ਰਾਮ ਮੰਦਰ ਦੇ ਨਿਰਮਾਣ ਲਈ ਫੰਡ ਸਮਰਪਣ ਮੁਹਿੰਮ ਵਿੱਚ 22 ਕਰੋੜ ਰੁਪਏ ਦੇ 15000 ਚੈੱਕ ਬਾਊਂਸ ਹੋ ਗਏ। ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਖਜ਼ਾਨਚੀ ਗੋਵਿੰਦ ਦੇਵ ਗਿਰੀ ਮਹਾਰਾਜ ਨੇ ਇਸ ਬਾਰੇ ਕਿਹਾ ਕਿ ਚੈੱਕ ਦੇਣ ਵਾਲਿਆਂ ਦੀਆਂ ਭਾਵਨਾਵਾਂ ਗਲਤ ਨਹੀਂ ਹਨ। ਉਨ੍ਹਾਂ ਨੇ ਕਿਤੇ ਨਾ ਕਿਤੇ ਗਲਤੀ ਕੀਤੀ ਹੈ। ਉਹ ਅਯੁੱਧਿਆ ਦੇ ਸਰਕਟ ਹਾਊਸ ਵਿੱਚ ਰਾਮ ਮੰਦਰ ਨਿਰਮਾਣ ਕਮੇਟੀ ਦੀ ਦੋ ਰੋਜ਼ਾ ਮੀਟਿੰਗ ਦੀ ਸਮਾਪਤੀ ਮੌਕੇ ਬੋਲ ਰਹੇ ਸਨ।
ਮਹੰਤ ਗੋਵਿੰਦ ਦੇਵ ਗਿਰੀ ਨੇ ਕਿਹਾ, “ਚੈਕ ਭਰਨ ਵਿੱਚ ਕਈ ਗਲਤੀਆਂ ਹੋਈਆਂ ਹਨ। ਇਨ੍ਹਾਂ ਵਿੱਚ ਮਿਤੀ ਅਤੇ ਰਕਮ ਲਿਖਣ ਵਿੱਚ ਗਲਤੀਆਂ ਤੋਂ ਇਲਾਵਾ ਕੁਝ ਚੈੱਕ ਦਸਤਖਤ ਨਾ ਹੋਣ ਕਾਰਨ ਬਾਊਂਸ ਹੋ ਗਏ ਹਨ। ਇਹ ਇੱਕ ਮਾਮੂਲੀ ਗਲਤੀ ਹੈ। ਕਈ ਵਾਰ ਸ਼ਰਧਾਲੂ ਚੈੱਕ ਭੇਜ ਦਿੰਦੇ ਹਨ, ਪਰ ਗਲਤੀਆਂ ਵੱਲ ਧਿਆਨ ਨਹੀਂ ਦਿੰਦੇ।
ਅਯੁੱਧਿਆ ਵਿੱਚ ਇੱਕ ਵਿਸ਼ਾਲ ਰਾਮ ਮੰਦਰ ਦੀ ਉਸਾਰੀ ਲਈ ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਨੂੰ ਹੁਣ ਤੱਕ 3500 ਕਰੋੜ ਰੁਪਏ ਦਾਨ ਵਿੱਚ ਮਿਲ ਚੁੱਕੇ ਹਨ। ਸ੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਦਫ਼ਤਰ ਪ੍ਰਬੰਧਕ ਪ੍ਰਕਾਸ਼ ਗੁਪਤਾ ਨੇ ਦੱਸਿਆ ਕਿ ਬਾਊਂਸ ਹੋਏ ਚੈੱਕ ਦੀ ਵੱਖਰੀ ਰਿਪੋਰਟ ਤਿਆਰ ਕੀਤੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਯੁੱਧਿਆ ‘ਚ ਰਹਿ ਰਹੇ ਦਾਨੀਆਂ ਦੇ ਸਭ ਤੋਂ ਵੱਧ 2 ਹਜ਼ਾਰ ਚੈੱਕ ਬਾਊਂਸ ਹੋ ਗਏ ਹਨ।