ਰੂਪਨਗਰ : – ਅੱਜ ਭਾਰਤੀ ਕਿਸਾਨ ਯੂਨੀਅਨ ਪੰਜਾਬ ਰਜਿਸਟਰ ਖੋਸਾ ਜ਼ਿਲ੍ਹਾ ਰੋਪੜ ਦੀ ਟੀਮ ਜ਼ਿਲ੍ਹਾ ਮੀਤ ਪ੍ਰਧਾਨ ਕੁਲਵਿੰਦਰ ਸਿੰਘ ਭਾਗੋਮਾਜਰਾ ਜੀ ਦੀ ਅਗਵਾਈ ਹੇਠ ਐਸ ਐਸ ਪੀ ਰੂਪਨਗਰ ਨੂੰ ਪਿੰਡਾਂ ਵਿੱਚ ਵਿਕਦੇ ਨਸ਼ਿਆਂ ਸਬੰਧੀ ਗੱਲਬਾਤ ਕਰਨ ਲਈ ਪਹੂੰਚੇ, ਇਸ ਟੀਮ ਵਿੱਚ ਪੰਜਾਬ ਮੁੱਖ ਬੁਲਾਰਾ ਗੁਰਨਾਮ ਸਿੰਘ ਜੱਸੜਾ, ਜ਼ਿਲ੍ਹਾ ਪੈਸੇ ਸਕੱਤਰ ਭੁਪਿੰਦਰ ਸਿੰਘ ਡੇਕਵਾਲਾ ਅਤੇ ਐਡਵੋਕੇਟ ਰਵਿੰਦਰ ਸਿੰਘ ਬਾਸੀ ਵਿਸ਼ੇਸ਼ ਤੌਰ ਤੇ ਪਹੁੰਚੇ, ਜ਼ਿਲ੍ਹਾ ਮੀਤ ਪ੍ਰਧਾਨ ਕੁਲਵਿੰਦਰ ਸਿੰਘ ਭਾਗੋਮਾਜਰਾ ਨੇ ਗਲਬਾਤ ਕਰਦਿਆਂ ਦੱਸਿਆ ਕਿ ਜਿਵੇ ਕੀ ਨਵੀ ਸਰਕਾਰ ਦੀ ਅਗਵਾਈ ਹੇਠ ਨਸ਼ਾ ਤਸਕਰਾ ਤੇ ਲਗਾਮ ਲਗਾਉਣ ਦਾ ਕੰਮ ਜੋਰਾ ਤੇ ਚੱਲ ਰਿਹਾ ਹੈ ਪਰ ਜੱਦ ਗੱਲ ਰੋਪੜ ਜ਼ਿਲੇ ਦੀ ਆਂਉਦੀ ਹੈ ਤਾਂ ਇਸ ਜ਼ਿਲੇ ਵਿੱਚ ਹਲੇ ਤੱਕ ਨਸ਼ੇ ਦੀ ਤਸਕਰੀ ਖੁੱਲੇਆਮ ਹੋ ਰਹੀ ਹੈ, ਨਸ਼ਾ ਆਮਤੌਰ ਤੇ ਹੀ ਸੜਕਾਂ ਗਲੀਆਂ ਵਿੱਚ ਵਿੱਕਦਾ ਪਾਇਆਂ ਜਾਦਾਂ ਹੈ। ਟੀਮ ਵੱਲੋਂ ਗੁਪਤ ਰੂਪ ਵਿੱਚ ਇਹੋ ਜਿਹੇ ਪਿੰਡਾਂ ਦੀ ਜਾਣਕਾਰੀ ਐਸ ਐਸ ਪੀ ਸਾਬ ਨੂੰ ਦਿੱਤੀ ਗਈ, ਅੈਸ ਅੈਸ ਪੀ ਸਾਬ ਨੇ ਵੀ ਮੌਕੇ ਤੇ ਸਬੰਧਤ ਥਾਣਾ ਮੁਖੀਆਂ ਨੂੰ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ, ਸਪੈਸ਼ਲ ਅਧਿਕਾਰੀ ਦੀ ਡਿਊਟੀ ਲਗਾਉਣ ਦੀ ਵੀ ਗੱਲ ਆਖੀ,ਅਗੋ ਪੁਲਿਸ ਪ੍ਰਸ਼ਾਸਨ ਵਲੋਂ ਵੀ ਜਲਦੀ ਜਾਂਚ ਕਰਕੇ ਨਸ਼ਾ ਤਸਕਰਾਂ ਖਿਲਾਫ ਕਾਨੂੰਨੀ ਕਾਰਵਾਈ ਕਰਨ ਦੀ ਗੱਲ ਆਖੀ। ਅਤੇ ਦੋਸ਼ੀਆਂ ਨੂੰ ਬਣਦੀ ਸਜ਼ਾ ਦਿਵਾਉਣ ਦਾ ਭਰੋਸਾ ਦਿੱਤਾ, ਇਸ ਸਮੇਂ ਜਥੇਬੰਦੀ ਵਲੋਂ ਰੋਪੜ ਬਲਾਕ ਜਰਨਲ ਸਕੱਤਰ ਰਣਜੀਤ ਸਿੰਘ ਭਾਗੋਮਾਜਰਾ, ਮੁਖਬਲ ਸਿੰਘ ਬਲਾਕ ਮੀਤ ਪ੍ਰਧਾਨ, ਅਵਤਾਰ ਸਿੰਘ, ਕੁਲਵੀਰ ਸਿੰਘ,ਮਾਨਵਜੋਤ ਸਿੰਘ ਗੱਗੋ , ਹਰਪ੍ਰੀਤ ਸਿੰਘ,ਉਦੇਵੀਰ ਸਿੰਘ,ਨਵਜੀਵਨ ਸਿੰਘ, ਅਮਨ ਦੀਪ ਸਿੰਘ ਗੱਗੋ ਆਦਿ ਹਾਜ਼ਰ ਸਨ।
----------- Advertisement -----------
ਐਸ ਐਸ ਪੀ ਰੂਪਨਗਰ ਨੂੰ ਪਿੰਡਾਂ ਵਿੱਚ ਵਿਕਦੇ ਨਸ਼ਿਆਂ ਨੂੰ ਰੋਕਣ ਸਬੰਧੀ ਦਿੱਤਾ ਮੰਗ ਪੱਤਰ
Published on
----------- Advertisement -----------












