹੈ।
ਦਸ ਦਈਏ ਕਿ ਸਾੜੀਆਂ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਯੋਗੀ ਆਦਿਤਿਆਨਾਥ ਦੀਆਂ ਫੋਟੋਆਂ ਛਾਪੀਆਂ ਜਾ ਰਹੀਆਂ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਮੋਦੀ-ਯੋਗੀ ਦੀ ਜੋੜੀ ਸਾੜੀ ‘ਤੇ ਨਜ਼ਰ ਆ ਰਹੀ ਹੈ। ਉਨ੍ਹਾਂ ‘ਤੇ ਭਾਜਪਾ ਦੇ ਨਾਅਰੇ ਵੀ ਛਾਪੇ ਗਏ ਹਨ ਇਨ੍ਹਾਂ ਸਾੜੀਆਂ ‘ਤੇ ਲਿਖਿਆ ਹੋਏਗਾ -ਜੋ ਰਾਮ ਨੂੰ ਲਿਆਏ ਅਸੀਂ ਉਹਨਾਂ ਨੂੰ ਲਿਆਵਾਂਗੇ।
ਹੁਣ ਤੱਕ ਯੂਪੀ ਦੇ 4 ਸ਼ਹਿਰਾਂ ਲਖਨਊ, ਕਾਨਪੁਰ, ਗੋਰਖਪੁਰ ਅਤੇ ਵਾਰਾਣਸੀ ਤੋਂ ਲਗਭਗ 50 ਹਜ਼ਾਰ ਅਜਿਹੀਆਂ ਸਾੜੀਆਂ ਲਈ ਆਰਡਰ ਬੁੱਕ ਕੀਤੇ ਜਾ ਚੁੱਕੇ ਹਨ। ਸੂਰਤ ਵਿੱਚ ਕਾਰੋਬਾਰ ਕਰ ਰਹੇ ਗੋਰਖਪੁਰ ਅਤੇ ਕਾਨਪੁਰ ਦੇ ਦੋ ਵਪਾਰੀ ਯੂਪੀ ਦੇ 40 ਜ਼ਿਲ੍ਹਿਆਂ ਵਿੱਚ ਕਾਰੋਬਾਰ ਕਰ ਰਹੇ ਆਪਣੇ ਵਪਾਰੀਆਂ ਰਾਹੀਂ ਬਿਨਾਂ ਕਿਸੇ ਆਰਡਰ ਦੇ ਇੱਕ ਲੱਖ ਸਾੜੀਆਂ ਭੇਜ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇੱਕ-ਦੋ ਦਿਨਾਂ ਵਿੱਚ ਦੋ ਲੱਖ ਸਾੜੀਆਂ ਦੇ ਆਰਡਰ ਆਉਣ ਵਾਲੇ ਹਨ।
ਸਾੜੀਆਂ ਉਤੇ ਕਾਸ਼ੀ ਵਿਸ਼ਵਨਾਥ ਕੋਰੀਡੋਰ, ਅਯੁੱਧਿਆ ਰਾਮ ਮੰਦਰ, ਯੋਗੀ-ਮੋਦੀ ਦੀ ਫੋਟੋ, ਭਾਜਪਾ ਅਤੇ ਹਿੰਦੂਤਵ ਦੇ ਨਾਅਰੇ ਲਿਖੇ ਹੋਏ ਹਨ। ਇਨ੍ਹਾਂ ਸਾੜੀਆਂ ਨੂੰ ਯੂਪੀ ਵਿੱਚ ਵੰਡਣ ਦੀ ਯੋਜਨਾ ਹੈ। ਸਾੜੀਆਂ ਦੇ ਜ਼ਿਆਦਾਤਰ ਡਿਜ਼ਾਈਨ 3ਡੀ ਪ੍ਰਿੰਟਿਡ ਹਨ। ਵਰਤਮਾਨ ਵਿੱਚ ਸੂਰਤ ਵਿੱਚ 20 ਤੋਂ 24 ਨਿਰਮਾਤਾ ਇਨ੍ਹਾਂ ਆਰਡਰਾਂ ਨੂੰ ਪੂਰਾ ਕਰਨ ਵਿੱਚ ਰੁੱਝੇ ਹੋਏ ਹਨ। ਇਨ੍ਹਾਂ ਚੋਣ ਸਾੜੀਆਂ ਨੂੰ ਬਣਾਉਣ ਦੀ ਕੀਮਤ 200 ਰੁਪਏ ਤੋਂ ਲੈ ਕੇ 500 ਰੁਪਏ ਤੱਕ ਹੈ। ਜੇਕਰ ਬਾਜ਼ਾਰ ਦੇ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ ਇਨ੍ਹਾਂ ਦੀ ਕੀਮਤ 1000 ਰੁਪਏ ਤੋਂ ਲੈ ਕੇ 2500 ਰੁਪਏ ਤੱਕ ਹੈ।