15ਵਾਂ ਹਾਕੀ ਵਿਸ਼ਵ ਕੱਪ 13 ਤੋਂ 29 ਜਨਵਰੀ ਤੱਕ ਉੜੀਸਾ ਦੇ ਰਾਊਰਕੇਲਾ ਅਤੇ ਭੁਵਨੇਸ਼ਵਰ ਵਿੱਚ ਹੋਣ ਜਾ ਰਿਹਾ ਹੈ। ਟੀਮ ਇੰਡੀਆ 13 ਜਨਵਰੀ ਤੋਂ ਸ਼ੁਰੂ ਹੋ ਰਹੇ ਹਾਕੀ ਵਿਸ਼ਵ ਕੱਪ ਦੇ 15ਵੇਂ ਐਡੀਸ਼ਨ ਵਿੱਚ ਵੀ ਵੱਡੇ ਦਾਅਵੇਦਾਰ ਵਜੋਂ ਉਭਰੇਗੀ। ਟੋਕੀਓ ਓਲੰਪਿਕ 2021 ਦੀ ਗੱਲ ਕਰੀਏ ਤਾਂ 41 ਸਾਲ ਬਾਅਦ ਤਮਗਾ ਜਿੱਤਣ ਵਾਲੀ ਭਾਰਤੀ ਟੀਮ ਨੇ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਇਸ ਵਾਰ ਭਾਰਤੀ ਟੀਮ ਦੇ ਹੌਸਲੇ ਬੁਲੰਦ ਹਨ।
ਹਾਲਾਂਕਿ, ਜਦੋਂ ਵਿਸ਼ਵ ਕੱਪ ਦੀ ਗੱਲ ਆਉਂਦੀ ਹੈ, ਭਾਰਤ ਨੇ ਸਾਲ 1975 ਵਿੱਚ ਇੱਕਮਾਤਰ ਟਰਾਫੀ ਜਿੱਤੀ ਸੀ। ਉਦੋਂ ਤੋਂ ਟੀਮ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ‘ਚ ਵੀ ਜਗ੍ਹਾ ਨਹੀਂ ਬਣਾ ਸਕੀ ਹੈ। 47 ਸਾਲਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਇੱਕ ਵਾਰ ਫਿਰ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਭਾਰਤ ਵਿਸ਼ਵ ਕੱਪ ਟਰਾਫੀ ਦਾ ਸੋਕਾ ਖਤਮ ਕਰ ਦੇਵੇਗਾ।
ਟੀਮ ਨੇ ਸਾਲਾਂ ਦੌਰਾਨ ਕੁਝ ਚੰਗੇ ਪ੍ਰਦਰਸ਼ਨ ਨਾਲ ਉਮੀਦਾਂ ਵਧਾ ਦਿੱਤੀਆਂ ਹਨ। ਪਹਿਲਾਂ ਭਾਰਤੀ ਟੀਮ ਨੇ 41 ਸਾਲਾਂ ਬਾਅਦ ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਅਤੇ ਫਿਰ ਰਾਸ਼ਟਰਮੰਡਲ ਖੇਡਾਂ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਇਹ ਦਰਸਾਇਆ ਕਿ ਭਾਰਤੀ ਹਾਕੀ ਆਪਣੇ ਸੁਨਹਿਰੀ ਯੁੱਗ ਵਿੱਚ ਵਾਪਸੀ ਦੇ ਰਾਹ ’ਤੇ ਹੈ।
ਹਾਕੀ ਇੰਡੀਆ ਨੇ ਕੁਝ ਹਫ਼ਤੇ ਪਹਿਲਾਂ ਡਰੈਗ-ਫਲਿਕਰਾਂ ਅਤੇ ਗੋਲਕੀਪਰਾਂ ਲਈ ਇੱਕ ਵਿਸ਼ੇਸ਼ ਕੈਂਪ ਦਾ ਆਯੋਜਨ ਕੀਤਾ ਸੀ ਅਤੇ 18-ਮੈਂਬਰੀ ਟੀਮ 13 ਜਨਵਰੀ ਨੂੰ ਸਪੇਨ ਨਾਲ ਆਪਣੇ ਸ਼ੁਰੂਆਤੀ ਮੁਕਾਬਲੇ ਤੋਂ ਪਹਿਲਾਂ ਹਾਲਾਤਾਂ ਦੀ ਆਦਤ ਪਾਉਣ ਲਈ ਪਹਿਲਾਂ ਹੀ ਰਾਊਰਕੇਲਾ ਲਈ ਰਵਾਨਾ ਹੋ ਗਈ ਸੀ।
FIH ਹਾਕੀ ਪੁਰਸ਼ ਵਿਸ਼ਵ ਕੱਪ 2023 ਲਈ ਭਾਰਤੀ ਟੀਮ
ਗੋਲਕੀਪਰ: ਕ੍ਰਿਸ਼ਨ ਬਹਾਦੁਰ ਪਾਠਕ, ਪੀਆਰ ਸ੍ਰੀਜੇਸ਼
ਡਿਫੈਂਡਰ: ਜਰਮਨਪ੍ਰੀਤ ਸਿੰਘ, ਸੁਰਿੰਦਰ ਕੁਮਾਰ, ਹਰਮਨਪ੍ਰੀਤ ਸਿੰਘ (ਕਪਤਾਨ), ਵਰੁਣ ਕੁਮਾਰ, ਅਮਿਤ ਰੋਹੀਦਾਸ (ਉਪ-ਕਪਤਾਨ), ਨੀਲਮ ਸੰਜੀਪ ਐਕਸ.
ਮਿਡਫੀਲਡਰ: ਮਨਪ੍ਰੀਤ ਸਿੰਘ, ਹਾਰਦਿਕ ਸਿੰਘ, ਨੀਲਕੰਤ ਸ਼ਰਮਾ, ਸ਼ਮਸ਼ੇਰ ਸਿੰਘ, ਵਿਵੇਕ ਸਾਗਰ ਪ੍ਰਸਾਦ, ਅਕਾਸ਼ਦੀਪ ਸਿੰਘ
ਫਾਰਵਰਡ: ਮਨਦੀਪ ਸਿੰਘ, ਲਲਿਤ ਕੁਮਾਰ ਉਪਾਧਿਆਏ, ਅਭਿਸ਼ੇਕ, ਸੁਖਜੀਤ ਸਿੰਘ
ਬਦਲਵੇਂ ਖਿਡਾਰੀ: ਰਾਜਕੁਮਾਰ ਪਾਲ, ਜੁਗਰਾਜ ਸਿੰਘ
ਮੁੱਖ ਕੋਚ: ਗ੍ਰਾਹਮ ਰੀਡ
ਇਹ ਹਨ ਚਾਰ ਪੂਲ
ਪੂਲ ਏ – ਆਸਟ੍ਰੇਲੀਆ, ਅਰਜਨਟੀਨਾ, ਫਰਾਂਸ ਅਤੇ ਦੱਖਣੀ ਅਫਰੀਕਾ।
ਪੂਲ ਬੀ – ਬੈਲਜੀਅਮ, ਜਰਮਨੀ, ਕੋਰੀਆ ਅਤੇ ਜਾਪਾਨ।
ਪੂਲ ਸੀ – ਨੀਦਰਲੈਂਡ, ਨਿਊਜ਼ੀਲੈਂਡ, ਮਲੇਸ਼ੀਆ ਅਤੇ ਚਿਲੀ।
ਪੂਲ ਡੀ – ਟੀਮ ਇੰਡੀਆ, ਇੰਗਲੈਂਡ, ਸਪੇਨ ਅਤੇ ਵੇਲਜ਼।
ਟੀਮ ਇੰਡੀਆ ਦਾ ਪੂਲ ਮੈਚ ਕਦੋਂ
ਟੀਮ ਇੰਡੀਆ ਬਨਾਮ ਸਪੇਨ – 13 ਜਨਵਰੀ, ਸ਼ਾਮ 7 ਵਜੇ
ਟੀਮ ਇੰਡੀਆ ਬਨਾਮ ਇੰਗਲੈਂਡ – 15 ਜਨਵਰੀ, ਸ਼ਾਮ 7 ਵਜੇ
ਟੀਮ ਇੰਡੀਆ ਬਨਾਮ ਵੇਲਜ਼ – 19 ਜਨਵਰੀ, ਸ਼ਾਮ 7 ਵਜੇ
