ਚੰਡੀਗੜ੍ਹ ਪੁਲੀਸ ਸ਼ਹਿਰ ਵਿੱਚ ਨਸ਼ਾ ਤਸਕਰਾਂ ਅਤੇ ਸਪਲਾਇਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨ ਵਿੱਚ ਲੱਗੀ ਹੋਈ ਹੈ। ਆਪ੍ਰੇਸ਼ਨ ਸੈੱਲ ਦੀ ਟੀਮ ਨੇ ਨਸ਼ੇ ਦੇ ਮਾਮਲੇ ‘ਚ 2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਵਿੱਚ ਨਵੀਂ ਦਿੱਲੀ ਦੇ ਹਾਊਸਿੰਗ ਕੰਪਲੈਕਸ, ਕਕਰੋਲਾ ਦਾ ਨਵੀਨ (26) ਅਤੇ ਸੈਕਟਰ 51 ਪੁਲੀਸ ਕਲੋਨੀ ਦਾ ਦਿਸ਼ਾਂਤ ਗਰਗ ਸ਼ਾਮਲ ਹਨ। ਨਵੀਨ ਮੂਲ ਰੂਪ ਤੋਂ ਹਰਿਆਣਾ ਦੇ ਝੱਜਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ। ਜਦਕਿ ਦਿਸ਼ਾ ਕਜੇਹਾੜੀ ਪਿੰਡ ਸੈਕਟਰ 52 ਦਾ ਰਹਿਣ ਵਾਲਾ ਹੈ।
ਆਪ੍ਰੇਸ਼ਨ ਸੈੱਲ ਨੇ ਸਭ ਤੋਂ ਪਹਿਲਾਂ ਨਵੀਨ ਨੂੰ ਸੈਕਟਰ 17 ਦੇ ਬੱਸ ਸਟੈਂਡ ਦੇ ਪਿਛਲੇ ਪਾਸੇ ਟਿਊਬਵੈੱਲ ਨੇੜੇ ਸਲਿੱਪ ਰੋਡ ਤੋਂ ਗ੍ਰਿਫ਼ਤਾਰ ਕਰਕੇ ਉਸ ਕੋਲੋਂ 267 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ। ਜਿਸਦੇ ਖਿਲਾਫ ਸੈਕਟਰ 17 ਦੇ ਥਾਣੇ ਵਿੱਚ ਐਨਡੀਪੀਐਸ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਨਵੀਨ ਸ਼ਾਦੀਸ਼ੁਦਾ ਹੈ ਅਤੇ ਡਰਾਈਵਰ ਵਜੋਂ ਕੰਮ ਕਰਦਾ ਹੈ।
ਮਾਮਲੇ ਦੀ ਜਾਂਚ ਨੂੰ ਅੱਗੇ ਵਧਾਉਂਦੇ ਹੋਏ ਆਪਰੇਸ਼ਨ ਸੈੱਲ ਨੇ ਦਿਸ਼ਾਂਤ ਗਰਗ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਉਸ ਨੂੰ ਸੈਕਟਰ 52 ਦੇ ਪੈਟਰੋਲ ਪੰਪ ਦੇ ਪਿੱਛੇ ਜਨਤਕ ਪਖਾਨੇ ਨੇੜਿਓਂ ਗ੍ਰਿਫ਼ਤਾਰ ਕੀਤਾ ਗਿਆ। ਉਸ ਕੋਲੋਂ 21 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਨੇ ਦੱਸਿਆ ਕਿ ਦਿਸ਼ਾਂਤ ਸੈਕਟਰ 52 ਕਜੇਹੜੀ ਵਿੱਚ ਕੇਡੀ ਹੋਟਲ ਚਲਾਉਂਦਾ ਹੈ। ਉਹ ਆਪਣੇ ਹੋਟਲ ‘ਚ ਗਾਹਕਾਂ ਨੂੰ ਨਸ਼ੇ ਦੀ ਸਪਲਾਈ ਕਰਦਾ ਸੀ। ਉਹ ਅਣਵਿਆਹਿਆ ਹੈ ਅਤੇ ਹੋਟਲ ਦਾ ਕਾਰੋਬਾਰ ਹੀ ਕਰਦਾ ਸੀ।