ਜੂਨ ਮਹੀਨੇ ਦੇ ਪਹਿਲੇ ਹੀ ਦਿਨ ਇੱਕ ਚੰਗੀ ਖ਼ਬਰ ਆਈ ਹੈ। ਹੁਣ ਲੋਕਾਂ ਨੂੰ ਕਮਰਸ਼ੀਅਲ ਐਲਪੀਜੀ ਸਿਲੰਡਰ ਦੀ ਕੀਮਤ ਘੱਟ ਚੁਕਾਉਣੀ ਪਵੇਗੀ। ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ 19 ਕਿਲੋ ਦੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀਆਂ ਕੀਮਤਾਂ ਘਟਾਈਆਂ ਹਨ। ਕਮਰਸ਼ੀਅਲ ਐਲਪੀਜੀ ਸਿਲੰਡਰ ਦਾ ਰੇਟ 72 ਰੁਪਏ ਘੱਟ ਕਰ ਦਿੱਤਾ ਗਿਆ ਹੈ। ਇਹ ਲਗਾਤਾਰ ਤੀਜਾ ਮਹੀਨਾ ਹੈ ਜਦੋਂ ਵਪਾਰਕ ਰਸੋਈ ਗੈਸ ਸਿਲੰਡਰ ਦੀ ਦਰ ਘਟਾਈ ਗਈ ਹੈ।
ਦਿੱਲੀ ‘ਚ ਵਪਾਰਕ ਸਿਲੰਡਰ ਦੀ ਕੀਮਤ 69.50 ਰੁਪਏ ਘੱਟ ਗਈ ਹੈ। ਹੁਣ ਇਹ ਰਾਸ਼ਟਰੀ ਰਾਜਧਾਨੀ ‘ਚ 1676 ਰੁਪਏ ‘ਚ ਉਪਲਬਧ ਹੋਵੇਗਾ। ਕੋਲਕਾਤਾ ‘ਚ ਸਿਲੰਡਰ ਦੇ ਰੇਟ 72 ਰੁਪਏ ਘਟੇ ਹਨ। ਹੁਣ ਇੱਥੇ 1787 ਰੁਪਏ ਵਿੱਚ ਸਿਲੰਡਰ ਮਿਲੇਗਾ। ਮੁੰਬਈ ‘ਚ ਸਿਲੰਡਰ 69.50 ਰੁਪਏ ਘਟਾ ਕੇ 1629 ਰੁਪਏ ‘ਚ ਮਿਲੇਗਾ। ਚੇਨਈ ਵਿੱਚ ਸਿਲੰਡਰ ਦੀ ਕੀਮਤ 1840.50 ਰੁਪਏ ਹੋ ਗਈ ਹੈ। ਚੰਡੀਗੜ੍ਹ ‘ਚ 19 ਕਿਲੋ ਦਾ ਕਮਰਸ਼ੀਅਲ ਸਿਲੰਡਰ 1697 ਰੁਪਏ ‘ਚ ਮਿਲੇਗਾ।