ਨਵੀਂ ਦਿੱਲੀ : – ਮਾਰੂਤੀ ਆਪਣੇ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਮਾਰੂਤੀ ਸੁਜ਼ੂਕੀ ਨੇ ਆਪਣੇ ਵੱਖ-ਵੱਖ ਮਾਡਲਾਂ ‘ਤੇ ਦਰਾਂ ਵਧਾਉਣ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ, ਕੰਪਨੀ ਨੇ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਦਰਾਂ ਕਿੰਨੀਆਂ ਵਧਣਗੀਆਂ। ਇਹ ਵੀ ਨਹੀਂ ਦੱਸਿਆ ਗਿਆ ਕਿ ਨਵੀਆਂ ਦਰਾਂ ਕਦੋਂ ਲਾਗੂ ਹੋਣਗੀਆਂ।
ਇਕ ਰੈਗੂਲੇਟਰੀ ਫਾਈਲਿੰਗ ‘ਚ ਕੰਪਨੀ ਨੇ ਕਿਹਾ ਕਿ ਪਿਛਲੇ ਇਕ ਸਾਲ ‘ਚ ਇਨਪੁਟ ਲਾਗਤ ਵਧਣ ਕਾਰਨ ਕੰਪਨੀ ਦੇ ਵਾਹਨਾਂ ਦੀਆਂ ਕੀਮਤਾਂ ‘ਤੇ ਅਸਰ ਪਿਆ ਹੈ। ਵਧੀ ਕੀਮਤ ਦੇ ਪ੍ਰਭਾਵ ਨੂੰ ਭਰਨ ਲਈ ਕੰਪਨੀ ਲਈ ਵਾਹਨਾਂ ਦੀ ਕੀਮਤ ਵਧਾਉਣਾ ਜ਼ਰੂਰੀ ਹੋ ਗਿਆ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਅਪ੍ਰੈਲ 2022 ‘ਚ ਕੀਮਤਾਂ ਵਧਾਉਣ ਦੀ ਯੋਜਨਾ ਬਣਾ ਰਹੀ ਹੈ ਅਤੇ ਇਹ ਮਾਡਲ ਮੁਤਾਬਕ ਵੱਖ-ਵੱਖ ਹੋਵੇਗੀ।
ਹਾਲਾਂਕਿ ਕੰਪਨੀ ਨੇ ਅਜੇ ਇਹ ਨਹੀਂ ਦੱਸਿਆ ਹੈ ਕਿ ਕੀਮਤਾਂ ਕਦੋਂ ਅਤੇ ਕਿੰਨੀਆਂ ਵਧਾਈਆਂ ਜਾਣਗੀਆਂ। ਇਨਪੁਟ ਲਾਗਤ ਵਿੱਚ ਲਗਾਤਾਰ ਵਾਧੇ ਕਾਰਨ ਮਾਰੂਤੀ ਨੇ ਜਨਵਰੀ 2021 ਤੋਂ ਮਾਰਚ 2022 ਤੱਕ ਵਾਹਨਾਂ ਦੀਆਂ ਕੀਮਤਾਂ ਵਿੱਚ ਲਗਭਗ 8.8% ਦਾ ਵਾਧਾ ਕੀਤਾ ਹੈ। ਕੰਪਨੀ ਘਰੇਲੂ ਬਾਜ਼ਾਰ ‘ਚ ਆਲਟੋ ਤੋਂ ਲੈ ਕੇ ਐੱਸ-ਕਰਾਸ ਤੱਕ ਕਈ ਮਾਡਲ ਵੇਚਦੀ ਹੈ।
ਕੰਪਨੀ ਦੇ ਇੱਕ ਸੀਨੀਅਰ ਅਧਿਕਾਰੀ ਦੇ ਅਨੁਸਾਰ, ਮਾਰੂਤੀ ਸੁਜ਼ੂਕੀ ਜ਼ਰੂਰੀ ਪੁਰਜ਼ਿਆਂ ਦੀ ਸਪਲਾਈ ਸਥਿਤੀ ਦੇ ਅਧਾਰ ‘ਤੇ ਮੌਜੂਦਾ ਵਿੱਤੀ ਸਾਲ ਵਿੱਚ 4-6 ਲੱਖ ਸੀਐਨਜੀ ਯੂਨਿਟ ਵੇਚਣ ਦਾ ਟੀਚਾ ਰੱਖ ਰਹੀ ਹੈ। ਕੰਪਨੀ ਨੇ 2021-22 ਵਿੱਚ ਲਗਭਗ 2.3 ਲੱਖ ਸੀਐਨਜੀ ਯੂਨਿਟ ਵੇਚੇ ਸਨ। ਮਾਰੂਤੀ ਵਰਤਮਾਨ ਵਿੱਚ ਆਪਣੇ 15 ਮਾਡਲਾਂ ਵਿੱਚੋਂ 9 ਦੇ ਸੀਐਨਜੀ ਸੰਸਕਰਣ ਵੇਚਦੀ ਹੈ। ਆਉਣ ਵਾਲੇ ਦਿਨਾਂ ‘ਚ ਅਜਿਹੀ ਤਕਨੀਕ ਵਾਲੇ ਹੋਰ ਮਾਡਲ ਲਿਆਉਣ ਦੀ ਯੋਜਨਾ ਹੈ।