ਪੰਜਾਬ ‘ਚ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਜਾਰੀ ਹੈ। ਇਸ ਵਿਚਾਲੇ ਹੀ ਕਈ ਜਗ੍ਹਾ ਤੇ ਈ ਵੀ ਐਮ ਮਸ਼ੀਨਾਂ ਚ ਖ਼ਰਾਬੀ ਹੋਣ ਦੀਆ ਖਬਰਾਂ ਵੀ ਸਾਹਮਣੇ ਆ ਰਹੀਆਂ ਹਨ। ਵਿਧਾਨ ਸਭਾ ਦੀਆਂ ਚੋਣਾਂ ਦਾ ਕੰਮ ਅੱਜ ਸਵੇਰੇ ਜਿਉਂ ਹੀ ਸ਼ੁਰੂ ਹੋਇਆ ਤਾਂ ਵਿਧਾਨ ਸਭਾ ਹਲਕਾ ਫਿਰੋਜ਼ਪੁਰ ਦਿਹਾਤੀ ਤੋਂ ਬੂਥ ਨੰਬਰ 225 ਐਲੀਮੈਂਟਰੀ ਸਕੂਲ ਬਸਤੀ ਬੇਲਾ ਸਿੰਘ ਵਿਖੇ ਵੋਟਿੰਗ ਮਸ਼ੀਨ ਤਕਨੀਕੀ ਨੁਕਸ ਪੈਣ ਕਰਕੇ ਬੰਦ ਹੋ ਗਈ ਹਾਲਾਂ ਕਿ ਜਿਸ ਨੂੰ ਦੋਬਾਰਾ ਸ਼ੁਰੂ ਕੀਤਾ ਗਿਆ।
ਇਸ ਤੋਂ ਪਹਿਲਾ ਹੀ ਆਮ ਆਦਮੀ ਪਾਰਟੀ ਦੇ ਪੰਜਾਬ ਸਹਿ ਇੰਚਾਰਜ ਰਾਘਵ ਚੱਢਾ ਨੇ ਕਿਹਾ ਸੀ ਕਿ ਖਡੂਰ ਸਾਹਿਬ, ਤਰਨਤਾਰਨ, ਖੇਮਕਰਨ, ਮਜੀਠਾ, ਸਨੌਰ, ਸ਼ੁਤਰਾਣਾ ਵਿੱਚ ਈਵੀਐਮ ਮਸ਼ੀਨਾਂ ਕੰਮ ਨਹੀਂ ਕਰ ਰਹੀਆਂ।